រដ្ឋាភិបាល​កម្ពុជា​សោកស្ដាយ​ដែល​អាមេរិក​សម្រេច​មិន​ផ្ដល់​ទិដ្ឋាការ​ដល់​មន្ត្រី​ការទូត​របស់​ខ្លួន

ដោយ មាន ឫទ្ធិ
2017-09-13
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
គេហទំព័រ​ស្ថានទូត​សហរដ្ឋ​អាមេរិក ប្រចាំ​កម្ពុជា។ Screenshot
គេហទំព័រ​ស្ថានទូត​សហរដ្ឋ​អាមេរិក ប្រចាំ​កម្ពុជា។ Screenshot
Screenshot

ភ្លាមៗ​ក្រោយ​ពេល​ដែល​សហរដ្ឋ​អាមេរិក សម្រេច​ដាក់​ទណ្ឌកម្ម​មិន​ផ្ដល់​ទិដ្ឋាការ​ធ្វើ​ដំណើរ​ប្រភេទ B1/B2 ដល់​មន្ត្រី​ការទូត​នៃ​ក្រសួង​ការបរទេស​កម្ពុជា ចាប់​តាំង​ពី​ថ្ងៃ​ទី​​១៣ ខែ​កញ្ញា ត​ទៅ រដ្ឋាភិបាល​កម្ពុជា បាន​សម្ដែង​ការ​សោកស្ដាយ និង​រំពឹង​ថា សហរដ្ឋអាមេរិក​នឹង​ពិចារណា​ឡើង​វិញ​ដើម្បី​លើក​កម្ពស់​ទំនាក់ទំនង​មិត្តភាព និង​កិច្ច​សហប្រតិបត្តិការ​ល្អ​រវាង​ប្រទេស​ទាំង​ពីរ។

ការ​ប្រកាស​ដាក់ទណ្ឌកម្ម​មិន​ផ្ដល់​ទិដ្ឋាការ​ធ្វើ​ដំណើរ​របស់​សហរដ្ឋ​អាមេរិក​នេះ ធ្វើ​ឡើង​តែ​ចំពោះ​មន្ត្រី​ការទូត​កំពូលៗ​នៃ​ក្រសួង​ការបរទេស​កម្ពុជា និង​ក្រុម​គ្រួសារ​របស់​ពួកគេ​តែប៉ុណ្ណោះ ហើយ​មិន​ប៉ះពាល់​ដល់​ប្រជាពលរដ្ឋ​កម្ពុជា សាមញ្ញ មន្ត្រី​រាជការ​ក្របខ័ណ្ឌ​ក្រសួង​ដទៃ សិស្ស-​និស្សិត ឬ​អាជីវករ​ឡើយ។

ការ​សម្រេច​ដាក់ទណ្ឌកម្ម​នេះ គឺ​ក្រោយ​ពេល​ដែល​ក្រសួង​សន្តិសុខ​ជាតិ ស្នើ​ឲ្យ​ក្រសួង​ការបរទេស​អាមេរិក ចាត់​វិធានការ​ដាក់ទណ្ឌកម្ម​ដល់​ប្រទេស​កម្ពុជា ដោយសារ​តែ​ប្រទេស​នេះ «រឹង​ទទឹង» មិន​ព្រម​ទទួល​យក ឬ​ព្យាយាម​ពន្យារ​ពេល​ការ​ធ្វើ​មាតុភូមិ​និវត្តន៍​ពលរដ្ឋ​របស់​ខ្លួន​ដែល​ត្រូវ​សហរដ្ឋអាមេរិក ចាប់​បញ្ជូន​មក​វិញ ដោយសារតែ​ពួកគេ​បាន​ប្រព្រឹត្តិ​ល្មើសច្បាប់។

សេចក្ដី​ប្រកាស​ព័ត៌មាន​របស់​ស្ថានទូត​សហរដ្ឋអាមេរិក ប្រចាំ​ទីក្រុង​ភ្នំពេញ ចេញ​ផ្សាយ​ថ្ងៃ​ទី​១៣ ខែ​កញ្ញា នេះ ឲ្យ​ដឹង​ថា អាច​មាន​ករណី​លើកលែង​តិចតួច​ប៉ុណ្ណោះ​ចំពោះ​ការ​ដាក់​ទណ្ឌកម្ម​នេះ។ យ៉ាង​ណា​ក៏ដោយ ស្ថានទូត​មិន​បាន​បង្ហើប​ឲ្យ​ដឹង​លម្អិត​អំពី​ករណី​លើកលែង​នេះ​ឡើយ ដោយ​គ្រាន់តែ​បញ្ជាក់​ថា រដ្ឋមន្ត្រី​​ការបរទេស​អាមេរិក ត្រូវ​បញ្ជា​អោយ​មន្ត្រី​កុងស៊ុល​បញ្ឈប់​លែង​ផ្ដល់​ទិដ្ឋាការ​រហូត​ទាល់​តែ​រដ្ឋមន្ត្រី​សន្តិសុខ​ជាតិ ទទួល​បាន​ព័ត៌មាន​ថា ប្រទេស​កម្ពុជា បាន​យល់ព្រម​ទទួល​យក​ការ​ធ្វើ​មាតុភូមិ​និវត្ត​ពលរដ្ឋ​របស់​ខ្លួន​ដែល​ត្រូវ​សហរដ្ឋអាមេរិក ចាប់​បញ្ជូន​មក​វិញ ដោយសារ​តែ​ពួកគេ​បាន​ប្រព្រឹត្តិ​ល្មើសច្បាប់។

យោង​តាម​គេហទំព័រ​ក្រសួង​ការបរទេស​អាមេរិក ប្រភេទ​ទិដ្ឋាការ B1 សម្តៅ​លើ​ទិដ្ឋាការ​ធ្វើ​ដំណើរ​ទាំង​ឡាយ​ណា​ដើម្បី​គោលបំណង​ជាក់លាក់​ដូចជា​ចូលរួម​ប្រជុំ​ពិភាក្សា​អាជីវកម្ម ចូល​រួម​ប្រជុំ​អំពី​ការ​អប់រំ វិទ្យាសាស្ត្រ  ចរចា​អាជីវកម្ម ឬ​អចលនទ្រព្យ។ ដោយ​ឡែក​ទិដ្ឋាការ​ប្រភេទ B2 សំដៅ​លើ​ការ​ធ្វើ​ដំណើរ​កម្សាន្ត​នានា រួម​មាន​ទេសចរណ៍ សួរ​សុខ​ទុក្ខ​បង​ប្អូន មិត្ត​ភក្តិ សាច់ញាតិ ឬ​ដើម្បី​ព្យាបាល​ជំងឺ​ជាដើម។

ស្ថានទូត​ឲ្យ​ដឹង​បន្ថែម​ថា ចំពោះ​ក្រុម​ដែល​ស្ថិត​ក្នុង​ជំពូក​នៃ​ការ​ដាក់​ទណ្ឌកម្ម​ផ្អាក​ការ​ចេញ​ទិដ្ឋាការ​នេះ ពួកគេ​ត្រូវ​ពិចារណា​អោយ​បាន​ដិតដល់​មុន​ពេល​ដាក់​ពាក្យ​សុំ​ទិដ្ឋាការ ព្រោះ​មន្ត្រី​កុងស៊ុល នឹង​សម្ភាស​អ្នក​ទាំង​នោះ ប៉ុន្តែ​មិន​អាច​ផ្ដល់​ទិដ្ឋាការ​ជូន​បាន​ឡើយ រហូត​ទាល់​តែ​ការ​ផ្អាក​នោះ​ត្រូវ​បាន​លើកលែង​។

​ប្រតិកម្ម​តប​ភ្លាមៗ​ជុំវិញ​ការ​សម្រេច​ខាង​លើ​នេះ ក្រៅ​ពី​សម្ដែង​ការ​សោកស្ដាយ ក្រសួង​ការបរទេស​ថា ការណ៍​ដែល​សហរដ្ឋអាមេរិក ស​ម្រេច​ដាក់​កម្ពុជា ចូល​ក្នុង​បញ្ជី​ក្រុម​ប្រទេស «ដែល​មិន​ផ្ដល់​កិច្ច​សហ​ប្រតិបត្តិការ» ហើយ​ផ្អាក​មិន​ចេញ​ទិដ្ឋាការ​ធ្វើ​ដំណើរ​ដល់​មន្ត្រី​ការទូត​ជាន់ខ្ពស់​របស់​ខ្លួន និង​ក្រុម​គ្រួសារ​របស់​ពួកគេ គឺ​ធ្វើ​ឡើង​ដោយ​មិន​បាន​ពិចារណា​ត្រឹមត្រូវ​តាម​កំណត់​ទូត​របស់​ខ្លួន​ស្ដី​អំពី​ប្រតិបត្តិការ​កម្មវិធី​មាតុភូមិ​និវត្តន៍ ចុះ​ថ្ងៃ​ទី​៣១ ខែ​សីហា ឆ្នាំ​២០១៧ កន្លង​ទៅ។ ការ​សម្រេចចិត្ត​របស់​សហរដ្ឋអាមេរិក​នេះ ធ្វើ​ឡើង​ដោយ​មិន​គោរព​តាម​ស្មារតី​នៃ​កិច្ច​សហ​ប្រតិបត្តិការ​ល្អ​ស្ដីពី​កម្មវិធី​មាតុភូមិ​និវត្តន៍​រវាង​ប្រទេស​ទាំង​ពីរ។

​ក្រសួង​ការបរទេស​ថា ក្រសួង​ធ្លាប់​បាន​បញ្ជាក់​ច្បាស់​ហើយ​​នៅ​ក្នុង​កំណត់​ទូត​របស់​ខ្លួន​កាល​ពី​ថ្ងៃ​ទី​២៨ ខែ​តុលា ឆ្នាំ​២០១៦ កន្លង​ទៅ​ថា ក្រសួង​បាន​ដាក់​សំណើ​ដើម្បី «ស្នើ​សុំ​ផ្អាក​ជា​បណ្ដោះអាសន្ន​ក្នុង​ការ​អនុវត្ត​អនុស្សរណៈ​យោគយល់​ឆ្នាំ​២០០២ និង​ឧបសម្ពន្ធ​ដែល​ពាក់ព័ន្ធ» ដោយ​ផ្អែក​លើ​គោលការណ៍​ដើម្បី​ដោះស្រាយ​កង្វល់​នានា អំពី​បញ្ហា​មនុស្សធម៌ និង​សិទ្ធិមនុស្ស​របស់​និវត្តជន​ដែល​ត្រូវ​បាន​បញ្ជូន​ត្រឡប់​មក​កម្ពុជា​វិញ ដូច​ដែល​បាន​លើក​ឡើង​ដោយ​សហគមន៍​ខ្មែរ​នៅ​សហរដ្ឋអាមេរិក និង​នៅ​ក្នុង​រដ្ឋសភា​អាមេរិក។ ក្រសួង​គូស​បញ្ជាក់​ថា សំណើ​នេះ​មិនមែន​មាន​ន័យ​ថា ជា​ការ​បញ្ឈប់​ទាំង​ស្រុង​នូវ​ការ​អនុវត្ត​អនុស្សរណៈ​យោគយល់ និង​ឧបសម្ពន្ធ​ដែល​ពាក់ព័ន្ធ​នោះ​ទេ។ ការណ៍​នេះ​ក្រសួង​ចង់​បង្ហាញ​ថា រដ្ឋាភិបាល​កម្ពុជា នៅ​តែ​មាន​សុច្ឆន្ទៈ​ល្អ​ក្នុង​ការ​បន្ត​កិច្ច​សហប្រតិបត្តិការ​របស់​ខ្លួន​ជាមួយ​សហរដ្ឋអាមេរិក​អំពី​បញ្ហា​នេះ។

​រដ្ឋាភិបាល​កម្ពុជា រំពឹង​ថា រដ្ឋាភិបាល​សហរដ្ឋអាមេរិក នឹង​ធ្វើ​ការ​ពិចារណា​ឡើង​វិញ​ជុំវិញ​ការ​សម្រេចចិត្ត​ដាក់​ទណ្ឌកម្ម​ផ្អាក​ចេញ​ទិដ្ឋាការ​ធ្វើ​ដំណើរ​នេះ ក្នុង​គោលបំណង​ដើម្បី​លើក​កម្ពស់​ទំនាក់ទំនង​មិត្តភាព និង​កិច្ច​សហប្រតិបត្តិការ​ល្អ​រវាង​ប្រទេស​ទាំង​ពីរ។

លោក​បណ្ឌិត មាស នី អ្នក​ស្រាវជ្រាវ​ការ​អភិវឌ្ឍ​សង្គម យល់​ឃើញ​ថា ការ​ខ្វែង​គំនិត​លើ​ទិដ្ឋភាព​នយោបាយ​រវាង​សហរដ្ឋអាមេរិក និង​កម្ពុជា ចៀស​មិន​ផុត​ពី​ផល​អាក្រក់​ចំពោះ​រដ្ឋាភិបាល​ឡើយ។ ជាង​នេះ​ទៀត ជំហរ​របស់​សហរដ្ឋ​អាមេរិក​នេះ ជា​សម្ពាធ​កាន់​តែ​ខ្លាំង​ដល់​រដ្ឋាភិបាល ទាំង​នៅ​ក្នុង​តំបន់ និង​លើ​ឆាក​អន្តរជាតិ ជាពិសេស​ប៉ះពាល់​មុខមាត់ និង​កិត្យានុភាព​របស់​កម្ពុជា។

លោក​បណ្ឌិត មាស នី៖ «វា​ពិត​ជា​មាន​ឥទ្ធិពល​ហើយ កាល​ណា​មិន​ឲ្យ​ទៅ បាន​ន័យ​ថា មន្ត្រី​ខ្មែរ​ជាន់​ខ្ពស់​ទាំង​អស់ គឺ​គាត់​មិន​បាន​ទៅ​ជួប​គ្រួសារ​របស់​ពួក​គាត់ ព្រោះ​មួយ​ចំនួន​ធំ​នៃ​មន្ត្រី​ទាំង​អស់​នេះ គឺ​សុទ្ធតែ​មាន​គ្រួសារ ពិសេស​មាន​ប្រពន្ធ​កូន​អី ឬក៏​មាន​ផ្ទះ​សម្បែង​នៅ​អាមេរិក។ អ៊ីចឹង​កាល​ណា​គេ​ផ្អាក​មិន​ផ្ដល់​ទិដ្ឋាការ​ហ្នឹង គឺ​បាន​ន័យ​ថា គាត់​មិន​អាច​ធ្វើ​ដំណើរ​ទៅ​លេង​បងប្អូន​គាត់ ហើយ​ពិសេស​កាល​ណា​យើង​ត្រូវ​ទៅ​ប្រជុំ​អី​ហ្នឹង ចូលរួម​កិច្ច​ការទូត​ផ្សេងៗ​អី នឹង​រឹតតែ​មាន​ការ​ពិបាក»

ព័ត៌មាន​ដាច់​ដោយ​ឡែក​មួយ​ទៀត ស្ថានទូត​សហរដ្ឋអាមេរិក​ប្រចាំ​ក្រុង​ភ្នំពេញ កាល​ពី​ថ្ងៃ​ទី​​១៣ ខែ​កញ្ញា ក៏​បាន​ចេញផ្សាយ​សេចក្ដី​ជូន​ដំណឹង​ដល់​ពលរដ្ឋ​អាមេរិកាំង របស់​ខ្លួន​ដែល​កំពុង​ស្នាក់​នៅ​ក្នុង​ប្រទេស​កម្ពុជា  ឬ​ត្រៀម​ធ្វើ​ដំណើរ​ទៅ​កាន់​ប្រទេស​កម្ពុជា ឲ្យ​រក្សា​ភាព​ប្រយ័ត្នប្រយែង​ខ្ពស់​ចំពោះ​សុវត្ថិភាព​ផ្ទាល់​ខ្លួន​របស់​ពួកគេ ខណៈ​ដែល​សភាពការណ៍​អំពី​វោហារសាស្ត្រ​ប្រឆាំង​នឹង​អាមេរិក នៅ​កម្ពុជា កាន់​តែ​តានតឹង​កាន់​តែ​ខ្លាំង​ឡើងៗ។

ស្ថានទូត​បាន​ចេញ​សេចក្ដី​ជូន​ដំណឹង​នេះ​នៅ​លើ​ទំព័រ​ហ្វេសប៊ុក របស់​ខ្លួន ដោយ​ជំរុញ​ឲ្យ​ពលរដ្ឋ​អាមេរិកាំង​ទាំង​អស់ ត្រូវ​រក្សា​ការ​ប្រយ័ត្នប្រយែង​អំពី​សុវត្ថិភាព​របស់​ពួកគេ​ឲ្យ​បាន​ខ្ពស់​បំផុត បើ​ទោះ​ជា​បច្ចុប្បន្ន ស្ថានទូត​ថា ពុំ​ទាន់​ទទួល​បាន​ព័ត៌មាន​ជាក់លាក់​ណា​មួយ​អំពី​ការ​គ្រោង​នឹង​ធ្វើ​បាតុកម្ម ឬ​បញ្ហា​សន្តិសុខ​ដទៃ​ទៀត​ប្រឆាំង​នឹង​ពលរដ្ឋ​អាមេរិកាំង កម្ពុជា​នៅ​ឡើយ​ក៏ដោយ។ ស្ថានទូត​ស្នើ​ឲ្យ​ពលរដ្ឋ​អាមេរិកាំង របស់​ខ្លួន​ទាំង​អស់ ចៀសវាង​ធ្វើ​ដំណើរ​ទៅ​កាន់ ឬ​ចូលរួម​ទីប្រជុំជន​នានា​ដែល​មាន​មនុស្ស​ច្រើន។

ប្រតិកម្ម​តប​នឹង​បញ្ហា​នេះ មន្ត្រី​នាំ​ពាក្យ​រដ្ឋាភិបាល លោក ផៃ ស៊ីផាន បាន​ថ្លែង​ប្រាប់​សារព័ត៌មាន​ស្និទ្ធ​នឹង​រដ្ឋាភិបាល​ថា ការ​ផ្សព្វផ្សាយ​របស់​ស្ថានទូត​អាមេរិក​នេះ គឺ​ជា​ការ​បំផ្លើស​ការពិត ហើយ​បំភ្លៃ​ស្ថានការណ៍​ពិត​នៅ​កម្ពុជា ទាំង​ស្រុង ក្នុង​គោលបំណង​ទុច្ចរិត​ដែល​រដ្ឋាភិបាល​កម្ពុជា មិន​អាច​ទទួល​យក​បាន​ឡើយ។ លោក ផៃ ស៊ីផាន ថ្លែង​បន្ត​ថា ការ​ផ្សព្វផ្សាយ​ព័ត៌មាន​នេះ​គឺ​ជា​ការ​បំពុល​បរិយាកាស​នយោបាយ​ពិត​នៅ​កម្ពុជា ខណៈ​ដែល​ស្ថានភាព​នយោបាយ​ដំណើរការ​ជា​ធម្មតា និង​ពុំ​មាន​អ្វី​គួរ​ឲ្យ​ព្រួយ​បារម្ភ។

មួយ​រយៈ​ពេល​ចុង​ក្រោយ​នេះ ទំនាក់ទំនង​រវាង​សហរដ្ឋអាមេរិក និង​រដ្ឋាភិបាល​កម្ពុជា កាន់​តែ​មាន​ភាព​ល្អក់កករ និង​តានតឹង​ឡើងៗ លោក​នាយក​រដ្ឋមន្ត្រី ហ៊ុន សែន ចោទ​ប្រកាន់​សហរដ្ឋអាមេរិក​ថា ជា​បាតដៃ​ទី​៣ និង​ជា​អ្នក​ស្ថិត​នៅ​ពី​ក្រោយ​នៃ​នយោបាយ​បដិវត្តន៍​ពណ៌​របស់​បក្ស​ប្រឆាំង។ ជុំវិញ​រឿង​នេះ ស្ថានទូត​អាមេរិក​ប្រចាំ​កម្ពុជា បាន​ចេញ​មុខ​បញ្ជាក់​ជំហរ និង​ភាព​ស្អាតស្អំ​របស់​ខ្លួន​ជា​ញឹកញាប់​ថា បេសកកម្ម​របស់​សហរដ្ឋ​អាមេរិក នៅ​កម្ពុជា​នេះ មិន​បង្ក​ជម្លោះ​នោះ​ឡើយ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (8)
  • បោះពុម្ព
  • ចែករំលែក
  • អ៊ីម៉ែល

Young Khmer

Can China help you guys issue visa go to America...from now on you guys should take your children go study in China and live...

Sep 14, 2017 03:29 PM

Dan

ពី LA

They can send their children to educated in China or Vietnam. Don't forget to sell their garment to China tooo.

Sep 14, 2017 07:50 AM

អ្នក​អាន​អនាមិក

ដើម្បីធ្វើឱ្យហ៊ុនសែននិងតុលាការពុករលួយរបស់គាត់ល្អ គ្រប់ប្រទេសទាំងអស់ ដូចជាបណ្តាប្រទេសអឺរ៉ុប ជប៉ុនកូរ៉េខាងត្បូង សិង្ហបុរី ជាដើម លែងចេញទិដ្ឋាការឱ្យហ៊ុនសែននិងគ្រួសារនិងអង្គរក្សរបស់គាត់។

Sep 14, 2017 01:59 AM

អ្នក​អាន​អនាមិក

To make Hun Sen and his corruption court better all other countries such as European countries, Japan, South Korea Singapore and so on stop issue visa to Hun Sen and his family and bodyguards.

Sep 14, 2017 01:55 AM

អ្នក​អាន​អនាមិក

ខ្ញុំគាំទ្រ 100 ភាគរយ ចំពោះសហរដ្ឋអាមេរិកឈប់ផ្តល់ទិដ្ឋាការ ដល់លោកហ៊ុនសែននិងគ្រួសារនិងអង្គរក្សរបស់គាត់។ ខ្ញុំបានប្រាប់លោកហ៊ុនសែនកុំធ្វើឱ្យ រញ៉េ រញ៉ៃជាមួយអាមេរិក។ មិនអីទេប្រទេសចិននៅតែចេញទិដ្ឋាការឱ្យហ៊ុនសែននិងគ្រួសាររបស់គាត់។ ទៅមុខបញ្ជូនកូនរបស់អ្នកទៅសាលារៀននៅចិនឬវៀតណាមដែលពួកគេគាំទ្រហ៊ុន សែន។ I want other countries to stop issue visa to Hun Sen the same USA did.

Sep 14, 2017 01:22 AM

មើល​មតិ​ទាំង​អស់.

គេហទំព័រ​ទាំងមូល