យុវជន៣ក្រុមជួបជុំគ្នាផ្សព្វផ្សាយអំពីសន្តិភាព
2014.02.23
ក្រុមយុវជនរាំផ្សព្វផ្សាយសន្តិភាពនៅទីលានប្រជាធិបតេយ្យកាលពីល្ងាចថ្ងៃទី២៣ កុម្ភៈ ឆ្នាំ២០១៤។
យុវជនក្នុងក្រុមការងារសន្តិភាព ៣ក្រុម មានមនុស្សចំនួន ៥០នាក់ក្នុងមួយក្រុម បានជួបជុំគ្នាផ្សព្វផ្សាយអំពីសន្តិភាពនៅទីលានសាធារណៈ រាជធានីភ្នំពេញ ៣កន្លែង នៅល្ងាចថ្ងៃទី២៣ កុម្ភៈ។
តំណាងក្រុមការងារសន្តិភាពមួយរួប គឺលោក ឈាង រិទ្ធី ថ្លែងថា ក្រុមការងារសន្តិភាពជាបណ្ដាញអង្គការសមាគមចំនួនជាង ២០ ដែលធ្វើការដើម្បីកសាងសន្តិភាពនៅកម្ពុជា។ យុវជនក្នុងក្រុមការងារដែលមានចំនួនពីជាង ១០នាក់ ទៅ ៥០នាក់ក្នុងមួយក្រុម បានធ្វើសកម្មភាពរាំ ទាត់សី និងលេងល្បែងប្រជាប្រិយ លាក់កន្សែងនៅទីសាធារណៈ ៣កន្លែងខុសគ្នា គឺសួនច្បារមុខវត្តបទុម សួនមុខវត្តឧណ្ណាលោម និងនៅសួនស្ពាននាគ ជិតវត្តភ្នំ ដើម្បីផ្សព្វផ្សាយសារសន្តិភាព។
ការផ្ញើសារសន្តិភាពរបស់ពួកយុវជនទាំងនេះ គឺតាមរយៈអាវដែលគេពាក់មានសរសេរសារថា "យើងរួមគ្នាដើម្បីសន្តិភាព" និង "សន្តិភាពនៅក្នុងដៃរបស់អ្នក"។
លោក ឈាង រិទ្ធី បញ្ជាក់ថា ពួកលោកមិនទាមទារសន្តិភាពតែពីរដ្ឋាភិបាលទេ គឺសំដៅដល់សាធារណជនទូទៅ៖ «យើងអត់បានទាមទារដោយផ្ទាល់ទេ។ ប៉ុន្តែយើងព្យាយាមឱ្យប្រជាពលរដ្ឋយល់ពីពាក្យសន្តិភាព។ បើសិនករណីគាត់មានរឿងអីកើតឡើង គាត់ប្រកាន់ខ្ជាប់នូវអហិង្សា ហើយគាត់ស្រឡាញ់សន្តិភាពទាំងអស់គ្នា ទាំងប្រជាពលរដ្ឋ ទាំងរដ្ឋាភិបាល»។
ការជួបជុំរបស់យុវជននៃក្រុមការងារសន្តិភាពនៅមុខវត្តបទុម និងវត្តឧណ្ណាលោម បានប្រព្រឹត្តទៅដោយមិនមានការរារាំងពីអាជ្ញាធរទេ ប៉ុន្តែនៅឯសួនស្ពាននាគជិតវត្តភ្នំវិញ បានប៉ះសម្ដីគ្នាតឹងតែងជាមួយអាជ្ញាធរ ដែលថាការជួបជុំរបស់យុវជនទាំងនេះជាការប្រមូលផ្ដុំខុសច្បាប់។ ជាចុងក្រោយពួកយុវជនបានបំបែកគ្នាវិញ ដោយមិនការប៉ះទង្គិចហិង្សាទេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ការប្រារព្ធពិធីបុណ្យចូលឆ្នាំថ្មី នៅតាមតំបន់មួយចំនួននៅស្រុកសុរិន្ទ
អត្ថបទពេញនិយម
នយោបាយ
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- មន្ត្រីរដ្ឋាភិបាលអះអាងថា ការជីកព្រែកហ្វូណនជាសិទ្ធិអធិបតេយ្យរបស់កម្ពុជា គ្មានការចាំបាច់បំភ្លឺគ្រប់រឿងដល់វៀតណាមទេ
- លោក ហ៊ុន ម៉ាណែត ថ្លែងការពារគម្រោងព្រែកជីកហ្វូណនតេជោ ក្រោយពេលវៀតណាមរិះគន់
- តើកម្ពុជាអាចជម្នះសាងសង់ព្រែកជីកហ្វូណនតេជោបានដែរឬទេ?
- លោក ហ៊ុន សែន បដិសេធការចោទរបស់វៀតណាម ដែលថា ព្រែកជីកហ្វូណនសម្រាប់សម្រួលវត្តមានយោធាចិន