រដ្ឋសភានឹងបើកសម័យប្រជុំនៅថ្ងៃទី១៧ វិច្ឆិកាដើម្បីជ្រើសតាំងសមាជិកគណៈកម្មការបន្ថែម
2017.11.13
រដ្ឋសភានៃប្រទេសកម្ពុជា
Photo: RFA
រដ្ឋសភាជាតិ នឹងបើកសម័យប្រជុំលើកទី៩ នីតិកាលទី៥ នៅថ្ងៃទី១៧ ខែវិច្ឆិកា ឆ្នាំ២០១៧ ខាងមុខនេះ ដើម្បីបោះឆ្នោតជ្រើសតាំងសមាជិកបន្ថែម ២រូបសម្រាប់គណៈកម្មការរដ្ឋសភាសរុបចំនួន ១០គណៈកម្មាការរដ្ឋសភា។ ការបោះឆ្នោតនៅក្នុងសម័យប្រជុំខាងមុខនេះ នឹងក្លាយជារបៀបវារៈដ៏សំខាន់មួយក្នុងចំណោមរបៀបវារៈមួយចំនួនទៀតដែលរដ្ឋសភាគ្រោងនឹងលើកយកមកពិភាក្សា និងអនុម័តនៅក្នុងសម័យប្រជុំនោះ។
កន្លងមកមន្ត្រីនាំពាក្យគណបក្សសង្គ្រោះជាតិ លោក សុន ឆ័យ ធ្លាប់ប្រាប់អាស៊ីសេរីថា គណបក្សសង្គ្រោះជាតិ មិនបានដាក់បញ្ជីតំណាងរាស្ត្ររបស់ខ្លួនឲ្យឈរឈ្មោះសម្រាប់ការបន្ថែមសមាជិកគណៈកម្មការជំនាញរដ្ឋសភាទាំង ១០ នេះទេ ដោយលោកលើកហេតុផលថា បក្សប្រឆាំងពុំមានសំឡេងគ្រប់គ្រាន់ដើម្បីបោះឆ្នោតការពារបេក្ខជនដែលខ្លួនដាក់ឲ្យសម័យប្រជុំរដ្ឋសភាជ្រើសតាំងនៅពេលខាងមុខ។
លោក សុន ឆ័យ អះអាងថា គោលបំណងរបស់គណបក្សកាន់អំណាចក្នុងការបន្ថែមចំនួនសមាជិកគណៈកម្មការជំនាញរដ្ឋសភាពី ៩ ទៅ ១១រូប ក្នុងគណៈកម្មការនីមួយៗនេះ គឺដើម្បីឲ្យគណបក្សនេះអាចគ្រប់គ្រងគណៈកម្មការជំនាញរបស់រដ្ឋសភាទាំងអស់តែម្ដង ហើយអាចជ្រើសរើសប្រធានគណៈកម្មការថ្មីជំនួសឲ្យប្រធានគណៈកម្មការជំនាញរដ្ឋសភាមកពីខាងកូតាគណបក្សសង្គ្រោះជាតិ ដែលបច្ចុប្បន្នគណបក្សនេះគ្រប់គ្រងគណៈកម្មការជំនាញសរុបចំនួន៥។
ជាមួយគ្នានេះដែរ រដ្ឋសភាក៏គ្រោងនឹងលើកយកសេចក្ដីព្រាងច្បាប់ស្ដីពីហិរញ្ញវត្ថុសម្រាប់ការគ្រប់គ្រងឆ្នាំ២០១៨ និងសេចក្ដីព្រាងច្បាប់ស្ដីពីការទូទាត់ថវិកាទូទៅរបស់រដ្ឋសម្រាប់ការគ្រប់គ្រងឆ្នាំ២០១៦ មកពិភាក្សា និងអនុម័តផងដែរ។ ក្រៅពីរបៀបវារៈសំខាន់ៗនេះ រដ្ឋសភាក៏គ្រោងនឹងពិភាក្សា និងអនុម័តកិច្ចព្រមព្រៀងជាមួយរដ្ឋាភិបាលសិង្ហបុរី ចិន ប្រ៊ុយណេ ដារូសាឡឹម និងថៃ ស្ដីពីការចៀសវាងការយកពន្ធត្រួតគ្នា និងការបង្ការការកិបកេងបន្លំពន្ធពាក់ព័ន្ធនឹងពន្ធលើប្រាក់ចំណូល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
អត្ថបទពេញនិយម
នយោបាយ
- លោក ហ៊ុន សែន បដិសេធការចោទរបស់វៀតណាម ដែលថា ព្រែកជីកហ្វូណនសម្រាប់សម្រួលវត្តមានយោធាចិន
- មន្ត្រីរដ្ឋាភិបាលអះអាងថា ការជីកព្រែកហ្វូណនជាសិទ្ធិអធិបតេយ្យរបស់កម្ពុជា គ្មានការចាំបាច់បំភ្លឺគ្រប់រឿងដល់វៀតណាមទេ
- លោក ហ៊ុន ម៉ាណែត ថ្លែងការពារគម្រោងព្រែកជីកហ្វូណនតេជោ ក្រោយពេលវៀតណាមរិះគន់
- ពលរដ្ឋខ្មែរនៅក្រៅប្រទេសចង់ឃើញលោក ហ៊ុន ម៉ាណែត បង្រួបបង្រួមជាតិឡើងវិញក្នុងឱកាសចូលឆ្នាំខ្មែរ
- លោក ហ៊ុន សែន ស្នើជួបមេដឹកនាំរដ្ឋប្រហារយោធាភូមាភ្លាមៗក្រោយឡើងតំណែងជាប្រធានព្រឹទ្ធសភា