លោក ហ៊ុន សែន នឹងចូលរួមកិច្ចប្រជុំកំពូលលើកទី១៦នៃចលនាមិនចូលបក្សសម្ព័ន្ធ

លោកនាយករដ្ឋមន្ត្រី ហ៊ុន សែន នឹងដឹកនាំគណៈប្រតិភូជាន់ខ្ពស់ រួមមានលោកឧបនាយករដ្ឋមន្ត្រី និងរដ្ឋមន្ត្រីការបរទេស ហោ ណាំហុង ដើម្បីទៅចូលរួមកិច្ចប្រជុំកំពូលលើកទី១៦ នៃប្រទេសចលនាមិនចូលបក្សសម្ព័ន្ធ ដែលរៀបចំធ្វើឡើងនាទីក្រុងតេរ៉ង់ ប្រទេសអ៊ីរ៉ង់ ចាប់ពីថ្ងៃទី៣០ ដល់ ៣១ ខែសីហា ឆ្នាំ២០១២ តាមការអញ្ជើញរបស់ប្រធានាធិបតីអ៊ីរ៉ង់ លោក ម៉ាមូដ អាម៉ាឌីណឺយ៉ាដ (Mahmoud Ahmadinejad)។

ដោយ ម៉ៅ សុធានី
2012-08-25

សេចក្តីជូនព័ត៌មានរបស់ក្រសួងការបរទេសកម្ពុជា ចុះថ្ងៃទី២៤ ខែសីហា នេះបានឲ្យដឹងថា ក្រៅពីកិច្ចប្រជុំកំពូល លោកនាយករដ្ឋមន្ត្រី ហ៊ុន សែន នឹងជួបពិភាក្សាជាមួយប្រធានាធិបតីអ៊ីរ៉ង់ លោក ម៉ាមូដ អាម៉ាឌីណឺយ៉ាដ (Mahmoud Ahmadinejad) និងលោក គឺម យ៉ុងណាម ប្រធានគណៈប្រធានសភា នៃសាធារណរដ្ឋប្រជាមានិតប្រជាធិបតេយ្យកូរ៉េ។

បន្ថែមពីនេះ លោកនាយករដ្ឋមន្ត្រី ហ៊ុន សែន ព្រមទាំងគណៈប្រតិភូ នឹងចូលរួមពិព័រណ៍ចិន-អាស៊ី-អឺរ៉ុប លើកទី២ ដែលនឹងប្រព្រឹត្តទៅចាប់ពីថ្ងៃ១ ដល់៥ ខែកញ្ញា ឆ្នាំ២០១២ នៅទីក្រុងអ៊ូវ៉ុនឈី តំបន់ស្វយ័តស៊ីនជាំងអ៊ុយហ្គរ នៃសាធារណរដ្ឋប្រជាមានិតចិន។ នៅទន្ទឹមនេះ លោកនាយករដ្ឋមន្ត្រី ហ៊ុន សែន នឹងជួបពិភាក្សាទ្វេភាគីជាមួយនាយករដ្ឋមន្ត្រីចិន លោក វិន ជាបាវ (Wen Jiabao)។

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

អត្ថបទដែលទាក់ទង

មតិ (2)

ចុចត្រង់នេះដើម្បីបន្ថែមយោបល់របស់អ្នក

Vuth Lee

ពី Lowell, Massachusetts,U.S.A

Cambodia should not attend the 16th Non-aligned Summit that hosted by Iran. Iran is a country that the West suspected trying to build the nuclear bomb. But, maybe he wants to make friend with Mahmoud Ahmadinejad(Iranian President)just in case some thing happend to him- (if the International Criminal Court issue a warrant to arrest him for crime against humanity). In this worrisome situation, days and nights Hun Sen always thinking, first, how to get out of Cambodia safely if something happend to him and his family. Second, which country would he be able to apply for his political asylum? I think, Iran is fit for Hun Sen because Ahmadinejad is a dictator, too, he can get along with him easily. China can not be a reliable place for Hun Sen, because Pol Pot had tried before and failed, end up dying like a dog in the Anlong Veng's jungle.

Aug 26, 2012 08:17 PM

កូនខ្មែរមហានគរ

ពី ព្រៃនគរ

ឆ្ងល់មេដឹកនាំខ្មែរដែរ ម៉េចបានចូលចិត្តសេពគប់ពួកកុម្មុយនីស្តម្លេះ គឺតាំងពីជំនាន់សម្តេចតាមកម្លេះ? បើតែអញ្ចឹងធ្វើម៉េចបានប្រជាជនអាចរស់បានដោយក្តីសុខទៅ។ តាមពិតទៅ ការចូលរួមចលនាមិនចូលបក្សសម្ព័ន្ធរបស់ខ្មែរហាក់បីដូចជាបានកំពុងតែដើរទៅរកកុម្មុយនីស្តទៅហើយ មិនចាំបាច់យកលេសថាប្រទេសអព្យាក្រឹត្យមិនចូលបក្សសម្ព័ន្ធនោះទេ។ អត់ជឿថាប្រជាធិបតេយ្យទេ គ្រាន់តែបញ្ចេញមតិក៏ចាប់ចងដែរ តើនេះឬប្រទេសប្រជាធិបតេយ្យ និងអព្យាក្រឹត្យ? តាមពិតទៅប្រើបាននឹងចចកកុំពុងតែពាក់ស្បែកចៀមទេតើ(ខាងក្រៅក្លែងខ្លួនជាប្រជាធិបតេយ្យ តែខាងក្នុងកុំម្មុយនីស្តសុទ្ធ)។

Aug 25, 2012 09:20 AM