កម្ពុជា​នាំ​ទំនិញ​ទៅ​លក់​នៅ​បរទេស​បាន​ជាង ៤​ពាន់​លាន​ដុល្លារ​នា​ឆ្នាំ​២០០៧

នៅក្នុង​បទសម្ភាសន៍​មួយ​ជាមួយ​កាសែត​សំណេរថ្មី ច្បាប់​ចេញ​ផ្សាយ​ថ្ងៃ​ពុធ ម្សិលមិញ​នេះ លោក​នាយក​រដ្ឋមន្រ្តី ហ៊ុន សែន បាន​ឲ្យ​ដឹង​ថា កម្ពុជា​បាន​នាំចេញ​ទំនិញ​ទៅលក់​នៅ​បរទេស​មាន​តម្លៃ​ទាំងអស់​ជាង ៤​ពាន់​លាន​ដុល្លារ កាលពី​ឆ្នាំ​២០០៧ ។

លោក​នាយករដ្ឋមន្រ្តី បាន​បញ្ជាក់​ថា សូម្បី​តែ​មក​ដល់​ឆ្នាំ​១៩៩៤ ទំហំ​នាំចេញ​របស់​ខ្មែរ​មាន​ប្រមាណ​ជា ២០០​លាន​ដុល្លារ​ប៉ុណ្ណឹង​ទេ ។
ឯ​ផ្នែក​វាយនភណ្ឌ គឺ​បាន​តែ ៤​លាន​ដុល្លារ​អាមេរិក ។

ប៉ុន្តែ ឥឡូវ​ផ្នែក​វាយនភណ្ឌ​នេះ គឺ​នៅ​ឆ្នាំ​២០០៧ បាន ២​ពាន់ ៩​រយ​លាន​ដុល្លារ​អាមេរិក ហើយ​ទំហំ​នាំ​ចេញ​សរុប​មាន​ទាំងអស់​ជាង ៤​ពាន់​លាន​ដុល្លារ ។