គ.ជ.ប ប្រកាស​អោយ​អ្នក​ដែល​បាន​ចុះ​ឈ្មោះ​បោះ​ឆ្នោត​ទៅ​ពិនិត្យ​បញ្ជី​ឈ្មោះ

ដោយ អាស៊ីសេរី
2017.12.14
ពិនិត្យ​ឈ្មោះ​បោះឆ្នោត ភ្នំពេញ ២០១៦ ៨៥៥ ពលរដ្ឋ​ទៅ​ពិនិត្យ​ឈ្មោះ​បោះឆ្នោត​ក្នុង​បញ្ជី​ឈ្មោះ​បោះឆ្នោត​ថ្មី​នា​មណ្ឌល​ស្ទឹងមានជ័យ រាជធានី​ភ្នំពេញ នៅ​ថ្ងៃ​ទី​៣ ខែ​មករា ឆ្នាំ​២០១៧។ RFA/Sorn Chanratha
RFA/Sorn Chanratha

គណៈកម្មាធិការ​ជាតិ​រៀបចំ​ការបោះឆ្នោត (គ.ជ.ប) ប្រកាស​ប្រាប់​ប្រជាពលរដ្ឋ​ទាំង​អស់​ដែល​បាន​ចុះ​ឈ្មោះ​បោះឆ្នោត​ឆ្នាំ​២០១៦ និង​អ្នក​ដែល​បាន​ចុះ​ឈ្មោះ​បោះឆ្នោត​ឆ្នាំ​២០១៧ រួច​ហើយ ឱ្យ​ទៅ​ពិនិត្យ​មើល​ឈ្មោះ និង​ផ្ទៀងផ្ទាត់​ទិន្នន័យ​របស់​ខ្លួន​តាម​ឃុំ​សង្កាត់​ដែល​ខ្លួន​បាន​ចុះ​ឈ្មោះ​បោះឆ្នោត ឬ​ក៏​អាច​ចូល​មើល​ក្នុង​គេហទំព័រ​បញ្ជី​បោះឆ្នោត​របស់ គ.ជ.ប ដែល​មាន​អាសយដ្ឋាន www.voterlist.org.kh

ការ​បិទ​ផ្សាយ​បញ្ជី​បោះឆ្នោត​ដំបូង និង​បញ្ជី​ឈ្មោះ​អ្នក​ដែល​ត្រូវ​លុប​ចេញ​ពី​បញ្ជី​បោះឆ្នោត​នៅ​តាម​ឃុំ​សង្កាត់​នេះ មាន​រយៈពេល ១០​ថ្ងៃ គឺ​ចាប់​ពី​ថ្ងៃ​ទី​១៤ ដល់​ទី​២៤ ខែ​ធ្នូ ខាង​មុខ​នេះ។

​បញ្ជី​ឈ្មោះ​បោះឆ្នោត​ឆ្នាំ​២០១៧ ដែល គ.ជ.ប ទើប​នឹង​បាន​ធ្វើ​បច្ចុប្បន្នភាព​រួចរាល់ មាន​ចំនួន​អ្នក​ចុះ​ឈ្មោះ​សរុប​ជាង ៨​លាន ៣​សែន​នាក់ (៨.៣៨០.២១៩) ហើយ​ចំនួន​អ្នក​ដែល​ត្រូវ​លុប​ចេញ​ពី​បញ្ជី​បោះ​ឆ្នោត​មាន​ជាង ២​ម៉ឺន​នាក់ (២១.៧៨៩)។

​គ.ជ.ប នឹង​ផ្ដល់​សុពលភាព ព្រមទាំង​ប្រកាស​ផ្សាយ​បញ្ជី​បោះឆ្នោត​ផ្លូវការ​នៅ​ថ្ងៃ​ទី​២៤ ខែ​មករា ឆ្នាំ​២០១៨ ដែល​បញ្ជី​ផ្លូវការ​នេះ​នឹង​ត្រូវ​យក​ទៅ​ប្រើប្រាស់​សម្រាប់​ការ​បោះឆ្នោត​ជ្រើសតាំង​តំណាងរាស្ត្រ​នីតិកាល​ទី​៦ នៃ​រដ្ឋសភា ដែល​គ្រោង​ប្រព្រឹត្តទៅ​នៅ​ថ្ងៃ​ទី​២៩ កក្កដា ឆ្នាំ​២០១៨ ខាង​មុខ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។