សង្គម​ស៊ីវិល​ស្នើ គ.ជ.ប ចំនួន​៣​ចំណុច​ដើម្បី​កែលំអ​ការ​បោះឆ្នោត

ដោយ សាន សែល
2017-07-27
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
អ្នក​សម្របសម្រួល​ផ្នែក​អង្កេត​នៃ​គណៈកម្មាធិការ​ខុមហ្វ្រែល (COMFREL) លោក កន សាវាង្ស ថ្លែង​ក្នុង​កម្មវិធី​អាស៊ីសេរី កាល​ពី​ថ្ងៃ​ទី​១១ ខែ​ឧសភា ឆ្នាំ​២០១៧។
អ្នក​សម្របសម្រួល​ផ្នែក​អង្កេត​នៃ​គណៈកម្មាធិការ​ខុមហ្វ្រែល (COMFREL) លោក កន សាវាង្ស ថ្លែង​ក្នុង​កម្មវិធី​អាស៊ីសេរី កាល​ពី​ថ្ងៃ​ទី​១១ ខែ​ឧសភា ឆ្នាំ​២០១៧។
Photo: RFA

សង្គម​ស៊ីវិល​ផ្នែក​ឃ្លាំ​មើល​ដំណើរការ​រៀបចំ​ការ​បោះឆ្នោត បាន​ដាក់​អនុសាសន៍​ចំនួន​បី​ចំណុច​ធំៗ​ជូន​គណៈកម្មាធិការ​ជាតិ​រៀបចំ​ការ​បោះឆ្នោត (..) ដើម្បី​កែលំអ និង​ពង្រឹង​លទ្ធផល​ការងារ​របស់ គ..ប សម្រាប់​ការ​បោះឆ្នោត​នៅ​ពេល​ខាង​មុខ។

អ្នក​សម្របសម្រួល​ផ្នែក​អង្កេត​នៃ​អង្គការ​ខុមហ្វ្រែល (COMFREL) លោក កន សាវាង្ស ឲ្យ​ដឹង​ថា ចំណុច​ដែល គ..ប គួរ​កែលំអ​នោះ​រួម​មាន ផ្នែក​បទបញ្ជា និង​នីតិវិធី ការ​ពង្រឹង​សមត្ថភាព​របស់​មន្ត្រី គ..ប និង​ធ្វើ​វិសោធនកម្ម​មាត្រា​មួយ​ចំនួន​នៃ​ច្បាប់​ស្ដីពី​ការ​បោះឆ្នោត។

លោក​បាន​រៀបរាប់​ថា សង្គម​ស៊ីវិល​បាន​ស្នើ គ..ប ឲ្យ​សម្រួល​ដល់​ពលករ​ចំណាក​ស្រុក​នៅ​ក្រៅ​ប្រទេស បាន​ចុះ​ឈ្មោះ​បោះឆ្នោត និង​បោះឆ្នោត ការ​ចុះ​ឈ្មោះ​បោះឆ្នោត​ទៅ​ដល់​ទីតាំង​ភូមិ ឬ​ទី​វត្ត​អារាម ការ​ជួយ​សម្រួល​ឲ្យ​ជន​ពិការ​ងាយស្រួល​ចុះ​ឈ្មោះ ការ​កំណត់​ភូមិ​ដែល​មាន​ប្រជាពលរដ្ឋ ១០០​នាក់​ឡើង​ទៅ​ដើម្បី​បង្កើត​ការិយាល័យ ការ​ទុក​ឲ្យ​សង្គម​ស៊ីវិល​ជា​អ្នក​កំណត់​អ្នក​សង្កេតការណ៍​ចល័ត ការ​ទុក​ឲ្យ​តុលាការ​ជា​អ្នក​ដក​សិទ្ធិ​បោះឆ្នោត ការ​ដោះស្រាយ​ពាក្យ​បណ្ដឹង ការ​បង្កើត​ការិយាល័យ​បោះឆ្នោត និង​ការ​ដាក់​បង្ហាញ​ទិន្នន័យ​ចំនួន​អ្នក​ចុះ​ឈ្មោះ ដើម្បី​អ្នក​វិភាគ​យក​ទៅ​វិភាគ​បាន។

មួយ​ទៀត​នោះ លោក កន សាវាង្ស បាន​បញ្ជាក់​ថា គ..ប គួរ​ពង្រឹង​សមត្ថភាព​របស់​បុគ្គលិក​ខ្លួន ពិសេស​ពី​កិច្ចការ​បញ្ជូន​ទិន្នន័យ​ឲ្យ​មាន​ប្រសិទ្ធភាព និង​កម្រិត​ការ​យក​ចិត្ត​ទុក​ដាក់​ធ្វើ​កិច្ច​ការងារ​ឲ្យ​ប្រសើរ។

ចំណែក​ការ​ធ្វើ​វិសោធនកម្ម​ច្បាប់​បោះឆ្នោត គឺ​សង្គម​ស៊ីវិល​ស្នើ​ឲ្យ គ..ប ធ្វើ​របាយការណ៍​បញ្ជាក់​ពី​ស្ថានភាព​នៃ​ការ​ចូលរួម​របស់​ពលករ​ចំណាក​ស្រុក ក្នុង​ដំណើរការ​ចុះ​ឈ្មោះ និង​ការ​បោះឆ្នោត ដែល​បាន​ជួប​ប្រទះ​នា​ពេល​កន្លង​ទៅ៖ «នៅ​ក្នុង​វិសោធនកម្ម​ច្បាប់​ហ្នឹង ចំណុច​ដែល​ប្រជាពលរដ្ឋ​ចំណាក​ស្រុក​ទៅ​ខាង​ក្រៅ ដែល​អាច​ប្រឈម​នឹង​ការ​បាត់បង់សិទ្ធិ​ក្នុងការ​ចុះ​បោះឆ្នោត និង​បោះឆ្នោត។ បញ្ហា​នេះ យើង​មើល​ឃើញ​ថា​មាន​ការ​រុញ​ដាក់​គ្នា​រវាង​តំណាងរាស្ត្រ និង គ..»

អ្នក​នាំ​ពាក្យ គ..ប លោក ហង្ស ពុទ្ធា ឲ្យ​ដឹង​ថា គ..ប នឹង​ពិនិត្យ​សិក្សា​លើ​អនុសាសន៍​ដែល​សង្គម​ស៊ីវិល និង​អ្នក​ពាក់ព័ន្ធ​បាន​ដាក់​ជូន៖ «អនុសាសន៍​ដែល គ..បាន​កំណត់ (ដាក់​ជូន ..) ត្រឹម​ថ្ងៃ​ទី​២៥ យើង​បាន​ប្រមូល​អស់​ហើយ ហើយ​ទាល់​តែថ្ងៃ​ស្អែក​ទើប គ..ធ្វើ​ការ​ប្រជុំ​ពិនិត្យ​លើ​អនុសាសន៍​ទាំងឡាយ​ទាក់ទង​នឹង​ការ​ចុះ​ឈ្មោះ​បោះឆ្នោត​នេះ»

លោក​បន្ថែម​ថា បច្ចុប្បន្ន គ..ប កំពុង​ជ្រើសរើស​គ្រូ​បណ្តុះបណ្តាល​មន្ត្រី​រៀបចំ​ការ​បោះឆ្នោត ពី​បទបញ្ជា និង​នីតិវិធី និង​ជ្រើសរើស​មន្ត្រី​ចុះ​ឈ្មោះ​បោះឆ្នោត​នៅ​តាម​ឃុំ-សង្កាត់​ទាំង ១.៦៤៦ សម្រាប់​ត្រៀម​ចុះ​ឈ្មោះ​បោះឆ្នោត ដែល​នឹង​ត្រូវ​ចាប់​ផ្ដើម​ពី​ថ្ងៃ​ទី​១ ខែ​កញ្ញា ដល់​ថ្ងៃ​ទី​៩ ខែ​វិច្ឆិកា ឆ្នាំ​២០១៧។

នៅ​ក្នុង​ការ​បោះឆ្នោត​ជ្រើសរើស​ក្រុម​ប្រឹក្សា​ឃុំ-សង្កាត់​អាណត្តិ​ទី​៤ គ..ប បង្ហាញ​ថា អ្នក​គ្រប់​អាយុ​ចុះ​ឈ្មោះ​បោះឆ្នោត​មាន​ចំនួន​ជាង ៩​លាន ៦​សែន​នាក់ តែ​អ្នក​ចុះ​ឈ្មោះ​ពិតប្រាកដ​មាន​ជាង ៧​លាន ៨​សែន​នាក់​ប៉ុណ្ណោះ។ នេះ​គេ​នៅ​មិន​ទាន់​រាប់​បញ្ចូល​ទាំង​ពលរដ្ឋ​ខ្មែរ​ជាង ១​លាន​នាក់​ផ្សេង​ទៀត ដែល​បាន​ធ្វើ​ចំណាក​ស្រុក​ទៅ​ធ្វើ​ការ​នៅ​ក្រៅ​ប្រទេស​ផង។

អ្នក​តាមដាន​ការ​បោះឆ្នោត​យល់​ឃើញ​ថា អ្នក​ចំណាក​ស្រុក​ទាំងអស់​នេះ​មិន​គួរ​បាត់បង់​សិទ្ធិ​បោះឆ្នោត​នោះ​ទេ។ ផ្ទុយ​ទៅ​វិញ រដ្ឋាភិបាល​គួរ​ជួយ​សម្រួល​ធ្វើ​យ៉ាង​ណា​ឲ្យ​ពួក​គេ​ចូលរួម​ចុះ​ឈ្មោះ និង​បោះឆ្នោត​ដូច​ពលរដ្ឋ​ខ្មែរ​នៅ​ក្នុង​ប្រទេស​ដែរ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
  • បោះពុម្ព
  • ចែករំលែក
  • អ៊ីម៉ែល
គេហទំព័រ​ទាំងមូល