លោក លឺ ឡាយស្រេង ស្នើ​ព្រះមហាក្សត្រ​បំពេញ​ព្រះរាជ​តួនាទី​ដោះស្រាយ​ជម្លោះ​នយោបាយ

ដោយ អាស៊ីសេរី
2017-10-05
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
ព្រះមហាក្សត្រ​ព្រះករុណា​ព្រះបាទ​សម្ដេច ព្រះ​បរមនាថ នរោត្តម សីហមុនី និង​សម្ដេច​ព្រះ​មហា​ក្សត្រីយ៍​នរោត្តម មុនីនាថ សីហនុ ជួប​សួរ​សុខ​ទុក្ខ​ប្រជាពលរដ្ឋ មន្ត្រី​រាជការ និង​សិស្សានុសិស្ស​នៅ​ស្ថានីយ​រថភ្លើង​កំពង់សោម ឬ​ស្ថានីយ​រថភ្លើង​ខេត្ត​ព្រះសីហនុ ល្ងាច​ថ្ងៃ​ទី​៣០ ខែ​ធ្នូ ឆ្នាំ​២០១៦។ RFA/Den Ayuthyea
ព្រះមហាក្សត្រ​ព្រះករុណា​ព្រះបាទ​សម្ដេច ព្រះ​បរមនាថ នរោត្តម សីហមុនី និង​សម្ដេច​ព្រះ​មហា​ក្សត្រីយ៍​នរោត្តម មុនីនាថ សីហនុ ជួប​សួរ​សុខ​ទុក្ខ​ប្រជាពលរដ្ឋ មន្ត្រី​រាជការ និង​សិស្សានុសិស្ស​នៅ​ស្ថានីយ​រថភ្លើង​កំពង់សោម ឬ​ស្ថានីយ​រថភ្លើង​ខេត្ត​ព្រះសីហនុ ល្ងាច​ថ្ងៃ​ទី​៣០ ខែ​ធ្នូ ឆ្នាំ​២០១៦។ RFA/Den Ayuthyea
RFA/Den Ayuthyea

ការ​យាង​ត្រលប់​ពី​ពិនិត្យ​ព្រះរាជ​សុខភាព​របស់​ព្រះមហាក្សត្រ នរោត្តម សីហមុនី និង​សម្ដេចម៉ែ ពី​ប្រទេស​ចិន​មក ត្រូវ​បាន​ស្វាគមន៍​ពី​អ្នកនយោបាយ​ជើងចាស់ ដែល​លោក​រំពឹង​ថា មានតែ​ព្រះមហាក្សត្រ​ទេ ដែល​អាច​បញ្ចប់​ជម្លោះ​នយោបាយ​នា​ពេល​បច្ចុប្បន្ន​នេះ។

ចំពោះ​អ្នកវិភាគ​នយោបាយ​វិញ​លើក​ឡើង​ថា ព្រះមហាក្សត្រ​មាន​ព្រះរាជ​តួនាទី​ធំធេង​ណាស់ ដូចដែល​មាន​ចែង​នៅ​ក្នុង​រដ្ឋធម្មនុញ្ញ តែ​ព្រះអង្គ​មិនបាន​ប្រើប្រាស់​ព្រះរាជ​តួនាទី​នេះ​ទេ ដោយសារតែ​ព្រះអង្គ ហាក់​បី​ដូច​ខ្លាច​គណបក្ស​កាន់អំណាច។

អតីត​ឧបនាយករដ្ឋមន្ត្រី និង​ជា​មន្ត្រី​ជាន់ខ្ពស់​គណបក្ស​ហ៊្វុនស៊ិនប៉ិច លោក លឺ ឡាយស្រេង ឲ្យ​ដឹង​នៅ​ថ្ងៃ​ទី​៤ តុលា​ថា ប្រជាពលរដ្ឋ​និង​រូបលោក​អបអរ​សាទរ និង​ស្វាគមន៍ ចំពោះ​ព្រះមហាក្សត្រ និង​សម្ដេចម៉ែ ដែល​យាង​ចូល​ប្រទេស​កម្ពុជា​វិញ​នៅ​ពេល​នេះ។

លឺ ឡាយស្រេង ៨៥៥ ២០១៧
អ្នក​នយោបាយ​ជើង​ចាស់ ព្រឹទ្ធាចារ្យ លឺ ឡាយស្រេង ថ្លែង​ក្នុង​កម្មវិធី​វេទិកា​អ្នក​ស្ដាប់​វិទ្យុ​អាស៊ីសេរី កាល​ពី​យប់​ថ្ងៃ​ទី​១៦ ខែ​ឧសភា ឆ្នាំ​២០១៧។ RFA Photo: RFA

លោក លឺ ឡាយស្រេង ដែល​អតីត​ជា​រដ្ឋមន្ត្រី​ក្រសួង​ព័ត៌មាន​ដែរ​នោះ មាន​ប្រសាសន៍​ថា លោក បាន​ដាក់​លិខិត​ថ្វាយ​ព្រះមហាក្សត្រ​នៅ​ទីក្រុង​ប៉េកាំង​ប្រទេស​ចិន​កាលពី​ចុងខែ​កញ្ញា ដើម្បី​សុំ​ព្រះរាជ​អន្តរាគមន៍​ដោះស្រាយ​រឿង​នយោបាយ ដែល​មានការ​ចាប់ចង​មេ​បក្ស​ប្រឆាំង​ដាក់គុក​នោះ។ លោក​បញ្ជាក់​ថា ពេលនេះ​គឺជា​ពេលវេលា​ដែល​ព្រះអង្គ​ត្រូវ​បំពេញ​ព្រះរាជ​តួនាទី​របស់​ព្រះអង្គ​ដែល​មាន​ចែង​នៅ​ក្នុង​រដ្ឋធម្មនុញ្ញ​ហើយ។

រដ្ឋធម្មនុញ្ញ​មាត្រា​៨ ចែងថា ព្រះមហាក្សត្រ ព្រះអង្គ​ទ្រង់​ជា​និមិត្តរូប​នៃ​ឯកភាព​ជាតិ និង​និរន្តរភាព​ជាតិ។ ទ្រង់​ជា​អ្នកធានា​ឯករាជ្យ​ជាតិ អធិបតេយ្យ និង​បូរណភាព​ទឹកដី​នៃ​ព្រះរាជាណាចក្រ​កម្ពុជា ទ្រង់​ជា​អ្នកធានា​ការ​គោរព​សិទ្ធិមនុស្ស និង​សេរីភាព​របស់​ពលរដ្ឋ និង​ការ​គោរព​សន្ធិសញ្ញា​អន្តរជាតិ។ រីឯ​មាត្រា​៩ វិញ ព្រះមហាក្សត្រ ទ្រង់​មាន​តួនាទី​ខ្ពង់ខ្ពស់​ជា​អាជ្ញាកណ្ដាល ដើម្បី​ការពារ​នៃ​ការ​ប្រព្រឹត្តិទៅ​នៃ​អំណាច​សាធារណៈ​ឲ្យ​មាន​ភាព​ទៀងទាត់។

កាលពី​ថ្ងៃ​ទី​២៤ កញ្ញា លោក លឺ ឡាយស្រេង បាន​ថ្វាយ​លិខិត​ជូន​ព្រះមហាក្សត្រ​រៀបរាប់​អំពី​ការ​វិវឌ្ឍ​ស្ថានការណ៍​នៅ​កម្ពុជា និង​សុំ​ព្រះរាជ​អន្តរាគមន៍ វិបត្តិ​នយោបាយ​កំពុង​កើតមាន​នៅ​ពេល​បច្ចុប្បន្ន។ លិខិត​ដដែល​នោះ​បញ្ជាក់​ថា ទូលព្រះបង្គំ​យើងខ្ញុំ​នឹករលឹក​ដល់​ព្រះអង្គ និង​លាយឡំ​ទៅ​ដោយ​ភាព​ស្រងូតស្រងាត់ ការ​ភិតភ័យ​ព្រមទាំង​ការបាត់បង់​ភាព​កក់ក្ដៅ​ក្នុង​ចិត្ត ព្រោះ​រស់នៅ​ក្នុង​ស្ថានភាព​ដ៏​អួអាប់។

លោក​បន្ថែម​ក្នុង​លិខិត​នោះ​ថា បញ្ហា​ទាំងនោះ ដោយសារ​មានការ​ធ្វើ​វិសោធនកម្ម​ច្បាប់​រឹត​ត្បិត​ដល់​គណបក្ស​នយោបាយ ការ​បិទ​អង្គការ​អន្តរជាតិ។ លើស​ពី​នេះ វិទ្យុ​នានា និង​សារព័ត៌មាន​ឯករាជ្យ ដែល​ធ្វើ​សកម្មភាព​របស់​ខ្លួន​ក្នុង​ប្រទេស​ជា​យូរ​ណាស់​មក​ហើយ ត្រូវ​បាន​បិទ និង​ធ្វើទុក្ខបុកម្នេញ ពិសេស​ជាង​នេះ​ទៀត គឺ​ទំនាស់​កាន់​តែ​ខ្លាំង​រវាង​គណបក្ស​នយោបាយ​ធំៗ​ពីរ រហូតដល់​មើល​មុខ​គ្នា​មិន​ចំ។

ព្រឹទ្ធាចារ្យ លឺ ឡាយស្រេង អះអាង​ថា សេចក្ដី​ស្រងូតស្រងាត់​ក្រៀមក្រំ និង​ការ​ភិតភ័យ​ទាំងនោះ នឹង​បាន​ធូរស្រាល​មិន​ខាន ប្រសិនបើ​ព្រះករុណា​ជា​ម្ចាស់ជីវិត​តម្កល់​លើ​ត្បូង ទ្រង់​យាង​ត្រឡប់​មក​មាតុភូមិ​វិញ ហើយ​មាន​វត្ត​មាននៅ​ជិត និង​នៅ​ជាមួយ​ទូលព្រះបង្គំ​យើងខ្ញុំ​នៅ​ក្នុង​ប្រទេស។

លោក​មាន​ជំនឿ​មុតមាំ​ថា ព្រះករុណា​ជា​ម្ចាស់ជីវិត​តម្កល់​លើ​ត្បូង ទ្រង់​នឹង​អាច​ជួយ​ត្រួស​ត្រាយផ្លូវ​ធ្វើ​ឱ្យ​បរិយាកាស​អួអាប់​សព្វថ្ងៃ​ភ្លឺស្វាង និង​ប្រើ​ព្រះរាជ​សិទ្ធិ​ជា​អាជ្ញាកណ្ដាល​ដូចដែល​ចែង​ក្នុង​រដ្ឋធម្មនុញ្ញ ដើម្បី​សម្រុះសម្រួល​ដោះស្រាយ​ទំនាស់​រវាង​គណបក្ស​ធំៗ​ទាំងពីរ​នៅ​ពេល​បច្ចុប្បន្ន។

ជាមួយ​គ្នា​នេះ ទំនាស់​រវាង​គណបក្ស​ធំៗ​ទាំងពីរ​មិនបាន​នាំមក​នូវ​ផល​ចំណេញ​បន្តិច​ណា​ឡើយ​ដល់​ភាគី​ណាមួយ និង​ប្រទេសជាតិ។ ផ្ទុយទៅវិញ​មានតែ​ការ​បែកបាក់​ប្រេះឆា​រវាង​ខ្មែរ និង​ខ្មែរ ព្រមទាំង​ការប្រមាថ ការ​កៀបសង្កត់​ពី​អន្តរជាតិ​មក​លើ​ប្រទេស​របស់​យើង។

នៅ​ស្រប​ពេល លោក​ព្រឹទ្ធាចារ្យ លឺ ឡាយស្រេង ស្នើសុំ​ទៅ​ព្រះមហាក្សត្រ ដើម្បី​ឲ្យ​ព្រះអង្គ​ចេញមុខ​ដោះស្រាយ​ជម្លោះ​នយោបាយ​នេះ។ សមាជិក​ព្រឹទ្ធសភា​អាមេរិក បាន​ស្នើ​សេចក្ដី​សម្រេច​មួយ នៅ​ក្នុង​កិច្ច​ប្រជុំ​ពេញអង្គ នៃ​រដ្ឋសភា​សហរដ្ឋអាមេរិក ដើម្បី​ប្រឆាំង​ទៅ​នឹង​ការ​ធ្វើទុក្ខបុកម្នេញ របស់​រដ្ឋាភិបាល​លោក ហ៊ុន សែន មក​លើ​សំឡេង​គណបក្សប្រឆាំង អង្គការ​សង្គម​ស៊ីវិល និង​ប្រព័ន្ធ​ផ្សព្វផ្សាយ​ឯករាជ្យ។ សេចក្ដី​សម្រេច​នេះ ធ្វើឡើង​ក្នុង​គោលបំណង ស្វែងរក​យុត្តិធម៌ និង​ការពារ​សិទ្ធិមនុស្ស និង​សេរីភាព​ជូន​ប្រជាពលរដ្ឋ​កម្ពុជា។

អ្នក​ជំនាញ​ខាង​វិទ្យាសាស្ត្រ​នយោបាយ លោក ឯម សុវណ្ណរា មាន​ប្រសាសន៍​ថា រដ្ឋាភិបាល​កម្ពុជា​មិន​អាច មិន​ខ្វល់​ចំពោះ​ការ​ដាក់​គំនាប​ពី​សហរដ្ឋអាមេរិក និង​សហភាព​អឺរ៉ុប​បានទេ ព្រោះថា សេដ្ឋកិច្ច​កម្ពុជា​មួយ​ផ្នែក​ធំ ក៏​ពឹង​ផ្អែកលើ​ទីផ្សារ​សហគមន៍​អឺរ៉ុប​ដែរ។

ចំពោះ​ការ​ស្នើ​សុំ​ទៅ​ព្រះមហាក្សត្រ ដើម្បី​ឲ្យ​ជួយ​ដោះស្រាយ​រឿង​ជម្លោះ​នយោបាយ​នេះ​វិញ លោក ឯម សុវណ្ណរា មាន​ប្រសាសន៍​ថា ព្រះមហាក្សត្រ​លំបាក​ក្នុង​ការ​បំពេញ​ព្រះរាជ​តួនាទី​របស់​ព្រះអង្គ​ដែល​ស្របតាម​រដ្ឋធម្មនុញ្ញ​ដោយសារតែ​ព្រះអង្គ​ហាក់​ខ្លាច​គណបក្ស​កាន់អំណាច​ទៅវិញ។

វិបត្តិ​នយោបាយ​នៅ​កម្ពុជា​មិនមែន​ជា​លើក​ទី​១​នោះ​ទេ ចាប់​តាំងពី​កម្ពុជា​មាន​កិច្ចព្រមព្រៀង​សន្តិភាព​ទីក្រុង​ប៉ារីស និង​រៀបចំ​ឲ្យ​មានការ​បោះឆ្នោត​ឆ្នាំ​១៩៩៣​មក គឺ​តែងតែ​មាន​ជម្លោះ​នៅ​ក្រោយ​ការបោះឆ្នោត។ ឧទាហរណ៍​ដូចជា​ការបោះឆ្នោត​អាណត្តិ​ទី​១ ឆ្នាំ​១៩៩៣​នោះ គណបក្ស​ហ៊្វុនស៊ិនប៉ិច​បាន​ឈ្នះ​ការបោះឆ្នោត ប៉ុន្តែ​គណបក្ស​ប្រជាជន​កម្ពុជា​របស់​លោក ហ៊ុន សែន ដែល​ចាញ់​ឆ្នោត​នោះ​មិន​ព្រម​ឡើយ។ ជម្លោះ​នយោបាយ​រវាង​គណបក្ស​ទាំងពីរ​កាលណោះ ស្ទើរ​តែ​បែងចែក​ភូមិភាគ​ទឹកដី​គ្នា​ក្នុង​ការ​ដឹកនាំ​រវាង​គណបក្ស​ទាំងពីរ ប៉ុន្តែ​ដោយសារ​អតីត​ព្រះមហាក្សត្រ​មិន​ចង់​ឃើញ​ជាតិ​បែកបាក់ ព្រះអង្គ​បាន​និយាយ​ជាមួយ​រាជបុត្រ​របស់​ព្រះអង្គ​គឺ​សម្ដេច​ក្រុមព្រះ នរោត្តម រណឫទ្ធិ ក្នុង​ការ​បែងចែក​អំណាច​គ្នា ពោល​គឺ​សម្ដេចក្រុមព្រះ ធ្វើជា​នាយករដ្ឋមន្ត្រី​ទី​១ និង លោក ហ៊ុន សែន ដែល​ភាគី​ចាញ់​ឆ្នោត ធ្វើជា​នាយករដ្ឋមន្ត្រី​ទី២។

ក៏ប៉ុន្តែ​សម្រាប់​អ្នក​ជំនាញ​ខាង​វិទ្យាសាស្ត្រ​នយោបាយ​លើក​ឡើង​ថា សម្រាប់​បរិបទ​នយោបាយ​បច្ចុប្បន្ន​វិញ ព្រះមហាក្សត្រ​ហាក់​មាន​ឥទ្ធិពល​តិច​តូច​ទៅលើ គណបក្ស​កាន់អំណាច ដែល​ព្រះអង្គ​លំបាក​ក្នុង​ការ​បំពេញ​ព្រះរាជ​តួនាទី​ជា​អាជ្ញាកណ្ដាល បើសិនជា​ពុំ​មាន​ការ​ស្នើ​សុំ​ពី​គណបក្ស​ប្រឆាំង​ដើម្បី​ឲ្យ​ជួយ​ដោះស្រាយ ពី​បញ្ហា​ជម្លោះ​នយោបាយ​បច្ចុប្បន្ន​ទេ​នោះ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (5)
  • បោះពុម្ព
  • ចែករំលែក
  • អ៊ីម៉ែល

Blind man VS Cripple man=nothing

Like father like son are useless/worthless...if something running good they'll stay here...if something not good here they'll have to run to over there rather better to face off.This rookie moron king can't do anything at all or only comrade Hun Sen uses him as a rubber stamp in what he wants.

Oct 08, 2017 11:52 AM

dictator HunSen jungle fewer heats up 2018 coming

The smart thing all khmer pple have to change...change must be made....38+years in power enough is enough...there a lots smart pple and good pple out there...stop stupid or let anybody who bullying or fouling u around...CHAAAAAAAANGE....DETERMINATE 38+YEARS FASCIST POWER AND LIMITED THE POWER TO 4 YEARS RULER.Stop stupiiiiiiid with one-man-lead,and one-man-rule and bless u all.

Oct 06, 2017 01:51 PM

អ្នក​អាន​អនាមិក

សង្ឃឹមថាព្រះអង្គហ៊ានធ្វើទេ?
ចំពោះខ្ញុំថា ព្រះអង្គមិនហ៊ានទេ

Oct 05, 2017 07:37 AM

អ្នក​អាន​អនាមិក

Oh, tell the king go help tell his haft brother Ranarith shut up first before he goes to China.

Oct 05, 2017 03:44 AM

អ្នក​អាន​អនាមិក

You must be kidding, the king is busy taking care his health in China or he will go to China soon, or he is worrying about his paycheck get cut. Don't you see his sibling Ranarith's speech. Don't you think the same father the same gene?

Oct 05, 2017 03:41 AM

មើល​មតិ​ទាំង​អស់.

គេហទំព័រ​ទាំងមូល