អ្នក​នាំ​ពាក្យ​បក្ស​កាន់​អំណាច​ហៅ​លោក សម រង្ស៊ី ថា​ជា​ជន​កំសាក

ដោយ យ៉ង ចាន់តារា
2017-07-16
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
អតីត​ប្រធាន​គណបក្ស​សង្គ្រោះ​ជាតិ លោក សម រង្ស៊ី ថ្លែង​តាម​វីដេអូ​ឃ្លីប​កាល​ពី​ថ្ងៃ​ទី​១៨ ខែ​មេសា ឆ្នាំ​២០១៧។ Photo courtesy of Sam Rainsy facebook
អតីត​ប្រធាន​គណបក្ស​សង្គ្រោះ​ជាតិ លោក សម រង្ស៊ី ថ្លែង​តាម​វីដេអូ​ឃ្លីប​កាល​ពី​ថ្ងៃ​ទី​១៨ ខែ​មេសា ឆ្នាំ​២០១៧។ Photo courtesy of Sam Rainsy facebook
Photo courtesy of Sam Rainsy facebook

អ្នក​នាំ​ពាក្យ​គណបក្ស​ប្រជាជន​កម្ពុជា លោក សុខ ឥសាន នៅ​ថ្ងៃ​ទី​១៦ កក្កដា ហៅ​អតីត​ប្រធាន​គណបក្ស​សង្គ្រោះ​ជាតិ លោក សម រង្ស៊ី ថា​ជា​ជន​កំសាក ដែល​សម្ងំ​យក​សុខ​តែ​ម្នាក់​ឯង មិន​ខ្វល់​ពី​សុខ​ទុក្ខ​របស់​ប្រជាជន។ អ្នក​នាំ​ពាក្យ​គណបក្ស​សង្គ្រោះ​ជាតិ ច្រានចោល​ការ​លើក​ឡើង​បែប​នេះ ដោយ​បញ្ជាក់​ថា វត្តមាន​របស់​លោក សម រង្ស៊ី ក្នុង​ការ​បោះឆ្នោត​ជាតិ​ខាង​មុខ​នេះ​ជា​រឿង​សំខាន់ ដូច្នេះ​ទើប​គណបក្ស​កាន់​អំណាច​ប្រឹងប្រែង​ដើម្បី​បញ្ចប់​ជីវិត​នយោបាយ​របស់​គាត់។

ការ​វាយប្រហារ​ជា​ពាក្យ​សម្ដី​ធ្ងន់ៗ​របស់​លោក សុខ ឥសាន នេះ ធ្វើ​ឡើង​ស្រប​ពេល​មន្ត្រី​ជាន់​ខ្ពស់​គណបក្ស​សង្គ្រោះ​ជាតិ ជាច្រើន​រូប បាន​ធ្វើ​ទស្សនកិច្ច​ជា​បន្តបន្ទាប់​ទៅ​កោះ​ហុងកុង ដើម្បី​ជួប​ជាមួយ​លោក សម រង្ស៊ី ជា​លើក​ចុង​ក្រោយ មុន​ពេល​វិសោធនកម្ម​ច្បាប់​ស្ដីពី​គណបក្ស​នយោបាយ​ជា​លើក​ទី​ពីរ ត្រូវ​ចូល​ជា​ធរមាន ដែល​នឹង​ឈាន​ដល់​ការ​បញ្ចប់​ជីវិត​នយោបាយ​របស់​លោក សម រង្ស៊ី ទាំងស្រុង។

លោក សុខ ឥសាន សរសេរ​ក្នុង​បណ្ដាញ​សង្គម​តេឡេក្រាម (Telegram) ថា លោក សម រង្ស៊ី គឺ​ជា​ជន​កំសាក​ដែល​តែង​និយាយ​ថា​ខ្លួន​ស្រឡាញ់​ជាតិ និង​ប្រជាជន ក៏ប៉ុន្តែ​ពេល​ប្រជាជន​មាន​ទុក្ខ​លំបាក លោក​បែរ​ជា​ទៅ​សម្ងំ​យក​សុខ​តែ​ម្នាក់​ឯង​ទៅ​វិញ។

សុខ ឥសាន ៨៥៥
មន្ត្រី​នាំ​ពាក្យ​គណបក្ស​ប្រជាជន​កម្ពុជា លោក សុខ ឥសាន ក្នុង​កម្មវិធី​វេទិកា​អ្នក​ស្ដាប់​វិទ្យុ​អាស៊ីសេរី កាល​ពី​ថ្ងៃ​ទី​៦ ខែ​កញ្ញា ឆ្នាំ​២០១៦។ RFA Photo: RFA

លោក​បញ្ជាក់​បន្ថែម​ថា លោក សម រង្ស៊ី ធ្វើ​នយោបាយ​ដោយ​ចង​កំហឹង និង​មាន​គំនុំ​គុំកួន​ទៅ​លើ​ដៃគូ​ប្រកួត​ប្រជែង«គាត់​ប្រព្រឹត្ត​ល្មើស​ច្បាប់ គាត់​ទៅ​បរិហារ​កេរ្តិ៍​គេ អា​ហ្នឹង​គេ​ហៅ​ថា​ញុះញង់​ឲ្យ​មាន​ការ​រើសអើង​នៅ​ក្នុង​សង្គម បំបែក​បំបាក់​ជាតិ គ្មាន​អ្វី​ធ្វើ​ដើម្បី​ផល​ប្រយោជន៍​ជាតិ​ទេ។ គាត់​ស្រែក​ឲ្យ​ឡប់​ប្រជាពលរដ្ឋ​ថា គាត់​ធ្វើ​ដើម្បី​ជាតិ ប៉ុន្តែ​ពេល​ធ្វើ​ហើយ​មាន​បញ្ហា គាត់​រត់​ចោល​ជាតិ»

ទន្ទឹម​នឹង​ការ​បង្អាប់​លោក សម រង្ស៊ី ថា​ជា​ជន​កំសាក​នេះ លោក សុខ ឥសាន បាន​លើក​តម្កើង​ថ្នាក់​ដឹកនាំ​គណបក្ស​ប្រជាជន​កម្ពុជា របស់​លោក ដូចជា លោក ជា ស៊ីម លោក ហេង សំរិន លោក ហ៊ុន សែន លោក ស ខេង និង​លោក សាយ ឈុំ ជាដើម ថា​ជា​វីរបុរស​ជាតិ​ដែល​ចេះ​គិតគូរ​បញ្ហា​ស្រុក​ទេស រិះរក​វិធី​ដោះស្រាយ​បញ្ហា​ជាតិ និង​គិតគូរ​ផល​ប្រយោជន៍​រួម​ជា​ធំ។

ឆ្លើយតប​រឿង​នេះ អ្នក​នាំ​ពាក្យ​គណបក្ស​សង្គ្រោះ​ជាតិ លោក យឹម សុវណ្ណ ថ្លែង​ថា ប្រជាពលរដ្ឋ​បាន​ដឹង និង​អាច​ពិចារណា​ដោយ​ខ្លួន​ឯង​ថា​អ្នក​នយោបាយ​រូប​ណា​ដែល​មាន​ចរិត​បែប​នេះ ជា​អ្នក​បង្កើត​ឲ្យ​មាន​បញ្ហា​អយុត្តិធម៌​សង្គម និង​ជា​អ្នក​ធ្វើ​បាប​រាស្ត្រ​ពិតប្រាកដ ហើយ​ពលរដ្ឋ​នឹង​សម្ដែង​ឆន្ទៈ​របស់​គាត់​នៅ​ក្នុង​ការ​បោះឆ្នោត​ឆ្នាំ​២០១៨ ខាង​មុខ។

លោក យឹម សុវណ្ណ ដែល​ជា​មនុស្ស​ជំនិត និង​មាន​ភក្ដីភាព​ចំពោះ​លោក សម រង្ស៊ី ជាច្រើន​ឆ្នាំ​មក​ហើយ​នោះ បន្ត​ថា វត្តមាន​របស់​អតីត​មេ​បក្ស​របស់​លោក​ក្នុង​ការ​បោះឆ្នោត​ជាតិ​ជា​រឿង​សំខាន់ ហេតុ​ដូចនេះ​ហើយ​ទើប​គណបក្ស​កាន់​អំណាច​ប្រញាប់ប្រញាល់​អនុម័ត​វិសោធនកម្ម​ច្បាប់​គណបក្ស​នយោបាយ​ជា​ថ្មី​ម្តង​ទៀត តាម​បញ្ជា​របស់​លោក​នាយក​រដ្ឋមន្ត្រី ហ៊ុន សែន បើ​ទោះ​ជា​លោក សម រង្ស៊ី បាន​លាលែង​ពី​តំណែង​ជា​ប្រធាន​បក្ស​រួច​ហើយ​ក៏ដោយ​ចុះ«បើ​សិន​ជា​គាត់​យល់​ឃើញ​ថា គាត់​អាច​ឈ្នះ​ឆ្នោត​ដោយ​មិន​ចាំបាច់​ធ្វើ​អ្វី​នោះ​ទេ ខ្ញុំ​ជឿ​ថា​គាត់​មិន​ចាំបាច់​ធ្វើ​បែប​នេះ​ទេ។ បើ​គាត់​ធ្វើ​បែប​នេះ មាន​ន័យ​ថា​គាត់​ប្រាកដ​ក្នុង​ចិត្ត​ណាស់​ថា ប្រជាជន​នឹង​បោះឆ្នោត​ជូន​លោក សម រង្ស៊ី និង​គណបក្ស​សង្គ្រោះ​ជាតិ»

វិសោធនកម្ម​ច្បាប់​ស្ដីពី​គណបក្ស​នយោបាយ​ដែល​ទើប​ត្រូវ​បាន​សមាជិក​រដ្ឋសភា​គណបក្ស​ប្រជាជន​កម្ពុជា លើក​ដៃ​អនុម័ត​កាល​ពី​ពេល​ថ្មី​នេះ ត្រូវ​បាន​អ្នក​ជំនាញ​មើល​ឃើញ​ថា ជា​ចេតនា​បិទ​បញ្ចប់​ជីវិត​នយោបាយ​របស់​លោក សម រង្ស៊ី ទាំងស្រុង​តែ​ម្តង ព្រោះ​ច្បាប់​ថ្មី​នេះ​មាន​ចែង​អំពី​ទណ្ឌិត​មិន​អាច​ពាក់ព័ន្ធ​នឹង​គណបក្ស​នយោបាយ​បាន។

អ្នក​ស្រាវជ្រាវ​ខាង​ការ​អភិវឌ្ឍ​សង្គម បណ្ឌិត មាស នី យល់​ឃើញ​ថា គណបក្ស​កាន់​អំណាច​ព្រួយ​បារម្ភ​នឹង​វត្តមាន​របស់​លោក សម រង្ស៊ី ដូច្នេះ​ហើយ​បាន​ជា​ពួក​គេ​តែង​រិះរក​គ្រប់​មធ្យោបាយ​ដើម្បី​មិន​ឲ្យ​លោក សម រង្ស៊ី ចូល​ស្រុក​បាន«ម្យ៉ាង​ដូចជា​ចង់​យក​ប្រៀប តែ​ម្យ៉ាង​ទៀត​ដូចជា​បង្ហាញ​ពី​ការ​ព្រួយ​បារម្ភ​ចំពោះ​វត្តមាន​លោក សម រង្ស៊ី នៅ​ក្នុង​ស្រុក ដោយសារ​តែ​ឃើញ​ការ​ទទួល​រាក់ទាក់​របស់​ពលរដ្ឋ​នៅ​ពេល​លោក សម រង្ស៊ី វិល​ត្រឡប់​មក​ស្រុក​វិញ (ឆ្នាំ​២០១៣) ច្រើន​ពេក។ អ៊ីចឹង​ខ្ញុំ​មើល​ឃើញ​ទៅ​គណបក្ស​ប្រជាជន​កម្ពុជា នៅ​តែ​មើល​ឃើញ​ថា វត្តមាន​របស់​គណបក្ស​សង្គ្រោះ​ជាតិ ដែល​មាន​លោក សម រង្ស៊ី និង​លោក កឹម សុខា នៅ​ជាមួយ​គ្នា វា​នឹង​អាច ២ បូក ២ បាន ១០។ ក្នុង​កាលៈទេសៈ​បែប​នេះ ត្រូវ​តែ​រក​មធ្យោបាយ​បំបែក ២ បូក ២ មិន​ឲ្យ​ចូល​គ្នា​បាន»

អ្នក​ជំនាញ​រូប​នេះ​មើល​ឃើញ​ថា មាន​បញ្ហា​ធំៗ​របស់​ជាតិ​ជាច្រើន​ដែល​កំពុង​កើត​មាន ហើយ​មិន​ទាន់​ត្រូវ​បាន​ដោះស្រាយ​នៅ​ឡើយ តែ​អ្នក​នយោបាយ​ឯណោះ​វិញ​បែរ​ជា​នៅ​បន្ត​ឈ្លោះ​គ្នា​ឥត​ឈប់ រក​តែ​ពេល​ធ្វើ​ការ​រួម​គ្នា​មិន​បាន។ លោក​ថា ប្រជាប្រិយភាព​មិន​មែន​បាន​មក​ដោយសារ​ការ​ប្រើ​ល្បិចកល​វាយ​បំបាក់​ដៃគូ​ម្ខាងៗ​នោះ​ទេ ក៏ប៉ុន្តែ​គឺ​ជា​ការ​ដោះស្រាយ​បញ្ហា​ប្រឈម​មុខ​របស់​ពលរដ្ឋ។

បណ្ឌិត មាស នី រំលេច​ថា បញ្ហា​ប្រឈម​មួយ​សំខាន់​របស់​ពលរដ្ឋ​នៅ​តាម​ខេត្ត​ខណ្ឌ​ទូទាំង​ប្រទេស​នៅ​ពេល​នេះ គឺ​ការ​គ្មាន​ទីផ្សារ​លក់​កសិផល​ដែល​ពួក​គាត់​ផលិត​បាន ដែល​បញ្ហា​នេះ​នឹង​នាំ​ឲ្យ​ជីវភាព​ពួក​គាត់​កាន់​តែ​ក្រីក្រ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (13)
  • បោះពុម្ព
  • ចែករំលែក
  • អ៊ីម៉ែល

អ្នក​អាន​អនាមិក

It doesn't matter what these Zombies Sok Ey San & CPP say but in the hearts and eyes of Khmer people, Sam Rainsy, Chea Vitchea, Chout Vuthy and Kem Ley, are Khmer BRAVES! They put their lives in danger every time they speak about the injustice that the current THUG Regime inflicted on the Khmer society. If they're cowards like Sok Ey San & CPP they wouldn't speak out.

Jul 17, 2017 06:13 PM

អ៊ុង

ពី ដើមកំណើតព្រែកអាញ្ចាញ

សុកឥសានមានមាត់តែអត់មានខួរក្បាល មិនដឹងឬក៏ធ្វើមិនដឹងថាប្រជាជនខ្មែរក្អួតមិនចេញទេ​ពេលឮសំដីរបស់ពពួកលក់ជាតិបែបនេះ

Jul 17, 2017 08:18 AM

អ្នក​អាន​អនាមិក

CPP will do every bad thing to remain in power. However, you can not obstruct the nature law, once day something will change.

Jul 17, 2017 06:17 AM

អ្នក​អាន​អនាមិក

លោក ហ៊ុនសែន និយាយថាលោក សម រង្ស៊ី ជាជនមិនល្អ ជាប់
ទោសពេញខ្លួនតែហេតុអ្វីធ្វើច្បាប់ហាមគាត់មិនអោយទាក់ទងនិងគណ
បក្សសង្គ្រោះជាតិ។ ចុះក្រែងគាត់មិនល្អនោះមិនចំណេញនយោបាយទៅដល់គណបក្សប្រជាជនទេតើ?​ប្រជាជនពិតជាមិនទៅស្រឡាញ់
មនុស្សអាក្រក់ទេ ដូច្នោះទុកអោយបក្សនោះមានឈ្មោះអាក្រក់ទៅចុះ។ គណបក្សប្រជាជនចាំយកចំណេញពីភាពអាក្រក់នោះទៅជាការស្រេច តើម៉្តេចក៍មើលទៅដូចជាភ័យខ្លាំងនិងប្រញាប់ប្រញើរធ្វើច្បាប់លឿនម៉្លេះ?​ ទង្វើផ្ទុយពីសំដីនេះអាចមានន័យថាកុហកបានទេ? ទង្វើ
នេះមិនធ្វើអោយគេដឹងពីក្រយ៉ៅខ្លួនច្បាស់ក្រឡែតហើយឬ?

Jul 17, 2017 05:46 AM

អ្នក​អាន​អនាមិក

This brainless Sok Ey San still doesn't get it, a majority of Cambodians think of him as a silly clown or a CHHKUOT in Khmer.

If Sam Rainsy were CHHKUOT like him and his bosses, Sam Rainsy would go to Cambodia now. Look at Keo Ley, those Adhoc people, and other people who dare say the truth, how have they been treated by the soon out going Dek Kol Sen???

Jul 17, 2017 03:09 AM

មើល​មតិ​ទាំង​អស់.

គេហទំព័រ​ទាំងមូល