បក្ស​កាន់​អំណាច​បដិសេធ​ការ​អះអាង​របស់​លោក សម រង្ស៊ី ថា​មាន​​សមាជិក​ចូល​រួម​បក្ស​ប្រឆាំង

ដោយ សេក បណ្ឌិត
2017.07.27
ឃោសនា​បោះ​ឆ្នោត ឃុំ​សង្កាត់ បក្ស​ប្រជាជន ៨៨៥ ២០១៧ សមាជិក និង​សកម្មជន​គណបក្ស​ប្រជាជន​កម្ពុជា ជួបជុំ​គ្នា​ក្នុង​ថ្ងៃ​យុទ្ធនាការ​ឃោសនា​បោះ​ឆ្នោត​ក្រុមប្រឹក្សា​ឃុំ-​សង្កាត់ ដំបូង ថ្ងៃ​ទី​២០ ខែ​ឧសភា ឆ្នាំ​២០១៧ នា​កោះពេជ្រ។ RFA
Photo: RFA

គណបក្ស​ប្រជាជន​កម្ពុជា បដិសេធ​ថា មិន​មាន​សមាជិក​របស់​ខ្លួន​ទៅ​ចុះ​ចូល​ជាមួយ​គណបក្ស​សង្គ្រោះ​ជាតិ នោះ​ទេ។

ប្រតិកម្ម​របស់​គណបក្ស​កាន់​អំណាច​នេះ ធ្វើ​ឡើង​ក្រោយ​ពេល​វិទ្យុ​សំឡេង​ព្រះសង្ឃឯករាជ្យ កាល​ពី​ថ្ងៃ​ព្រហស្បតិ៍ ទី​២៧ ខែ​កក្កដា បាន​ដក​ស្រង់​ប្រសាសន៍​របស់​លោក សម រង្ស៊ី អតីត​ប្រធាន​គណបក្ស​សង្គ្រោះ​ជាតិ មក​ផ្សាយ​ថា "មាន​មន្ត្រី​ជាន់​ខ្ពស់ និង​ជាន់​ទាប​មួយ​ចំនួន​របស់​រដ្ឋាភិបាល​គណបក្ស​ប្រជាជន​កម្ពុជា ចង់​មក​រួបរួម និង​ចុះ​ចូល​ជាមួយ​នឹង​គណបក្ស​សង្គ្រោះ​ជាតិ ប៉ុន្តែ​អ្នក​ទាំង​នោះ​មិន​ហ៊ាន​មក​នោះ​ទេ" ។

លោក សម រង្ស៊ី បញ្ជាក់​ទៀត​ថា មូលហេតុ​ដែល​ក្រុម​មន្ត្រី​របស់​រដ្ឋាភិបាល​បក្ស​ប្រជាជន ​មិន​ហ៊ាន​មក​ចូល​រួម​ជាមួយ​នឹង​គណបក្ស​សង្គ្រោះ​ជាតិ ដោយសារ​អ្នក​ទាំង​នោះ​រង​ការ​គំរាម​កំហែង​ពី​មេ​ដឹក​នាំ​របស់​ពួកគេ។

អាស៊ីសេរី នៅ​មិន​ទាន់​អាច​ទាក់ទង​លោក សម រង្ស៊ី ដើម្បី​សុំ​ការ​បញ្ជាក់​ចំពោះ​ប្រសាសន៍​របស់​លោក​ដែល​វិទ្យុ​សំឡេង​ព្រះសង្ឃ​ឯករាជ្យ​យក​មក​ចុះ​ផ្សាយ​និង​មាន​ប្រតិកម្ម​ពី​គណបក្ស​ប្រជាជន​កម្ពុជា នោះ​បាន​នៅ​ឡើយ កាល​ពី​យប់​ថ្ងៃ​ទី​២៧ កក្កដា។

សេចក្ដី​ថ្លែងការណ៍​របស់​អ្នក​នាំ​ពាក្យ​គណបក្ស​ប្រជាជន​កម្ពុជា ផ្សាយ​កាល​ពី​ថ្ងៃ​ទី​២៧ កក្កដា ថា ការ​លើក​ឡើង​របស់​លោក សម រង្ស៊ី មិន​មែន​ជា​ការ​ពិត​នោះ​ទេ ហើយ​ថា មាន​តែ​សមាជិក​គណបក្ស​សង្គ្រោះ​ជាតិ ប៉ុណ្ណោះ ដែល​កន្លង​ទៅ​បាន​មក​សុំ​ចុះ​ចូល​ជាមួយ​គណបក្ស​ប្រជាជន​កម្ពុជា នៅ​តាម​មូលដ្ឋាន​នានា។

គណបក្ស​ប្រជាជន​កម្ពុជា ចាត់​ទុក​ការ​ថ្លែង​របស់​លោក សម រង្ស៊ី ជា​រឿង​មួលបង្កាច់​ទាំង​ស្រុង៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

អត្ថបទពេញនិយម
នយោបាយ
សង្គម​ស៊ីវិល​រំពឹង​ថា​ ឯកអគ្គរដ្ឋទូត​អាមេរិក​ប្រចាំ​កម្ពុជា​ថ្មី​នឹង​បន្ត​ចូល​រួម​លើក​ស្ទួយ​ប្រជាធិបតេយ្យ
បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។