មន្ត្រី​រដ្ឋាភិបាល​ថា​មេ​ដឹក​នាំ​អាស៊ាន​មិន​បាន​ចុះ​ហត្ថលេខា​លើ​សេចក្តី​ថ្លែងការណ៍​រួម​នៃ​កិច្ច​ប្រជុំ

ដោយ ប្រាជ្ញ ចេវ
2016-02-18
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
រដ្ឋមន្ត្រី​ប្រតិភូ​អម​នាយក​រដ្ឋមន្ត្រី លោក កៅ គឹមហួន ថ្លែង​ក្នុង​សន្និសីទ​កាសែត​នា​អាកាសយានដ្ឋាន​អន្តរជាតិ​ភ្នំពេញ អំពី​កិច្ច​ប្រជុំ​កំពូល​អាមេរិក-អាស៊ាន បន្ទាប់​ពី​មក​ដល់​ប្រទេស​កម្ពុជា នៅ​យប់​ថ្ងៃ​ទី​១៨ ខែ​កុម្ភៈ ឆ្នាំ​២០១៦។ RFA/Brach Chev
រដ្ឋមន្ត្រី​ប្រតិភូ​អម​នាយក​រដ្ឋមន្ត្រី លោក កៅ គឹមហួន ថ្លែង​ក្នុង​សន្និសីទ​កាសែត​នា​អាកាសយានដ្ឋាន​អន្តរជាតិ​ភ្នំពេញ អំពី​កិច្ច​ប្រជុំ​កំពូល​អាមេរិក-អាស៊ាន បន្ទាប់​ពី​មក​ដល់​ប្រទេស​កម្ពុជា នៅ​យប់​ថ្ងៃ​ទី​១៨ ខែ​កុម្ភៈ ឆ្នាំ​២០១៦។ RFA/Brach Chev
RFA/Brach Chev

មន្ត្រី​ជាន់​ខ្ពស់​កម្ពុជា អះអាង​ថា ប្រមុខ​រដ្ឋាភិបាល​ប្រទេស​ជា​សមាជិក​អាស៊ាន​ទាំង ១០​ប្រទេស មិន​បាន​ចុះ​ហត្ថលេខា​លើ​សេចក្តី​ថ្លែងការណ៍​រួម​នៃ​កិច្ច​ប្រជុំ​កំពូល​អាមេរិក-អាស៊ាន នោះ​ទេ ប៉ុន្តែ​ប្រទេស​ជា​សមាជិក​អាស៊ាន គាំទ្រ​ការ​អនុម័ត​សេចក្តី​ថ្លែងការណ៍​រួម​នោះ។

ថ្លែង​ប្រាប់​អ្នក​កាសែត នៅ​ថ្ងៃ​ទី​១៨ ខែ​កុម្ភៈ បន្ទាប់​ពី​លោក​នាយក​រដ្ឋមន្ត្រី ហ៊ុន សែន និង​មន្ត្រី​មួយ​ចំនួន បាន​វិល​មក​ដល់​ប្រទេស​កម្ពុជា រដ្ឋមន្ត្រី​ប្រតិភូ​អម​នាយក​រដ្ឋមន្ត្រី លោក កៅ គឹមហួន ឲ្យ​ដឹង​ថា មុន​បញ្ចប់​កិច្ច​ប្រជុំ​កំពូល​អាមេរិក-អាស៊ាន (US-ASEAN) កាល​ពី​ថ្ងៃ​ទី​១៦ ខែ​កុម្ភៈ ប្រធានាធិបតី​សហរដ្ឋ​អាមេរិក លោក បារ៉ាក់ អូបាម៉ា (Barack Obama) បាន​សួរ​ទៅ​ប្រមុខ​រដ្ឋាភិបាល​ប្រទេស​ជា​សមាជិក​អាស៊ាន​ថា គាំទ្រ​សេចក្តី​ថ្លែងការណ៍​រួម​នោះ​ទេ? ជា​ការ​ឆ្លើយ​តប ប្រមុខ​រដ្ឋាភិបាល​ទាំង​នោះ​យល់ព្រម​គាំទ្រ ប៉ុន្តែ​មិន​មាន​ចុះ​ហត្ថលេខា​លើ​សេចក្តី​ថ្លែងការណ៍​នោះ​ទេ។

លោក កៅ គឹមហួន បន្ត​ថា ក្នុង​កិច្ច​ប្រជុំ​កំពូល​អាមេរិក-អាស៊ាន លោក ហ៊ុន សែន បង្ហាញ​គោល​ជំហរ​ចាស់​ដដែល​ទាក់ទង​រឿង​ជម្លោះ​សមុទ្រ​ចិន​ខាង​ត្បូង ដោយ​ស្នើ​ទៅ​ភាគី​ជម្លោះ​ដោះស្រាយ​បញ្ហា​ដោយ​សន្តិវិធី ការ​គោរព​ច្បាប់​អន្តរជាតិ និង​គោរព​តាម​អនុសញ្ញា​អង្គការ​សហប្រជាជាតិ ស្ដីពី​សមុទ្រ​ចិន​ខាង​ត្បូង។

កិច្ច​ប្រជុំ​កំពូល​អាមេរិក-អាស៊ាន រយៈពេល​ពីរ​ថ្ងៃ​នៅ​មជ្ឈមណ្ឌល​ឧទ្យាន សាន់នីឡែនដ៍ (Sunnylands) ទីក្រុង​រ៉េនឆូ ម៉ារ៉ាហ្ស (Rancho Mirage) នៃ​រដ្ឋ​កាលីហ្វ័រញ៉ា (California) សហរដ្ឋ​អាមេរិក បាន​បិទ​បញ្ចប់​ហើយ​នៅ​ថ្ងៃ​ទី​១៦ កុម្ភៈ។ ជា​លទ្ធផល ប្រមុខ​ដឹក​នាំ​សហរដ្ឋ​អាមេរិក និង​បណ្ដា​មេ​ដឹក​នាំ​អាស៊ាន បាន​ចេញ​សេចក្ដី​ថ្លែងការណ៍​រួម​ដែល​មាន​ចំនួន ១៧​ចំណុច ដើម្បី​ពង្រឹង​កិច្ច​សហប្រតិបត្តិការ​រវាង​ភាគី​ទាំង​ពីរ។

បើ​តាម​ប្រតិភូ​រដ្ឋាភិបាល​ដដែល កិច្ច​ប្រជុំ​ជា​ប្រវត្តិសាស្ត្រ​រវាង​អាមេរិក និង​ប្រមុខ​រដ្ឋាភិបាល​ទាំង ១០​ប្រទេស​នៃ​អាស៊ាន ទទួល​បាន​លទ្ធផល​សំខាន់ៗ​មួយ​ចំនួន គឺ​ពង្រឹង និង​ពង្រីក​នយោបាយ​ការ​បរទេស​រវាង​អាស៊ាន និង​អាមេរិក ជំរុញ​កិច្ច​សហការ​ពាណិជ្ជកម្ម សេដ្ឋកិច្ច គឺ​បើក​ច្រក​ទ្វារ​ឲ្យ​ផលិតផល ឬ​ទំនិញ​របស់​បណ្ដា​ប្រទេស​អាស៊ាន ចូល​ទៅ​ទីផ្សារ​សហរដ្ឋ​អាមេរិក។ លោក​ថា រដ្ឋាភិបាល​កម្ពុជា ស្នើ​ឲ្យ​អាមេរិក ផ្តល់​ជំនួយ​ផ្នែក​បច្ចេកទេស​ដល់​កម្ពុជា និង​ស្នើ​បន្ត​ទំនាក់ទំនង​ទ្វេ​ភាគី​រវាង​កម្ពុជា-អាមេរិក ក៏ដូចជា​អាស៊ាន-អាមេរិក និង​ចំណុច​ចុង​ក្រោយ​កម្ពុជា បន្ត​ចូលរួម​វិភាគទាន​ទៅ​ក្នុង​ក្របខ័ណ្ឌ​អាស៊ាន ដើម្បី​កសាង​អាស៊ាន៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

មតិ (4)
  • បោះពុម្ព
  • ចែករំលែក
  • អ៊ីម៉ែល

Overseas

ពី Overseas

Gens, sad to hear that but we have to understand the reality of our country politics teams. Game after games that why we are end up like now. Stop criticizing but go to the points to wait uneducated politician to understand the way that they supposed to do for their people and country.

Feb 20, 2016 02:10 AM

អ្នក​អាន​អនាមិក

THIS GUY NOT BLIND LIKE HIS BOSS, BUT HE GET ORDER TO SAY.

Feb 19, 2016 12:24 PM

Overseas

ពី Overseas

Man, stop! comparing or use nasty words. Sign or not it doesn't matters because everybody in the world knew about this meeting and this called high class diplomatic ways. Forget signature but pick up the point and observe for future records.

Feb 20, 2016 02:14 AM

CPP=VC Crook People Party 1930s

Be aware all HunSen's pundits reporters...saying one thing and do another thing to foul poor khmer pple for the last 37+years in power and so on...."Crook People Party= CPP 1930s " .

Feb 19, 2016 11:57 AM

អ្នក​អាន​អនាមិក

American why did you forget to let them sign a paper in the meeting between US and Asian.

Feb 19, 2016 01:05 AM

គេហទំព័រ​ទាំងមូល