អង្គការ​អន្តរជាតិ​ស្នើ​ពិភពលោក​ដាក់​ទណ្ឌកម្ម​សេដ្ឋកិច្ច​រដ្ឋាភិបាល​ដែល​ប៉ុនប៉ង​រំលាយ​បក្ស​ប្រឆាំង

ដោយ អាស៊ីសេរី
2017-10-06
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
រូបភាពសំគាល់របស់អង្គការ​ឃ្លាំ​មើល​សិទ្ធិ​មនុស្ស​អន្តរជាតិ(Human Rights Watch)​ និងអង្គការ​ឃ្លាំមើល​ពិភពលោក Global Witness
រូបភាពសំគាល់របស់អង្គការ​ឃ្លាំ​មើល​សិទ្ធិ​មនុស្ស​អន្តរជាតិ(Human Rights Watch)​ និងអង្គការ​ឃ្លាំមើល​ពិភពលោក Global Witness
Screen grab from Websites

អង្គការ​ធំៗ​ពីរ​របស់​អន្តរជាតិ កំពុង​រួមគ្នា​ថ្កោលទោស​រដ្ឋាភិបាល​លោក ហ៊ុន សែន និង ស្នើ​ឲ្យ​ពិភពលោក​ដាក់ទណ្ឌកម្ម​សេដ្ឋកិច្ច និង​កាច់​ផ្ដាច់​ជំនួយ​ផ្នែក​ហិរញ្ញវត្ថុ និង​ជំនួយ​បច្ចេកទេស​ផ្សេង ដើម្បី​បង្ខំ​ឲ្យ​រដ្ឋាភិបាល បញ្ឈប់​ការប៉ុនប៉ង​រំលាយ​គណបក្ស​ប្រឆាំង។

អង្គការ​ធំៗ​ទាំងពីរ​នោះ គឺ​អង្គការ​ឃ្លាំមើល​ពិភពលោក គ្លូបល វីនេស (Global Witness) និង អង្គការ​ឃ្លាំ​មើល​សិទ្ធិ​មនុស្ស​អន្តរជាតិ យូមែន រ៉ៃត៍ វ៉ច្ឆ (Human Rights Watch) ដែល​សុទ្ធតែ​មើល ឃើញ​នូវ​គ្រោះថ្នាក់ នៃ​ការដឹកនាំ​ប្រទេស​កម្ពុជា ទៅ​រក​របប​ផ្ដាច់ការ ដែល​ពិភពលោក​មិន​អាច​អត់ឱន​ឲ្យ​បាន ជាពិសេស​ចំណាត់​ការ​ចុងក្រោយ ដែល​ចង់​រំលាយ​គណបក្សប្រឆាំង។

អង្គការ​ឃ្លាំមើល​ពិភពលោក Global Witness ប្រាប់​ឲ្យ​អន្តរជាតិ ដាក់ទណ្ឌកម្ម​កម្ពុជា ដោយសារ​រដ្ឋាភិបាល​លោក ហ៊ុន សែន កំពុង​ប៉ុនប៉ង​រម្លាយ​គណបក្សប្រឆាំង។ នៅ​ក្នុង​សេចក្ដី​ថ្លែងការណ៍ ដែល​ចេញ​បន្ទាប់ពី​ក្រសួងមហាផ្ទៃ​កម្ពុជា ចាត់វិធានការ ដើម្បី​រម្លាយ​គណបក្សប្រឆាំង មន្ត្រី​ផ្នែក​យុទ្ធនាការ របស់​អង្គការ​ឃ្លាំមើល​ពិភពលោក អ្នកស្រី អែមម៉ា ប៊ើណែត (Emma Burnett) ឲ្យ​ដឹង​ថា ក្រុម​អ្នក​មាន​អំណាច និង​មានទ្រព្យ ដែល​ជា​ជន​ពុករលួយ មួយ​ក្ដាប់​តូច រយៈពេល​ចុងក្រោយ​នេះ កំពុង​ប៉ុនប៉ង​រំលាយ​គណបក្សប្រឆាំង​នៅ​កម្ពុជា ដើម្បី​បន្ត​ក្រាញ​អំណាច និង​រក្សាទ្រព្យ​សម្បត្តិ ដែល​ធ្វើ​ឲ្យ​រង​ទុក្ខ ដល់​ប្រជាពលរដ្ឋ​ខ្មែរ​ទូទាំង​ប្រទេស។ សហគមន៍​អន្តរជាតិ មិន​អាច​ព្រងើយកន្តើយ និង ឈរ​ឱប​ដៃ​មើល ប្រទេស​កម្ពុជា ដែល​រអិល​ធ្លាក់​ទៅ​ក្នុង​ជ្រោះ នៃ​របប​ផ្ដាច់ការ​បែបនេះ​បាន​នោះ​ទេ។ ដូច្នេះ ប្រទេស​ម្ចាស់​ជំនួយ និង​ដៃគូ​ពាណិជ្ជកម្ម​របស់​កម្ពុជា ត្រូវ​បង្ហាញ​ឥទ្ធិពល ដើម្បី​ជួយ​អន្តរាគមន៍​ក្នុង​រឿង​នេះ។

សេចក្ដី​ថ្លែងការណ៍​ដដែល លើក​ឡើង​ថា សហគមន៍​អន្តរជាតិ បាន​ជួយ​ដល់​ការ​អភិវឌ្ឍ​សេដ្ឋកិច្ច នៅ​កម្ពុ​ជាច្រើន​សម្បើម​ណាស់។ ការ​រីក​ចម្រើន​ផ្នែក​សេដ្ឋកិច្ច​នៅ​កម្ពុជា​សព្វថ្ងៃ ក៏​ដោយសារ​មានការ​ជ្រោមជ្រែង​ពី​អន្តរជាតិ។ ប៉ុន្តែ ជា​អកុសល ការ​រីក​លូតលាស់​សេដ្ឋកិច្ច​នេះ មិន​បានជា​ប្រយោជន៍​ច្រើន​ទៅដល់​ពលរដ្ឋ​ខ្មែរ​ទូទៅ​ទេ ដោយសារតែ​ក្រុម​ត្រកូល​អភិជន និង អ្នក​មាន​អំណាច​ដ៏​គួរ​ឲ្យ​គ្រោះថ្នាក់​មួយ​ក្ដាប់​តូច នៅតែ​បន្ត​ក្រាញ​អំណាច និង​កេងប្រវ័ញ្ច​យក​ទ្រព្យសម្បត្តិ​ជាតិ ធ្វើ​មាន​ធ្វើ​បានតែ​ក្រុម​ខ្លួន ដែល​ធ្វើ​ឲ្យ​ពលរដ្ឋ​ខ្មែរ​ភាគច្រើន​លើសលប់ រកតែ​អង្ករ​ច្រក​ឆ្នាំង សឹង​មិនបាន​ផង។

សេចក្ដីថ្លែងការណ៍ បន្ត​ថា លោកនាយក​រដ្ឋមន្ត្រី ហ៊ុន សែន និង​ក្រុម​គ្រួសារ​របស់​គាត់ រួម​ទាំង​បក្សពួក សុទ្ធតែ​កាន់​មុខតំណែង​ធំៗ ទាំង​ផ្នែក​នយោបាយ យោធា ប៉ូលិស និង ក្ដោបក្ដាប់​ប្រព័ន្ធ​ផ្សព្វផ្សាយ ដែល​នាំគ្នា​ជួយ​ឃោសនា ការពារ​បក្ស​កាន់អំណាច។

អ្នកស្រី អែមម៉ា ប៊ើណែត (Emma Burnett) បន្ត​ទៀត​ថា ការណ៍​ដែល​សហគមន៍​អន្តរជាតិ គ្រាន់តែ​ចេញ​សេចក្ដីថ្លែងការណ៍​ថ្កោលទោស ប្រឆាំង​នឹង​រដ្ឋាភិបាល​កម្ពុជា ដែល​បង្ក្រាប​បក្ស​ប្រឆាំង ប្រព័ន្ធ​ផ្សព្វផ្សាយ និង អង្គការ​សង្គម​ស៊ីវិល គឺ​មិនបាន​ផល​ទេ។ លុយ​មាន​ឥទ្ធិពល​ជាង​ពាក្យ​សម្ដី។ ដូច្នេះ មានតែ​ការ​ដាក់​ទណ្ឌកម្ម​ផ្នែក​សេដ្ឋកិច្ច​ប៉ុណ្ណោះ ទើប​អាច​មាន​ប្រសិទ្ធភាព​ខ្ពស់។ អ្នកស្រី បញ្ជាក់​ឲ្យ សហរដ្ឋអាមេរិក និង​សភាព​អឺរ៉ុប ត្រូវ​តែ​ដាក់ទណ្ឌកម្ម​ជាបន្ទាន់ ទៅ​លើ​រដ្ឋាភិបាល​លោក ហ៊ុន សែន ដើម្បី​បង្ខំ​ឲ្យ​រដ្ឋាភិបាល​នេះ បញ្ឈប់​ការ​នាំ​ប្រទេស​កម្ពុជា ទៅ​រក​ភាព​ផ្ដាច់ការ​ដូច្នេះ។

ចំណែក​ឯ​សេចក្ដីថ្លែងការណ៍ របស់​អង្គការ​ឃ្លាំមើល​សិទ្ធិមនុស្ស​អន្តរជាតិ ឯណោះ​វិញ អំពាវនាវ​ឲ្យ​អន្តរជាតិ កាត់​ផ្ដាច់​ជំនួយ ទៅ​រដ្ឋាភិបាល​លោក ហ៊ុន សែន ផង​ដែរ។

នាយក​រង​នៃ​អង្គការ​ឃ្លាំ​មើល​សិទ្ធិ​មនុស្ស​អន្តរជាតិ យូមែន រ៉ៃត៍ វ៉ច្ឆ (Human Rights Watch) ប្រចាំ​អាស៊ី លោក ហ្វីល រ៉ូប៊ឺតសុន (Phil Robertson) ចាត់​ទុក​ចំណាត់​ការ​របស់​ក្រសួងមហាផ្ទៃ ដែល​ប៉ុនប៉ង​រំលាយ​គណបក្ស​ប្រឆាំង ថា​ជា​ការ​ធ្វើ​រដ្ឋប្រហារ​របស់​បុរស​ខ្លាំង​លោក ហ៊ុន សែន ដែល​កំពុង​ប្រែ​ក្លាយ​ខ្លួន​ទៅជា​ជន​ផ្ដាច់ការ ទាំង​ឥត​អៀនខ្មាស។ លោក Phil Robertson បន្ត​ទៀត​ថា ការប៉ុនប៉ង​រំលាយ​គណបក្ស​ប្រឆាំង​ដូច្នេះ គឺ​លោក ហ៊ុន សែន និង​គណបក្ស​កាន់អំណាច កំពុង​សម្លាប់​ប្រជាធិបតេយ្យ ដោយ​ការ​ប្រែក្លាយ​ការ​បោះឆ្នោត​ជាតិ​ឆ្នាំ​២០១៨ ខាងមុខ ទៅជា​ឆាក​កំប្លែង​មួយ។

លោក​បញ្ជាក់​ថា ការ​ចោទ​គណបក្សប្រឆាំង ថា​ដឹកនាំ​ឲ្យ​មាន​ចលនា​បដិវត្ត​ពណ៌ គឺជា​ការឃោសនា ផ្សព្វផ្សាយ​បោក​បញ្ឆោត​ដើម្បី​ចំណេញ​នយោបាយ ធ្វើ​យ៉ាងណា​ដើម្បី​បំពេញ​លេស​របស់​ខ្លួន ក្នុង​ការ​បង្ក្រាប​អ្នក​ដែល​ហ៊ាន​រិះគន់​រដ្ឋាភិបាល​តែប៉ុណ្ណោះ។ លោក​ថា ការប្រើប្រាស់​តុលាការ​កំពូល ដើម្បី​រំលាយ​គណបក្សប្រឆាំង គឺជា​ផែនការ​គិតទុក​ជាមុន​របស់​គណបក្ស​កាន់អំណាច ព្រោះ​ចៅក្រម​តុលាការ​កំពូល នឹង​សម្រេច​អ្វី​ទៅតាម​តែ​ការ​ចង់​បាន​របស់​លោក ហ៊ុន សែន បញ្ជា​ប៉ុណ្ណោះ។ ដូច្នេះ លោក​ស្នើ​ថា មធ្យោបាយ​ដ៏​សមគួរ​បំផុត គឺ​មានតែ​ស្នើ​ឲ្យ​ប្រទេស​ជប៉ុន និង សហគមន៍​អឺរ៉ុប កាត់ផ្ដាច់​ជំនួយ​ហិរញ្ញវត្ថុ និង​បច្ចេកទេស​ជាបន្ទាន់ ទៅដល់​ការបោះឆ្នោត ដែល​គ្មាន​ភាព​សេរី ត្រឹមត្រូវ និង យុត្តិធម៌។ ប្រជាពលរដ្ឋ​ជប៉ុន និង​អឺរ៉ុប ត្រូវ​ទាមទារ​ឲ្យ ការ​ចំណាយ​របស់​ខ្លួន មិន​ត្រូវ​បាន​ផល ដល់​ការ​ជួយ​ឲ្យ​ជន​ផ្ដាច់ការ បន្ត​កាន់អំណាច​នៅ​កម្ពុជា​នោះ​ឡើយ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (5)
  • បោះពុម្ព
  • ចែករំលែក
  • អ៊ីម៉ែល

Taking Cambodia back from political morons...2018

Of course it's,they"CCP" fear us pple before national election coming in 2018,that why evil Hun Sen's mafia govm't try to attempting to destroy its top popular political contender"CNRP",to covering up the national election scams coming"HS's NEC",hiding CNRP witnesses and CCP itself gives evil Hun Sen power to destroy opposition party,arrest,imprisonment,false accusation without the reason or without trial or hearing,imploding economy,social division and party,capitalizes on media bias,passes itself parliament to kill or destroy other party,illegally keeping office by several COUP D'ETAT...this evil guy inherited the mess before the national election coming in 2018.

Oct 10, 2017 02:02 PM

tmil HunSen VS ICC ahead

Who gonna be face of at ICC justice system?,1st HunSen...2nd Hor Nam Hong,3rd Sar Kheng,4th Tea Banh...5th Heng Samrin"ICC is selecting the best persons of interest",these top 5 culprit predators who will face ICC at Hague Netherlands.

Oct 08, 2017 12:07 PM

u one 2 live free r u one 2 die now

How khmer people can get out of dictatorship rule?,how khmer people can get out of poverty?,how long last khmer people can get out of this moron Hun Sen ruling?,why khmer people try to keep their suffering silently from the world?,and how long this poor country gonna take to road democracy,freedom,liberty?,your chance and your lucky number is depending on u with what u guys to decide it in 2018,if u pickup or u choose a wrong guy to be your leader that cause more u suffering...if u pickup or choose a wise guy,wisdom,inspire,respectful,take care the people and country that will lead all u guy to prosperity,harmony,happiness and peace.

Oct 08, 2017 11:36 AM

unknown

ពី PP

ឃេីញមុខតែពីរហ្នឹង ហេីយដូចជាគ្មានធំអីផង ចេះតែស្រែកៗទៅ គ្រាន់បានប្រាក់ខែចាយ។

Oct 07, 2017 06:41 AM

អ្នក​អាន​អនាមិក

ពី Action rather Inaction idiot

There only stupid people like u that inaction rather than action...the stupid like u who beg for living without care to anybody else suffering or no feel pains to other,or no sympathy to other people that why Cambodian became like this today...bcoz of your idiot that didn't accepted the fact.Action rather inaction and don't let your people live in suffering and silent of darkest" see killing fields as a example"don't tell to the world and let the evils kill u and your people that what u like it idiot?

Oct 08, 2017 12:55 PM

Punisher

ត្រូវតែកំចាត់ជនផ្តាច់ការ ដើម្បីអោយប្រជាជនខ្មែរ និងប្រទេសខ្មែររីកចំរើន

Oct 06, 2017 10:54 PM

មើល​មតិ​ទាំង​អស់.

គេហទំព័រ​ទាំងមូល