ព្រះមហាក្សត្រ​យាង​សោយ​ព្រះ​ក្រយា​ក្បែរ​តុលាការ​កំពូល​ចំ​ថ្ងៃ​បក្ស​ប្រឆាំង​ត្រូវ​រំលាយ

ដោយ អាស៊ីសេរី
2017-11-16
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
ព្រះមហាក្សត្រ ព្រះករុណា ព្រះបាទ​សម្ដេច​ព្រះ​បរមនាថ នរោត្តម សីហមុនី និង​សម្ដេច​ព្រះ​មហាក្សត្រី មុនីនាថ សីហនុ ពេល​យាង​តាម​ព្រះ​ទីន័ង​រថភ្លើង​មក​ដល់​ខេត្ត​ព្រះសីហនុ កាល​ពី​ល្ងាច​ថ្ងៃ​ទី​៣០ ខែ​ធ្នូ ឆ្នាំ​២០១៦។
ព្រះមហាក្សត្រ ព្រះករុណា ព្រះបាទ​សម្ដេច​ព្រះ​បរមនាថ នរោត្តម សីហមុនី និង​សម្ដេច​ព្រះ​មហាក្សត្រី មុនីនាថ សីហនុ ពេល​យាង​តាម​ព្រះ​ទីន័ង​រថភ្លើង​មក​ដល់​ខេត្ត​ព្រះសីហនុ កាល​ពី​ល្ងាច​ថ្ងៃ​ទី​៣០ ខែ​ធ្នូ ឆ្នាំ​២០១៦។
Photo courtesy of PM Hun Sen's Facebook page

តុលាការ​កំពូល បាន​សម្រេច​ចេញ​សាល​ដីកា​ភ្លាមៗ ឲ្យ​រំលាយ​បក្ស​ប្រឆាំង​ក្រោយ​បញ្ចប់​ការ​ជំនុំជម្រះ​នៅ​ល្ងាច​ថ្ងៃ​ទី​១៦ ខែ​វិច្ឆិកា និង​សមាជិក​បក្ស​ជាន់​ខ្ពស់​ជាង ១០០​នាក់​ត្រូវ​បាន​ដក​សិទ្ធិ​ធ្វើ​នយោបាយ​រយៈពេល ៥​ឆ្នាំ។ នៅ​ចំ​ថ្ងៃ​ដែល​តុលាការ​កំពូល កំពុង​តែ​ដំណើរ​ក្ដី​រឿង​រំលាយ​បក្ស​ប្រឆាំង ព្រះ​វត្តមាន​របស់​ព្រះ​មហាក្សត្រ ដែល​ព្រះអង្គ​យាង​ទៅ​សោយ​ព្រះ​ក្រយា​ក្បែរ​តុលាការ​កំពូល បាន​បង្ហាញ​ការ​ភ្ញាក់​ផ្អើល​យ៉ាង​ខ្លាំង​ដល់​សាធារណៈ។ អ្នក​វិភាគ​នយោបាយ​យល់​ឃើញ​ថា ការ​យាង​របស់​ព្រះ​មហាក្សត្រ​នៅ​ពេល​នេះ ជា​សញ្ញា​បង្ហាញ​ថា ព្រះអង្គ​កំពុង​ខ្វល់ខ្វាយ​អំពី​វិបត្តិ​នយោបាយ​ដ៏​ធំ​នេះ។

នេះ​អាច​ចាត់​ទុក​ថា ជា​ការ​កម្រ និង​ជា​ការ​គាប់​ជួន​ដែល​ព្រះ​រាជកិច្ច​របស់​ព្រះ​មហាក្សត្រ ត្រូវ​បាន​គេ​រៀបចំ​ឡើង​ផ្នែក​ខាង​ក្រៅ​ព្រះបរមរាជវាំង នៅ​ចំ​ថ្ងៃ​នៃ​សវនាការ​ជំនុំជម្រះ​រំលាយ​បក្ស​ប្រឆាំង​លើ​សំណុំរឿង​រំលាយ​ប្រឆាំង​ដែល​ស្ថិត​ក្រោម​ការ​រិះគន់ និង​ថ្កោលទោស​ដ៏​ចម្រូងចម្រាស​ពី​សហគមន៍​អន្តរជាតិ។

ទីប្រឹក្សា​ព្រះរាជ​លេខាធិការដ្ឋាន​ព្រះ​មហាក្សត្រី នរោត្តម មុនីនាថ លោក អ៊ុំ ដារ៉ាវុធ ឲ្យ​ដឹង​ថា នេះ​ជា​ការ​យាង​ទៅ​ជា​ធម្មតា​របស់​ព្រះ​មហាក្សត្រ និង​សម្ដេច​ម៉ែ ដែល​មាន​ព្រះរាជ​ពិធី​នៅ​ក្បែរ​តុលាការ​កំពូល​នេះ។ លោក​បន្ត​ថា ការ​យាង​របស់​ព្រះ​មហាក្សត្រ​នេះ លោក​ពុំ​បាន​ដឹង​ពី​មូលហេតុ​ច្បាស់​លាស់​ទេ ប៉ុន្តែ​នៅ​ថ្ងៃ​ដែល​តុលាការ​កំពូល​កំពុង​កាត់​ក្ដី​រំលាយ​បក្ស​ប្រឆាំង ព្រះអង្គ​ទាំង​ទ្វេ​ក៏​មាន​ព្រះរាជ​ពិធី​នៅ​ក្នុង​ភោជនីយដ្ឋាន​មួយ ស្ថិត​នៅ​ផ្នែក​ខាង​ក្រោយ​នៃ​តុលាការ​កំពូល​នេះ​ដែរ។ បើ​ទោះ​ជា​បែប​ណា លោក អ៊ុំ ដារ៉ាវុធ បាន​បដិសេធ​​ថា លោក​ពុំ​បាន​ដឹង​ពី​ទឹក​ព្រះទ័យ​​របស់​ព្រះមហាក្សត្រ​ចំពោះ​ទិដ្ឋភាព​នយោបាយ​នៅ​ពេល​នេះ​ទេ៖ «»។

លោក ឌិត មុន្ទី ជា​ប្រធាន​តុលាការ​កំពូល និង​ជា​ប្រធាន​ក្រុម​ប្រឹក្សា​ជំនុំជម្រះ​ក្នុង​រឿង​ក្តី​នេះ​ផង ហើយ​ជា​សមាជិក​ជាន់​ខ្ពស់​របស់​គណបក្ស​ប្រជាជន​កម្ពុជា ថែម​ទៀត​នោះ បាន​សម្រេច​ចេញ​សាលដីកា​ឲ្យ​រំលាយ​បក្ស​ប្រឆាំង​ភ្លាមៗ ក្រោយ​បញ្ចប់​ការ​ជំនុំជម្រះ។ ក្រៅ​ពី​នេះ អំណាច​សាលដីកា​ដែល​បិទ​ផ្លូវ​តវ៉ា​នេះ ក៏​បាន​ហាម​មិន​ឲ្យ​សមាជិក​ចំនួន ១១៨​រូប​របស់​គណបក្ស​សង្គ្រោះ​ជាតិ ធ្វើ​នយោបាយ​រយៈពេល ៥​ឆ្នាំ។

ព្រះ​មហាក្សត្រ ព្រះបាទ​សម្ដេច​ព្រះ​បរមនាថ នរោត្តម សីហមុនី និង​សម្ដេច​ម៉ែ ព្រះអង្គ​បាន​យាង​ទៅ​សោយ​ព្រះ​ក្រយា​នៅ​ក្នុង​ហាង​មួយ​ឈ្មោះ មាលា (Mealea) ដែល​ជា​ភោជនីយដ្ឋាន​របស់​សម្ដេច​ព្រះ អរុណរស្មី។ ការ​យាង​ចេញ​ពី​ព្រះបរមរាជវាំង​សម្រាប់​ព្រះរាជ​ពិធី​នៅ​ខាង​ក្រៅ​នេះ វា​ហាក់​គាប់​ជួន​ទៅ​នឹង​ព្រឹត្តិការណ៍​កាត់​ក្ដី​រំលាយ​បក្ស​ប្រឆាំង​ដោយ​តុលាការ​កំពូល។ សំណុំរឿង​រំលាយ​បក្ស​ប្រឆាំង​ដែល​ក្រសួង​មហាផ្ទៃ ដើរ​តួ​ជា​ដើមបណ្ដឹង​នេះ បាន​ប្រើប្រាស់​ចៅក្រម​រហូត​ដល់ ៩​នាក់។ នេះ​ជា​សវនាការ​ដ៏​កម្រ និង​ពុំ​ដែល​មាន​ក្នុង​ពេល​កន្លង​ទៅ ខណៈ​ដែល​ចៅក្រម​មួយ​ចំនួន​កាន់​រឿង​ក្ដី​នេះ មាន​តួនាទី​នៅ​ក្នុង​គណៈកម្មាធិការ​អចិន្ត្រៃយ៍​នៃ​គណបក្សប្រជាជន​កម្ពុជា​ផង។

ពាក់ព័ន្ធ​នឹង​ព្រះ​វត្តមាន​ព្រះ​មហាក្សត្រ​វិញ គេ​កម្រ​ឃើញ​ព្រះ​ភក្តិ​ព្រះ​មហាក្សត្រ និង​ព្រះ​ទីនាំង​របស់​ព្រះអង្គ​សម្រាប់​ព្រះ​រាជកិច្ច​ជា​លក្ខណៈ​ឯកជន​នៅ​ខាង​ក្រៅ​ព្រះបរមរាជវាំង​ណាស់។ អ្នក​វិភាគ​នយោបាយ​យល់​ឃើញ​ថា វត្តមាន​របស់​ព្រះ​មហាក្សត្រ និង​សម្ដេច​ម៉ែ នៅ​ពេល​នេះ​ជា​សញ្ញា​បង្ហាញ​ថា ព្រះអង្គ​ហាក់​ខ្វល់ខ្វាយ​ពី​វិបត្តិ​នយោបាយ​នៅ​កម្ពុជា កាន់​តែ​ដុនដាប​ទៅៗ។ លោក ហ៊ុន សែន និង​រដ្ឋាភិបាល​របស់​លោក ត្រូវ​រង​ការ​រិះគន់​ថា ព្យាយាម​បង្កើត​ និង​ធ្វើ​វិសោធនកម្ម​ច្បាប់​ដើម្បី​កម្ទេច​សំឡេង​ប្រឆាំង។ ប៉ុន្តែ​ទាំង​លោក ហ៊ុន សែន និង​មន្ត្រី​របស់​លោក ជា​ញឹកញាប់​តែង​ថ្លែង​ការពារ​ថា ការ​អនុវត្ត​ដូច​នេះ​គឺ​ដើម្បី​ថែរក្សា​សុខ​សន្តិភាព​ប៉ុណ្ណោះ។

លោក​បណ្ឌិត ឡៅ ម៉ុងហៃ អ្នក​វិភាគ​សង្គម និង​នយោបាយ​មាន​ប្រសាសន៍​ថា បើ​ទោះ​ជា​ការ​យាង​ទៅ​របស់​ព្រះ​មហាក្សត្រ​ក្នុង​ឋានៈ​ជា​ឯកជន សម្រាប់​ព្រះរាជ​ពិធី​របស់​ព្រះ​អង្គ​មែន ក៏​រឿង​នេះ​ជា​សញ្ញា​បង្ហាញ​ថា ប្រហែល​ព្រះអង្គ​ហាក់​មិន​ពេញ​ព្រះ​ទ័យ​ចំពោះ​ការ​រុញ​សភាពការណ៍​នេះ ឲ្យ​កាន់​តែ​ធ្ងន់ធ្ងរ៖ «»។

នៅ​លើ​បណ្ដាញ​សង្គម​ហ្វេសប៊ុក (Facebook) បាន​រិះគន់​ខ្លាំងៗ​ទៅ​លើ​ចំណាត់​ការ​ផ្លូវ​ច្បាប់​របស់​រដ្ឋាភិបាល​ប្រឆាំង​គណបក្ស​សង្គ្រោះ​ជាតិ នៅ​ពេល​នេះ។ អ្នក​ខ្លះ​បាន​ប្រៀបធៀប​ការ​កម្ទេច​សំឡេង​គាំទ្រ​បក្ស​ប្រឆាំង​ជាង ៣​លាន​នាក់ ដោយ​មិន​បង្ហូរ​ឈាម​មួយ​ដំណក់ ស្រដៀង​គ្នា​ទៅ​នឹង​ការ​សម្លាប់​ពលរដ្ឋ​នៅ​ក្នុង​របប​ខ្មែរ​ក្រហម​ដែរ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (14)
  • បោះពុម្ព
  • ចែករំលែក
  • អ៊ីម៉ែល

អ្នក​អាន​អនាមិក

I'm Khmer and I'm so shameful to the rest of the world to have a king like Sihakmoni! Hun Sen has done something wrong to Khmer people. Beside, the king has participated in wrong doing to the Khmer people. Shame on you Sihakmoni asswhole.

Nov 18, 2017 03:08 PM

អ្នក​អាន​អនាមិក

Hunt Sen is a real king. Sihak moni is just a king in the movie.

Nov 17, 2017 01:13 PM

Hanoi Doggy

ពី Hanoi

You all have so much illusion about this "king" Sihamoni and Monique
We all should remember that Monique was born in Vietnam from UNKNOWN mother (but made by Youn propaganda that she was born by Yeay Pom, royal family, and a supposed Italian Father F. IZZY? but he never recognized her until his death and refused to meet her.
In addition, Monique was the last person and the only person to receive last HO CHI MIN's politic will, not Sihanouk, not anyone else on how Cambodia will be ANNEXED and Khmer People will be Ethnic Cleansing.
Since we know that Monique is Youn, and with Ho Chi Min Will to annex Cambodia, and ethnic Cleansing Khmer people, Sihamoni is 75% youn and Fake Khmer king, we can see since he becomes king what he did to help Cambodian people? NONE, but help the TRAITOR Hun SEN to kill more Khmer ...
Wake UP everyone, this Last action with his Youn mother Monique, they get out to CELABRATE the Accomplishment of their goal, according HO Chi Min's will to finalize the last step forward of Ethic Cleaning Khmer, and Annex Cambodia...

Nov 17, 2017 05:15 AM

អ្នក​អាន​អនាមិក

I disagree with Mr. Lao Monghay's opinion. The so called King of Kampumchea and his/her mommy are having a great party near by the Sen kom poul court to celebrate the court decision of desolving CNRP. Do all Cambodians get it?

Nov 17, 2017 02:06 AM

TRUE KHMER

បន្ទោសព្រះអង្គ​​​​​​​​ក៏មិនបានដែ, ទ្រងពិតជាពិបាកព្រះ​ទយ័អាណិតប្រជារាស្តររបស់ព្រះអង្គណាស់,បុន្តែជាអកុសល,​​​សថាបន័ព្រះរាជវង័គឺនោ​ក្រោ​មពួកអាតេរឆានគ្រប់គ្រោងទាង់ស្រុង,,ព្រះអង្គមានសេរីភាពតិចតួចជាងរាស្តរទៅទាត។។​​​សង្ឃិមថាថ្ងៃណាមួយទ្រងមានអោកាសដូចប្រ​ជាជនដែរ។។

Nov 17, 2017 01:50 AM

មើល​មតិ​ទាំង​អស់.

គេហទំព័រ​ទាំងមូល