លោក ឈឹម សៀកឡេង ប្ដឹងទាស់ដីកាសម្រេចរក្សាតួនាទីភារកិច្ចនិងត្រា
អ្នកនាំពាក្យគណបក្ស នរោត្តម រណឫទ្ធិ លោក ប៉ែន សង្ហា មានប្រសាសន៍ថា គណបក្ស នរោត្តម រណឫទ្ធិ ធ្វើការប្ដឹងទាស់ទៅសាលាដំបូង នៅថ្ងៃទី២៧ ខែកក្កដា ឆ្នាំ២០១២ ឲ្យប្រឆាំងនឹងដីកាសម្រេចរក្សាការពារ ចុះថ្ងៃទី២៥ ខែកក្កដា ឆ្នាំ២០១២ ដែលធ្វើឡើងតាមសំណើរបស់លោក សៅ រ៉ានី។ លោកបន្តថា ដីការក្សាការពារនេះមិនផ្តល់យុត្តិធម៌ដល់គណបក្ស នរោត្តម រណឫទ្ធិ ដែលដឹកនាំដោយសម្ដេចក្រុមព្រះទេ។
លោកបញ្ជាក់ថា វាធ្វើឲ្យប៉ះពាល់ដល់សិទ្ធិ លក្ខន្តិកៈគណបក្ស និងប៉ះពាល់ដល់សិទ្ធិស្វ័យសម្រេចរបស់ព្រះប្រធានគណបក្ស នរោត្តម រណឫទ្ធិ៖ «បក្ស នរោត្តម រណឫទ្ធិ សុំប្ដឹងតវ៉ាឲ្យតុលាការសាលាដំបូងរាជធានីភ្នំពេញ លុបចោលដីការក្សាការពារលេខ០៩ញ ចុះថ្ងៃទី២៥ កក្កដា ឆ្នាំ២០១២ ជាសេចក្តីសម្រេចដែលមិនបានអញ្ជើញភាគីចុងចម្លើយទៅសាកសួរ សូម្បីតែមួយម៉ាត់»។
បណ្ដឹងសុំរក្សាការពារតួនាទី និងភារកិច្ច របស់លោក សៅ រ៉ានី ដែលបានដាក់ទៅសាលាដំបូងរាជធានីភ្នំពេញ កាលពីថ្ងៃទី២៣ ខែកក្កដា ឆ្នាំ២០១២ គឺបន្ទាប់មានសេចក្ដីសម្រេចរបស់ប្រធានគណបក្ស នរោត្តម រណឫទ្ធិ កាលពីថ្ងៃទី២០ ខែកក្កដា ឆ្នាំ២០១២ បញ្ចប់តួនាទី ភារកិច្ច ពីតំណែងអគ្គលេខាធិការ និងអគ្គលេខាធិការរង និងសមាជិកគណៈកម្មាធិការអចិន្ត្រៃយ៍គណបក្ស៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
កូនក្លាចឱពុក
ពី អឺរ៉ុបសូមខ្សឹបបន្តិច!!តើក្រុមនេះនៅប្រើនយោបាយឈឺខ្លួនដល់ណាទៀត?
ខ្មែរឈប់ជឿតទៅទៀតហើយ! ព្រោះពេលបានឈ្នះ
ភ្លេចគ្រាក្រ ភ្លេចអ្នករួមកវែកកឆ្នាំង មានជម្រករុះចោល
ដេញUN ដេញអ្នករួមដំណើរ សួរថាសត្វអ្វីមិនធ្វើជម្រក
ហើយដើរនៅសម្បុកគេ?ល្មមដឹងខ្លួនហើយ?ពិតជាទទួលឆ្អែតអត់ការឆ្វើរមែន?
Jul 28, 2012 06:37 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
