អង្គការ​ឃ្លាំ​មើល​ពិភព​លោក​ស្នើ​លោក ហ៊ុន សែន ស៊ើប​អង្កេត​ជា​បន្ទាន់​ករណី​ឃាតកម្ម​បណ្ឌិត កែម ឡី

ដោយ ខែ សុណង
2016-08-03
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
ពលរដ្ឋ​ហែ​សព​បណ្ឌិត កែម ឡី ទៅ​បញ្ចុះ​នៅ​ស្រុក​កំណើត​របស់​លោក ឋិត​នៅ​ភូមិ​អង្គតាកុប ឃុំ​លាយបូរ ស្រុក​ត្រាំកក់ ខេត្ត​តាកែវ កាល​ពី​ថ្ងៃ​ទី​២៤ ខែ​កក្កដា ឆ្នាំ​២០១៦។ RFA/Chuop Sereyroth
ពលរដ្ឋ​ហែ​សព​បណ្ឌិត កែម ឡី ទៅ​បញ្ចុះ​នៅ​ស្រុក​កំណើត​របស់​លោក ឋិត​នៅ​ភូមិ​អង្គតាកុប ឃុំ​លាយបូរ ស្រុក​ត្រាំកក់ ខេត្ត​តាកែវ កាល​ពី​ថ្ងៃ​ទី​២៤ ខែ​កក្កដា ឆ្នាំ​២០១៦។ RFA/Chuop Sereyroth
RFA/Chuop Sereyroth

អង្គការ​ឃ្លាំ​មើល​ពិភពលោក គ្លបល វីនេស (Global Witness) បាន​សរសេរ​លិខិត​ចំហ​មួយ​ជូន​លោក​នាយក​រដ្ឋមន្ត្រី ហ៊ុន សែន (ភាសា​ខ្មែរ | ភាសា​អង់គ្លេស)។ លិខិត​ចំហ​នោះ​បាន​បង្ហាញ​ថា ក្នុង​រយៈពេល​ជិត​មួយ​ខែ​ដែល​បណ្ឌិត កែម ឡី ត្រូវ​បាន​បាញ់​សម្លាប់ មាន​មិត្តភ័ក្ដិ និង​អ្នក​រួម​ការងារ​របស់​គាត់​រង​ការ​គំរាម​កំហែង និង​ការ​បំភិតបំភ័យ​ជា​បន្តបន្ទាប់។

អង្គការ​ឃ្លាំ​មើល​ពិភពលោក (Global Witness) បាន​ស្នើ​ឲ្យ​រដ្ឋាភិបាល​របស់​លោក​នាយក​រដ្ឋមន្ត្រី ហ៊ុន សែន ចាត់​ឲ្យ​មាន​ការ​ស៊ើប​អង្កេត​ដោយ​ហ្មត់ចត់ និង​ឯករាជ្យ​ជា​បន្ទាន់ ចំពោះ​ករណី​ឃាតកម្ម​លោក​បណ្ឌិត កែម ឡី។

សហ​ស្ថាបនិក និង​នាយក​អង្គការ​ឃ្លាំ​មើល​ពិភពលោក លោក ផាទ្រីក អាឡេយ៍ (Patrick Alley) បាន​ផ្ញើ​លិខិត​ចំហ​ជូន​លោក​នាយក​រដ្ឋមន្ត្រី ហ៊ុន សែន កាល​ពី​ថ្ងៃ​ទី​២ សីហា បាន​រៀបរាប់​ថា ឃាតកម្ម​សម្លាប់​លោក កែម ឡី គឺ​ជា​ព្រឹត្តិការណ៍​ថ្មី​បំផុត​នៃ​បណ្ដា​អំពើ​ហិង្សា​នានា​ប្រឆាំង​នឹង​សមាជិក​គណបក្ស​ប្រឆាំង សកម្មជន និង​អ្នក​សារព័ត៌មាន ហើយ​កំពុង​ធ្វើ​ឲ្យ​អាប់ឱន​ដល់​ដំណើរ​ការ​លទ្ធិប្រជាធិបតេយ្យ និង​នីតិរដ្ឋ​នៅ​កម្ពុជា។ លិខិត​នេះ​បាន​ចាត់​ទុក​ថា ដំណាក់​កាល​ដំបូង​នៃ​ការ​ស៊ើប​អង្កេត​លើ​ឃាតកម្ម​លោក កែម ឡី មិន​បាន​ធ្វើ​អ្វី​ទាល់​តែ​សោះ ដើម្បី​កាត់​បន្ថយ​ការ​ភ័យ​ខ្លាច​ដែល​ថា ការ​ស៊ើប​អង្កេត​នេះ​នឹង​ត្រូវ​បរាជ័យ​ដោយ​មិន​អាច​កំណត់​រក ឬ​ផ្ដន្ទាទោស​អ្នក​ដែល​បញ្ជា​លើ​បទ​ឧក្រិដ្ឋ​បាន​ដូច​លើក​មុនៗ​ដែរ។

អង្គការ​ឃ្លាំ​មើល​ពិភព​លោក (Global Witness) បាន​សរសេរ​ទៀត​ថា នេះ​ជា​ភារកិច្ច​របស់​រដ្ឋាភិបាល​ក្នុង​របប​ប្រជាធិបតេយ្យ​ដែល​ការពារ​សិទ្ធិ និង​សន្តិសុខ​របស់​ប្រជាពលរដ្ឋ​ខ្លួន រួម​ទាំង​អ្នក​រិះគន់​ផង និង​ក្នុង​នាម​ជា​ហត្ថលេខី​លើ​សន្ធិសញ្ញា​សិទ្ធិ​មនុស្ស​ជាច្រើន រួម​ទាំង​កតិកាសញ្ញា​អន្តរជាតិ ស្ដីពី​សិទ្ធិ​ពលរដ្ឋ និង​សិទ្ធិ​នយោបាយ​ផង។ អង្គការ​ឃ្លាំ​មើល​ពិភពលោក បាន​អំពាវនាវ​ឲ្យ​រដ្ឋាភិបាល​របស់​លោក ហ៊ុន សែន ធ្វើ​ការ​ធានា​លើ​សុវត្ថិភាព​របស់​បុគ្គល​ទាំង​នេះ និង​អ្នក​ដែល​គាំទ្រ​ពួក​គេ ហើយ​គោរព​សិទ្ធិ​សេរីភាព​ក្នុង​ការ​បញ្ចេញ​មតិ​របស់​ពួក​គេ។

ទោះ​បី​ជា​យ៉ាង​ណា មន្ត្រី​ជាន់​ខ្ពស់​រដ្ឋាភិបាល មិន​ចាប់​អារម្មណ៍​ចំពោះ​លិខិត​ចំហ​នេះ​ទេ។

រដ្ឋលេខាធិការ និង​ជា​អ្នក​នាំ​ពាក្យ​ទីស្ដីការ​គណៈរដ្ឋមន្ត្រី លោក ផៃ ស៊ីផាន មាន​ប្រសាសន៍​ថា លោក​មិន​ឲ្យ​តម្លៃ​ទាល់​តែ​សោះ​ចំពោះ​អង្គការ​ឃ្លាំ​មើល​ពិភពលោក (Global Witness)។ លោក​ថា អ្វី​ជា​ការ​លើក​ឡើង គឺ​ជា​និន្នាការ​នយោបាយ​ក្នុង​ការ​ប្រឆាំង​ដោយ​ផ្ទាល់​ខ្លួន ជាមួយ​នឹង​នាយក​រដ្ឋមន្ត្រី និង​ក្រុម​គ្រួសារ​នាយក​រដ្ឋមន្ត្រី​តែ​ប៉ុណ្ណោះ«គាត់​មិន​ដែល​គោរព​អ្វី​ទៅ​ថា​រដ្ឋធម្មនុញ្ញ​កម្ពុជា អ្វី​ទៅ​ជា​ច្បាប់​កម្ពុជា ដែល​ចែង​យ៉ាង​ច្បាស់​ណាស់​ថា ដំណើរ​ការ​ស្វែងរក​ភស្តុតាង ឬ​ដំណើរ​ការ​ស្វែងរក​អ្នក​នៅ​ពី​ក្រោយ​ខ្នង​ការ​សម្លាប់​លោក កែម ឡី គឺ​ស្ថិត​នៅ​ក្នុង​ផល​ប្រយោជន៍​របស់​តុលាការ​ខ្មែរ ដែល​ចែង​នៅ​ក្នុង​រដ្ឋធម្មនុញ្ញ ហើយ​គ្មាន​ស្ថាប័ន​ណា​លូកលាន់​នៅ​ក្នុង​សាច់​រឿង​នេះ​ទេ។ នេះ​បាន​ចែង​នៅ​ក្នុង​ច្បាប់​កម្ពុជា ច្បាស់លាស់​ណាស់។ អ្វី​ដែល​គាត់​លើក​ឡើង​នោះ គឺ​ហាក់​ដូចជា​គាត់​មក​បង្គាប់​បញ្ជា​រដ្ឋាភិបាល ដែល​យើង​ច្រាន​ចោល ហើយ​យើង​មិន​ឲ្យ​តម្លៃ​ទាល់​តែ​សោះ»

ចំណែក​មន្ត្រី​នាំ​ពាក្យ​ក្រសួង​មហាផ្ទៃ លោក ខៀវ សុភ័គ ថ្លែង​ប្រាប់​អាស៊ីសេរី កាល​ពី​ថ្ងៃ​ទី​២៩ កក្កដា ថា វីដេអូ​ភស្តុតាង​នៅ​ក្នុង​ហាង​កាហ្វេ​ស្ដារ​ម៉ាត (Star Mart) ក្នុង​ស្ថានីយ​ប្រេង​ឥន្ធនៈ​កាល់តិច (Caltex) បូកគោ អាជ្ញាធរ​នឹង​បញ្ចេញ​ជា​សាធារណៈ​នៅ​ក្នុង​ពេល​ឆាប់ៗ​នេះ។ លោក​ថា ឃាតក​ដែល​បាញ់​សម្លាប់​លោក កែម ឡី គឺ​ជា​ជន​សង្ស័យ​ឈ្មោះ ជួប សម្លាប់ នោះ​ហើយ មិន​មែន​ជា​ឃាតក​សិប្បនិមិត្ត​នោះ​ទេ។ ឯ​ស្ថាប័ន​ជំនាញ ត្រូវ​ការ​ពេលវេលា​ដើម្បី​ដំណើរ​ការ​ស៊ើប​អង្កេត។

ក្រោយ​ការ​បាញ់​សម្លាប់​លោក​បណ្ឌិត កែម ឡី ពីរ​ថ្ងៃ ក្រុម​អង្គការ​សង្គម​ស៊ីវិល សម្ព័ន្ធ​កំណែ​ទម្រង់​ការ​បោះឆ្នោត​ជា​បណ្ដុំ​អង្គការ​ក្នុង​ស្រុក​ចំនួន ១១​ស្ថាប័ន បាន​ចេញ​សេចក្ដី​ថ្លែង​ការណ៍​រួម ទាមទារ​ឲ្យ​រដ្ឋាភិបាល​ស៊ើប​អង្កេត​ប្រកប​ដោយ​ឯករាជ្យ តម្លាភាព ដើម្បី​ស្វែងរក​យុត្តិធម៌​ពិត​ដល់​លោក កែម ឡី និង​ក្រុម​គ្រួសារ​ផង ជម្រះ​មន្ទិល​សង្ស័យ​នានា ព្រម​ទាំង​អាច​បន្ធូរ​ស្ថានការណ៍​តានតឹង និង​បញ្ចប់​និទ្ទណ្ឌភាព។

លិខិត​ចំហ​របស់​អង្គការ​ឃ្លាំ​មើល​ពិភពលោក ក៏​បាន​រំលេច​ដែរ​ថា មាន​ប្រជាពលរដ្ឋ​កម្ពុជា រាប់​សែន​នាក់ ចូលរួម​ដង្ហែ​សព​លោក​បណ្ឌិត កែម ឡី ដោយ​មាន​ការ​ថ្កោលទោស​ជា​អន្តរជាតិ​ផង​នោះ ស​បញ្ជាក់​យ៉ាង​ច្បាស់​ថា វា​ជា​ការ​ទាមទារ​ឲ្យ​មាន​ការ​ស៊ើប​អង្កេត​ករណី​ឃាតកម្ម​នេះ​ដោយ​ឯករាជ្យ​មួយ ដើម្បី​ទទួល​បាន​ការ​ជឿ​ទុក​ចិត្ត៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (13)
  • បោះពុម្ព
  • ចែករំលែក
  • អ៊ីម៉ែល

ចន្ថា

ពី កំពង់ធំ

កាមេរ៉ានិងបញ្ចេញនៅពេលកាត់តរូបភាពរួច ពួកនេះលេងល្ខោនតែមិនអាចបិទបាំងភ្នែកសាធារណជនបានទេ ។ អន្តរជាតិ UN ត្រូវជួយជម្រុញឲ្យរដ្ឋាភិបាលស៊ើបអង្កេត

Aug 09, 2016 12:35 AM

Cambodian Freedom

ពី សៀម​រាប​

និយាយ​ថា​ ជួប​ សម្លាប់ ជា​អ្នក​បាញ់​ប្រ​ហារ​លោកកែវ​ ឡី ពិត​ប្រាកដ​មែនម៉េច​មិន​បង្ហាញ​វី​ឌី​អូ​តាំង​ពី​ដំ​បូង​មក​និយាយ​ពាក្យ​សាំ​ៗ​ធ្វើ​អ្វី​

Aug 05, 2016 10:59 PM

ភវវ្ម័ន

ពី បាវិត ស្វាយ​រៀង​

ដើម្បីវែកមុខ ក្រុមឃាតក ឧក្រិដ្ឋកម្ម​ យក​មកផ្ដន្ទាទោស ក៏ដូច​ជា​បក​​ស្រាយ​ការពិត សងភាពស្មោះត្រង់កេរ្ដិ៍​ឈ្មោះ​ទៅ រដ្ឋាភិបាល​និង​លោក​​ហ៊ុន​សែន​​វិញ រដ្ឋាភិបាល​ត្រូវ​តែ​ ស្នើ​ឲ្យ​មាន​អ្នក​ជំនាញ​ស៊ើប​អង្គេត​ឃាតកម្ម​ឯករាជ្យ ចូល​រូមស៊ើប​ជាមួយ​សមត្ថកិច្ច​និងតុលាការ​ឲ្យ​បាន​ឆាប់​រហ័ស! តែបើរដ្ឋាភិបាលលោកហ៊ុនសែនមិនព្រមឲ្យមាន​អ្នក​ជំនាញ​​​ស៊ើបអង្គេត​ឯករាជ្យ​ចូលរួមស៊ើបអង្គេតទេ ហើយ​ចេះតែ​បន្ដ​ការ​ស៊ើប​គ្មានទីបញ្ចប់នោះ វាពិតណាស់ ថាឃាតកម្ម​សម្លាប់​លោក​បណ្ឌិត កែម ឡី គឺ​បាន​​រៀបចំ​ឡើង​ដោយ​សមត្ថកិច្ច​​រដ្ឋាភិបាល ហើយ​​ការយកតុលាការ មក​គម្រាម​បិទបាំង​អំពើ​ឧក្រិដ្ឋ​គឺជា​អំពើ​កំសាក​ថោកទាប ដែល​ប្រជាជនខ្មែរ​មិនអាច​ទ្រាំទទួល​យក​បានជា​ដាច់​ខាត!

Aug 04, 2016 10:18 PM

Khmer Blood

The Person who was behind the killer never have interest to find the truth for the publc!

Aug 04, 2016 07:55 PM

1 trillion percents HunSen is a real serial killer

The real criminal minded in this case is HUN SEN"top suspect behind ",and we all already knew what tmil HUN SEN always said;if somebody talking about his family matter...there is no peace at all,and you'll see...after the Global witness and KL breached out secret revealed of tmil HUN SEN's family scam businesses empire Inc,.HUN SEN's family clans amass"investment" $200 million in stakes holder with 114 companies and plus dozen more famous foreign companies who did a businesses with HUN SEN's family clans"$200 million up to billion dollars",despite their father as an illegal pm of Cambodia"NVC's endorsed him".Because dictator HUN SEN and his family hold and control every high govn't jobs in their own family clans,and that most Cambodian people didn't know about"lack secret reveal",that what caused KL murdered by HUN SEN's hired hit man CHOUB SAMLAB to killed Mr.Kem Ley after two days later"HUNSEN's family criminal conspiracy Inc,.".

Aug 04, 2016 02:36 PM

មើល​មតិ​ទាំង​អស់.

គេហទំព័រ​ទាំងមូល