លោកនាយករដ្ឋមន្ត្រី ហ៊ុន សែន ទៅបំពេញទស្សនកិច្ចផ្លូវការនៅជប៉ុន
2017.08.06
លោកនាយករដ្ឋមន្ត្រី ហ៊ុន សែន (រូបមុខ) មកដល់ប្រទេសកម្ពុជា វិញបន្ទាប់ពីបំពេញទស្សនកិច្ចនៅប្រទេសបារាំង នៅថ្ងៃទី២៨ ខែតុលា ឆ្នាំ២០១៥។
RFA/Brach Chev
លោកនាយករដ្ឋមន្ត្រី ហ៊ុន សែន បានដឹកនាំគណៈប្រតិភូជាន់ខ្ពស់ទៅបំពេញទស្សនកិច្ចផ្លូវការនៅប្រទេសជប៉ុន ចាប់ពីថ្ងៃទី៦ ដល់ថ្ងៃទី៩ ខែសីហា ឆ្នាំ២០១៧ ដើម្បីចូលរួមកិច្ចប្រជុំកំពូលជាមួយលោកនាយករដ្ឋមន្ត្រីជប៉ុន ស៊ីនហ្សូ អាបេ (Shinzō Abe) និងជំនួបសំខាន់ៗមួយចំនួនទៀតជាមួយមេដឹកនាំជប៉ុន។
លោកនាយករដ្ឋមន្ត្រី ហ៊ុន សែន បានសរសេរនៅលើហ្វេសប៊ុក (facebook) របស់លោកនៅមុនពេលចេញដំណើរទៅប្រទេសជប៉ុន នៅព្រឹកថ្ងៃទី៦ សីហា នេះថា ក្រៅពីកិច្ចប្រជុំកំពូលរវាងមេដឹកនាំប្រទេសទាំងពីរ លោកនាយករដ្ឋមន្ត្រីទាំងពីរនឹងចុះហត្ថលេខាលើឯកសារចំនួនពីរ ដែលជាជំនួយរបស់ជប៉ុន ផ្ដល់ជូនរដ្ឋាភិបាលកម្ពុជា។ ឯកសារទាំងពីរនោះ គឺទី១ ហិរញ្ញប្បទានឥតសំណងសម្រាប់អនុវត្តគម្រោងធ្វើឲ្យប្រសើរឡើងវិញនូវការការពារទឹកជំនន់ក្នុងរាជធានីភ្នំពេញ ដំណាក់កាលទី៤ ដែលមានទឹកប្រាក់សរុបប្រមាណ ៣៥លានដុល្លារសហរដ្ឋអាមេរិក។ ទី២ ឥណទានសម្រាប់គម្រោងអភិវឌ្ឍន៍ចំណតផែកុងតឺន័រថ្មីរបស់កំពង់ផែស្វយ័តក្រុងព្រះសីហនុ ដែលមានទឹកប្រាក់ប្រមាណជា ២០៩លានដុល្លារសហរដ្ឋអាមេរិក។
ក្រៅពីនេះ លោកនាយករដ្ឋមន្ត្រីនឹងជួបជាមួយតំណាងសមាគមមិត្តភាពសភាកម្ពុជា-ជប៉ុន សមាគមមិត្តភាពជប៉ុន-មេគង្គ អង្គការពាណិជ្ជកម្មក្រៅប្រទេសរបស់ជប៉ុន បណ្ដាក្រុមហ៊ុនជប៉ុន និងថ្លែងសន្ទរកថាក្នុងសិក្ខាសាលាស្ដីពីឱកាសវិនិយោគនៅកម្ពុជា ហើយចុងក្រោយ នឹងធ្វើទស្សនកិច្ចនៅរោងចក្រកែច្នៃកាកសំណល់របស់ជប៉ុន ជាដើម៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
អត្ថបទពេញនិយម
នយោបាយ
- លោក ហ៊ុន សែន បដិសេធការចោទរបស់វៀតណាម ដែលថា ព្រែកជីកហ្វូណនសម្រាប់សម្រួលវត្តមានយោធាចិន
- លោក ហ៊ុន ម៉ាណែត ថ្លែងការពារគម្រោងព្រែកជីកហ្វូណនតេជោ ក្រោយពេលវៀតណាមរិះគន់
- មន្ត្រីរដ្ឋាភិបាលអះអាងថា ការជីកព្រែកហ្វូណនជាសិទ្ធិអធិបតេយ្យរបស់កម្ពុជា គ្មានការចាំបាច់បំភ្លឺគ្រប់រឿងដល់វៀតណាមទេ
- លោក ហ៊ុន សែន ស្នើជួបមេដឹកនាំរដ្ឋប្រហារយោធាភូមាភ្លាមៗក្រោយឡើងតំណែងជាប្រធានព្រឹទ្ធសភា
- ពលរដ្ឋខ្មែរនៅក្រៅប្រទេសចង់ឃើញលោក ហ៊ុន ម៉ាណែត បង្រួបបង្រួមជាតិឡើងវិញក្នុងឱកាសចូលឆ្នាំខ្មែរ