សម្ព័ន្ធកំណែទម្រង់ការបោះឆ្នោតគ្រោងរៀបចំកិច្ចពិភាក្សាទាក់ទងបញ្ហាបោះឆ្នោតនៅថ្ងៃ២៤ មិថុនា
2014.06.22
សកម្មភាពបើក និងផ្ទៀងផ្ទាត់សំឡេងឆ្នោតតាមកញ្ចប់សុវត្ថិភាព "ក" មណ្ឌលបាត់ដំបង ក្រុងបាត់ដំបង នាទីស្នាក់ការគណៈកម្មាធិការជាតិរៀបចំការបោះឆ្នោត (គ.ជ.ប) នៅព្រឹកថ្ងៃទី២៨ ខែសីហា ឆ្នាំ២០១៣។
សម្ព័ន្ធកំណែទម្រង់ការបោះឆ្នោត (Election Reform Alliance) ដែលចងក្រងដោយអង្គការសង្គមស៊ីវិលជាសមាជិកចំនួន ២០ស្ថាប័ន គ្រោងរៀបចំសិក្ខាសាលាមួយនៅថ្ងៃអង្គារ ទី២៤ ខែមិថុនា ចាប់ពីម៉ោង ៨ព្រឹក ដល់ម៉ោង ៥ល្ងាច នៅសណ្ឋាគារ ហ៊ីម៉ាវ៉ារី (Himawari) ក្នុងរាជធានីភ្នំពេញ។
មន្ត្រីច្បាប់និងតស៊ូមតិនៃគណៈកម្មាធិការដើម្បីការបោះឆ្នោតដោយសេរីនិងយុត្តិធម៌នៅកម្ពុជា ហៅកាត់ថា ខុមហ្វ្រែល លោក សួន យុធ្យា មានប្រសាសន៍ប្រាប់វិទ្យុអាស៊ីសេរី តាមទូរស័ព្ទកាលពីយប់ថ្ងៃទី២១ មិថុនា ថា គោលបំណងសំខាន់នៃសិក្ខាសាលានេះ គឺបង្ហាញជូនភាគីពាក់ព័ន្ធនិងពិភាក្សាអំពី សេចក្ដីស្នើវិសោធនកម្មក្របខ័ណ្ឌច្បាប់ទាក់ទងស្ថាប័នគ្រប់គ្រងការបោះឆ្នោត យន្តការដោះស្រាយវិវាទបោះឆ្នោត ការចុះឈ្មោះ និងបញ្ជីឈ្មោះបោះឆ្នោតជាដើម។
លោកបន្តថា លោក សុរិយា ស៊ូប៊ែឌី (Surya Subedi) អ្នករាយការណ៍ពិសេសអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជា នឹងអញ្ជើញចូលរួមបើកសិក្ខាសាលា និងបង្ហាញរបាយការណ៍ពាក់ព័ន្ធការបោះឆ្នោតនៅកម្ពុជា៖ «លោក សុរិយា ស៊ូប៊ែឌី នឹងបង្ហាញអនុសាសន៍ដែលគាត់បានរកឃើញ។ គោលបំណងសំខាន់គឺយើងចង់បង្ហាញអនុសាសន៍ជាគោលធំៗ អំពីក្របខ័ណ្ឌច្បាប់ក្នុងការកែទម្រង់ការបោះឆ្នោតជូនទៅភាគីពាក់ព័ន្ធទាំងអស់។ កន្លងមក ERA យើងបានចេញរបាយការណ៍មួយហើយ យើងនឹងយកអនុសាសន៍លម្អិតដែល ERA បានរៀបចំនោះ ទៅបង្ហាញភាគីពាក់ព័ន្ធនៅថ្ងៃទី២៤ ខែមិថុនា...»។
លោក សួន យុធ្យា មានប្រសាសន៍ថា សម្ព័ន្ធកំណែទម្រង់ការបោះឆ្នោតបានផ្ញើលិខិតអញ្ជើញមន្ត្រីគណៈកម្មាធិការជាតិរៀបចំការបោះឆ្នោត (គ.ជ.ប) តំណាងរាស្ត្រគណបក្សប្រជាជនកម្ពុជា គណបក្សសង្គ្រោះជាតិ និងតំណាងសារព័ត៌មាន វិទ្យុ ទូរទស្សន៍ ជាតិនិងអន្តរជាតិ ព្រមទាំងអង្គការជាតិនិងអន្តរជាតិ ដើម្បីចូលរួមក្នុងសិក្ខាសាលានេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ការប្រារព្ធពិធីបុណ្យចូលឆ្នាំថ្មី នៅតាមតំបន់មួយចំនួននៅស្រុកសុរិន្ទ
អត្ថបទពេញនិយម
នយោបាយ
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- មន្ត្រីរដ្ឋាភិបាលអះអាងថា ការជីកព្រែកហ្វូណនជាសិទ្ធិអធិបតេយ្យរបស់កម្ពុជា គ្មានការចាំបាច់បំភ្លឺគ្រប់រឿងដល់វៀតណាមទេ
- លោក ហ៊ុន ម៉ាណែត ថ្លែងការពារគម្រោងព្រែកជីកហ្វូណនតេជោ ក្រោយពេលវៀតណាមរិះគន់
- តើកម្ពុជាអាចជម្នះសាងសង់ព្រែកជីកហ្វូណនតេជោបានដែរឬទេ?
- លោក ហ៊ុន សែន បដិសេធការចោទរបស់វៀតណាម ដែលថា ព្រែកជីកហ្វូណនសម្រាប់សម្រួលវត្តមានយោធាចិន