ប្រធាន​គ.ជ.ប​បង្ហាញ​មោទនភាព​ចំពោះ​ដំណើរការ​បោះឆ្នោត​ឃុំ-សង្កាត់​អាណត្តិ​ទី​៤

ដោយ ដែន អយុធ្យា
2017.07.17
ស៊ិក ប៊ុនហុក ២០១៧ ១៤៤០ ប្រធាន​គណៈកម្មាធិការ​ជាតិ​រៀបចំ​ការ​បោះឆ្នោត (គ.ជ.ប) លោក ស៊ិក ប៊ុនហុក នៅ​ក្នុង​សន្និបាត​បូក​សរុប​ការងារ​បោះឆ្នោត​​ឃុំ-សង្កាត់​​​អាណត្តិ​ទី​៤ ឆ្នាំ​២០១៧ ប្រារព្ធ​នៅ​ខេត្ត​ព្រះសីហនុ ថ្ងៃ​ទី ១៧ ខែ​កក្កដា ឆ្នាំ​២០១៧។
Photo: RFA

ថ្នាក់​ដឹកនាំ​គណៈកម្មាធិការ​ជាតិ​រៀបចំ​ការ​បោះឆ្នោត (..) បង្ហាញ​មោទនភាព​ដែល​ស្ថាប័ន​មួយ​នេះ​អាច​រៀបចំ​ដំណើរការ​ចុះ​បញ្ជី​ឈ្មោះ និង​រៀបចំ​បោះឆ្នោត​ឃុំ-សង្កាត់​អាណត្តិ​ទី​៤ ទទួល​បាន​ជោគជ័យ និង​មាន​ការ​គាំទ្រ​ពី​សហគមន៍​ជាតិ និង​អន្តរជាតិ។

ប្រធាន​គណៈកម្មាធិការ​ជាតិ​រៀបចំ​ការ​បោះឆ្នោត លោក ស៊ិក ប៊ុនហុក បាន​ឲ្យ​ដឹង​នៅ​ថ្ងៃ​ច័ន្ទ ទី​១៧ ខែ​កក្កដា ថា នឹង​ខិតខំ​កែលំអ​នូវ​ចំណុច​ខ្វះខាត ឬ​ចំណុច​អវិជ្ជមាន​ដែល គ..ប មិន​ទាន់​អនុវត្ត​បាន​ឲ្យ​បាន​ច្រើន​ទៀត ដើម្បី​ឲ្យ​ការងារ​រៀបចំ​ការ​បោះឆ្នោត​នា​បណ្ដា​ឆ្នាំ​ខាង​មុខៗ​មាន​ដំណើរការ​ល្អ និង​រលូន​ថែម​ទៀត។

លោក ស៊ិក ប៊ុនហុក បង្ហាញ​មោទនភាព​ដែល​ស្ថាប័ន គ..ប ទើប​ចាប់​កំណើត​ជាង ២​ឆ្នាំ បាន​បំពេញ​តួនាទី​រៀបចំ​ការងារ​ចុះ​បញ្ជី​ឈ្មោះ​អ្នក​បោះឆ្នោត និង​រៀបចំ​បោះឆ្នោត​ឃុំ-សង្កាត់​អាណត្តិ​ទី​៤ ទទួល​បាន​ការ​គាំទ្រ​ពី​ប្រជាពលរដ្ឋ គណបក្ស​នយោបាយ ពិសេស​សហគមន៍​ជាតិ និង​អន្តរជាតិ បាន​ផ្ញើ​សារ​គាំទ្រ​លទ្ធផល​នៃ​ដំណើរការ​រៀបចំ​ការ​បោះឆ្នោត​បាន​ល្អ តាម​បែប​ប្រជាធិបតេយ្យ​ពិតប្រាកដ។

ប្រធាន គ..ប អះអាង​ថា នឹង​ខិតខំ​ដឹកនាំ ឬ​កែលំអ​នូវ​ចំណុច​អវិជ្ជមាន​ដែល​ស្ថាប័ន​នេះ​ខ្វះខាត បន្ទាប់​ពី​ទទួល​បាន​របាយការណ៍ និង​សំណូមពរ​ពី​ផ្នែក​ពាក់ព័ន្ធ​ដាក់​ជូន​មក គ..ប ក្រោយ​កិច្ចប្រជុំ​ពិភាក្សា​នៅ​ក្នុង​សន្និបាត​បូក​សរុប​ការងារ​បោះឆ្នោត​ឃុំ-សង្កាត់​អាណត្តិ​ទី​៤ ដោយ​មាន​ការ​ចូលរួម​ដោយ​តំណាង​ស្ថានទូត តំណាង​អង្គការ​សហប្រជាជាតិ តំណាង​គណបក្ស​នយោបាយ តំណាង​អង្គការ​ជាតិ អន្តរជាតិ និង​តំណាង​ស្ថាប័ន គ..ប មក​ពី ២៥​រាជធានី-ខេត្ត​នា​ខេត្ត​ព្រះសីហនុ នៅ​ថ្ងៃ​ទី​១៧ ខែ​កក្កដា៖ «យើង​មក​ជួបជុំ​គ្នា​នៅ​ថ្ងៃ​នេះ ស្នើ​ឲ្យ​បង​ប្អូន​ទាំងអស់​គ្នា​មក​ពី​គ្រប់​ស្ថាប័ន​ពាក់ព័ន្ធ ចែក​រំលែក​នូវ​បទពិសោធន៍​ទាំង​ចំណុច​ខ្លាំង និង​ចំណុច​ខ្សោយ​ដែល​យើង​មាន ដើម្បី​ជំរុញ​ឆ្ពោះ​ឲ្យ​ការងារ​បោះឆ្នោត​ជាតិ​ឆ្នាំ​២០១៧ កាន់​តែ​មាន​សុក្រឹតភាព​ជាង​ការ​បោះឆ្នោត​ឃុំ-សង្កាត់​អាណត្តិ​ទី​៤ ឆ្នាំ​២០១៧ នេះ»

ទោះ​ជា​បែប​នេះ​ក្តី មន្ត្រី​សង្គម​ស៊ីវិល និង​ស្ថាប័ន គ..ប ខ្លួន​ឯង រក​ឃើញ​ថា គ..ប នៅ​មាន​ចំណុច​ខ្វះខាត ឬ​អវិជ្ជមាន​មួយ​ចំនួន​ដែល​ត្រូវ​កែលំអ ដើម្បី​ឈាន​ទៅ​អនុវត្ត​ការងារ​រៀបចំ​បោះឆ្នោត​ឃុំ-សង្កាត់ និង​ការ​បោះឆ្នោត​ជ្រើសរើស​តំណាងរាស្ត្រ​នា​បណ្ដា​អាណត្តិ​ខាង​មុខ អនុវត្ត​បាន​ល្អ មាន​ប្រសិទ្ធភាព និង​មាន​ជំនឿ​ទុក​ចិត្ត​ខ្ពស់។

តំណាង​ស្ថាប័ន គ..ប មក​ពី​តាម​បណ្ដា​ខេត្ត​មួយ​ចំនួន បាន​លើក​ឡើង​នៅ​ក្នុង​សន្និបាត ដោយ​បាន​លើក​យក​ចំណុច​ខ្វះខាត​ដែល​ស្ថាប័ន​រៀបចំ​ការ​បោះឆ្នោត​ថ្នាក់​ខេត្ត​ជួប​ប្រទះ ដាក់​ជូន​ថ្នាក់​ដឹកនាំ គ..ប ពិនិត្យ​ពិចារណា​រួម​មាន ស្នើ​ឲ្យ​ជួយ​បញ្ជូន​គ្រូ​ជំនាញ​ចុះ​បញ្ជី​ឈ្មោះ​តាម​កុំព្យូទ័រ និង​គ្រូ​ឯកទេស​ច្បាប់​បោះឆ្នោត ជាដើម ចុះ​ពង្រឹង ឬ​អប់រំ​ដល់​មន្ត្រី​រៀបចំ​ការងារ​បោះឆ្នោត​នៅ​តាម​ខេត្ត​នីមួយៗ​ឲ្យ​យល់​ដឹង​អំពី​តួនាទី​របស់​ខ្លួន​ឲ្យ​បាន​ច្បាស់លាស់។ ជាង​នេះ ក្រុម​ពិភាក្សា​ក៏​បាន​ស្នើ​ទៅ​ក្រសួង​មហាផ្ទៃ ស្នើ​ឲ្យ​ជួយ​ចេញ​អត្តសញ្ញាណប័ណ្ណ​ជូន​ប្រជាពលរដ្ឋ​គ្រប់​អាយុ​បោះឆ្នោត​ឲ្យ​បាន​ឆាប់ ដើម្បី​អាច​ឲ្យ​ពួក​គេ​ងាយ​ចុះ​ឈ្មោះ​បោះឆ្នោត។

នាយក​ប្រតិបត្តិ​គណៈកម្មាធិការ​អព្យាក្រឹត និង​យុត្តិធម៌​ដើម្បី​ការ​បោះឆ្នោត​ដោយ​សេរី និង​ត្រឹមត្រូវ​នៅ​កម្ពុជា ហៅ​កាត់​ថា និកហ្វិច (NICFEC) លោក សំ គន្ធាមី ដែល​ជា​អតីត​សមាជិក «បន្ទប់​ស្ថានការណ៍» ផ្តល់​អនុសាសន៍​ថា ការ​រៀបចំ​ការ​បោះឆ្នោត​របស់ គ..ប នៅ​លើក​ក្រោយ នឹង​កាន់​តែ​ប្រសើរ ប្រសិន​បើ គ..ប ពង្រឹង​ការ​ផ្សព្វផ្សាយ​ព័ត៌មាន​ឲ្យ​មាន​ប្រសិទ្ធភាព​ស្ដីពី​ការ​បោះឆ្នោត ពិសេស​នៅ​តាម​តំបន់​ដាច់ស្រយាល សម្របសម្រួល​ការ​សហការ​របស់​អាជ្ញាធរ​ក្នុង​កិច្ច​ការងារ​អប់រំ​ផ្សព្វផ្សាយ ពង្រឹង​ភាព​ស្មើ​គ្នា​របស់​គណបក្ស​នយោបាយ​លើ​ប្រព័ន្ធ​ផ្សព្វផ្សាយ​ឯកជន និង​ពង្រឹង​សមត្ថភាព​មន្ត្រី​នៅ​ថ្នាក់​មូលដ្ឋាន​របស់​ខ្លួន៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។