មេធាវីលោក ហ៊ុន ម៉ាណែត ស្នើសុំពន្យារពេលឆ្លើយតបបណ្ដឹងនៅតុលាការអាមេរិក
2016.11.04
លោក ហ៊ុន ម៉ាណែត កូនប្រុសលោកនាយករដ្ឋមន្ត្រី ហ៊ុន សែន ថ្លែងក្នុងសន្និសីទសារព័ត៌មាននៅអាកាសយានដ្ឋានអន្តរជាតិភ្នំពេញ នៅព្រឹកថ្ងៃពុធ ទី១៩ ខែតុលា ឆ្នាំ២០១៦។ RFA
Photo: RFA
មេធាវីលោក ហ៊ុន ម៉ាណែត លោក ចន ផូសែល (John Purcell) បានសុំពន្យារពេលឆ្លើយតបទៅនឹងដីកាតុលាការដែលបង្គាប់ឲ្យបង្ហាញឯកសារពាក់ព័ន្ធនឹងបណ្តឹងរបស់លោក មាជ សុវណ្ណារ៉ា ដែលបានប្ដឹងលោក ហ៊ុន ម៉ាណែត និងរដ្ឋាភិបាលកម្ពុជា ពីបទធ្វើទារុណកម្ម អំពើភេរវកម្ម និងការឃុំខ្លួនស្រេចតែអំពើចិត្ត។
អាស៊ីសេរី មិនទាន់អាចសុំការបំភ្លឺពីមេធាវី លោក ហ៊ុន ម៉ាណែត ជុំវិញមូលហេតុនៃការសុំពន្យារពេលនេះបាននៅឡើយទេ។ ប៉ុន្តែលោក អ៊ុច សុខខាំបូ ជំនួយការមេធាវីឲ្យលោក មូរតុន ក្លារ (Morton Sklar) ដែលជាមេធាវីរបស់លោក មាជ សុវណ្ណារ៉ា បានប្រាប់អាស៊ីសេរី ឲ្យដឹងថា តាមការព្រមព្រៀងគ្នា តុលាការបានយល់ស្របតាមសំណើសុំពន្យារពេលនេះ។
ថ្មីៗនេះ លោក ញ៉យ ចំរើន តំណាងរាស្ត្រគណបក្សសង្គ្រោះជាតិ ដែលត្រូវបានក្រុមអង្គរក្សលោក ហ៊ុន សែន វាយដំឲ្យរងរបួសយ៉ាងដំណំនៅក្បែរវិមានរដ្ឋសភា ក៏បានសម្រេចប្តឹងលោក ហ៊ុន ម៉ាណែត និងរដ្ឋាភិបាលកម្ពុជា នៅតុលាការអាមេរិក នេះដែរ ហើយបានពឹងពាក់លោក មូរតុន ក្លារ ឲ្យធ្វើជាមេធាវីការពារក្ដីគាត់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ