គណបក្ស​ហ៊្វុនស៊ិនប៉ិច​ចាត់​ទុក​ក្រុម​លោក ញឹក ប៊ុនឆៃ​ថា​ជា​អ្នក​ល្មោភ​អំណាច

ដោយ សេក បណ្ឌិត
2016-02-03
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
នរោត្ដម រណឫទ្ធិ ៨៥៥ ២០១៦
ប្រធាន​គណបក្ស​ហ៊្វុនស៊ិនប៉ិច សម្ដេច​ក្រុមព្រះ នរោត្ដម រណឫទ្ធិ មាន​បន្ទូល​ក្នុង​ពិធី​សំណេះសំណាល​ជាមួយ​សកម្មជន និង​បូក​សរុប​ការងារ​ឆ្នាំ​២០១៥ នា​រាជធានី​ភ្នំពេញ នៅ​ថ្ងៃ​ទី​៣០ មករា ឆ្នាំ​២០១៦។
RFA/Brach Chev

មន្ត្រី​ជាន់​ខ្ពស់​របស់​គណបក្ស​ហ៊្វុនស៊ិនប៉ិច ដែល​ដឹកនាំ​ដោយ​សម្ដេច​ក្រុមព្រះ​នរោត្តម រណឫទ្ធិ ចាត់​ទុក​ក្រុម​លោក ញឹក ប៊ុនឆៃ ថា​ជា​អ្នក​ល្មោភ​អំណាច និង​កំពុង​ប្រើប្រាស់​ឈ្មោះ​រាជា​និយម ដើម្បី​កេង​ចំណេញ​នយោបាយ។ គណបក្ស​រាជា​និយម​មួយ​នេះ កំពុង​ជួ​បន​វិបត្តិ​បែកបាក់​ផ្ទៃ​ក្នុង​រហូត​ជំរុញ​ឲ្យ​លោក ញឹក ប៊ុនឆៃ អតីត​អនុ​ប្រធាន​គណបក្ស​ហ៊្វុនស៊ិនប៉ិច បង្កើត​គណបក្ស​ថ្មី​មួយ​ទៀត ឈ្មោះ​ថា «គណបក្ស​ខ្មែរ​រួបរួម​ជាតិ»។

មន្ត្រី​គណបក្ស​ហ៊្វុនស៊ិនប៉ិច ដែល​ដឹកនាំ​ដោយ​សម្ដេច​ក្រុម​ព្រះ នរោត្តម រណឫទ្ធិ អំពាវនាវ​ឲ្យ​អ្នក​សមាជិក​សមាជិកា​នៃ​គណបក្ស​ហ៊្វុនស៊ិនប៉ិច រក្សា​ភាព​ស្ងៀមស្ងាត់ និង​កុំ​ជឿ​តាម​ការ​ញុះញង់​របស់​លោក ញឹក ប៊ុនឆៃ ឲ្យ​ស្អប់​សម្ដេច​ក្រុមព្រះ។

អនុ​ប្រធាន​គណបក្ស​ហ៊្វុនស៊ិនប៉ិច និង​ជា​អ្នក​នាំ​ពាក្យ លោក ញ៉េប ប៊ុនជិន មាន​ប្រសាសន៍​កាល​យប់​ថ្ងៃ​ទី​៣ កុម្ភៈ ថា ការ​បែកបាក់​គ្នា​លើក​នេះ ដោយសារ​លោក ញឹក ប៊ុនឆៃ មិន​ទទួល​ស្គាល់​ភាព​ទន់ខ្សោយ​របស់​ខ្លួន​ក្នុង​ការ​ដឹកនាំ​កន្លង​មក ហើយ​ក៏​ចិញ្ចឹម​ចិត្ត​មិន​ចង់​ឲ្យ​សម្ដេច​ក្រុមព្រះ​ដឹកនាំ​គណបក្ស​រាជា​និយម​មួយ​នេះ​ឲ្យ​មាន​ឈ្មោះ​ល្បី​ឡើង​វិញ៖ «៩​ឆ្នាំ​មុន​ពេល​សម្ដេច​ក្រុមព្រះ យាង​ចេញ​មាន ២៦​កៅអី មាន​ទីស្នាក់ការ​គណបក្ស​ត្រឹមត្រូវ មាន​សមាជិក​ក្នុង​រដ្ឋាភិបាល នៅ​តាម​ខេត្ត ជា​ចៅហ្វាយ​ខេត្ត។ ៩​ឆ្នាំ​ក្រោយ​ពេល​ព្រះអង្គ​យាង​មក បាត់​អស់​រលីង សព្វថ្ងៃ​កុំ​ថា​ឡើយ​អាសនៈ​ក្នុង​រដ្ឋសភា សូម្បីតែ​ទីស្នាក់ការ​គណបក្ស​កន្លែង​អង្គុយ​ធ្វើ​ការ​ក៏​គ្មាន​ដែរ ប៉ុណ្ណឹង​ហើយ​គាត់​អត់​រៀនសូត្រ​បទពិសោធន៍​ជូរចត់​នេះ​សោះ គាត់​គិតតែ​ពី​ប្រយោជន៍​ផ្ទាល់ខ្លួន គិត​តែ​ពី​អំណាច»

​លោក​បន្ត​ថា មេដឹកនាំ​រចនាសម្ព័ន្ធ​សំខាន់ៗ​របស់​បក្ស​នៅ​រឹងមាំ​ដដែល ហើយ​អ្នក​ដែល​ជឿ​ចេញ​ទៅ​តាម​លោក ញឹក ប៊ុនឆៃ នោះ ដោយសារ​ពាក់ព័ន្ធ​នឹង​ការ​សន្យា​រក្សា​តំណែង​ក្នុង​រដ្ឋាភិបាល​បច្ចុប្បន្ន៖ «គាត់​ថា​ចេញ​ទៅ​ទាំង​ផ្ទាំង​នោះ​មាន​តែ​គាត់​ថា គណបក្ស​ហ៊្វុនស៊ិនប៉ិច បើ​អ្នក​ណា​នៅ​មាន​តួនាទី​មក​តាម​គាត់​សម្ដេច​នាយក អត់​ដក​ចេញ​ពី​តួនាទី​នោះ​ទេ តែ​បើ​អ្នក​ណា​នៅ​ជាមួយ​សម្ដេច​ក្រុមព្រះ​ប្រហែល​ជា​គេ​ដក»

​ទាក់ទង​រឿង​នេះ​ដែរ អតីត​អនុ​ប្រធាន​គណបក្ស​ហ៊្វុនស៊ិនប៉ិច លោក ញឹក ប៊ុនឆៃ បាន​សម្រេច​ចិត្ត​ភ្លាមៗ បង្កើត​គណបក្ស​ថ្មី ដោយ​លោក​មើល​ឃើញ​ថា គណបក្ស​ហ៊្វុនស៊ិនប៉ិច ដែល​ដឹកនាំ​ដោយ​សម្ដេច​ក្រុមព្រះ​នរោត្តម រណឫទ្ធិ នៅ​តែ​មាន​អំពើ​ពុករលួយ បក្ស​ពួក​និយម និង​មិន​ស្មោះត្រង់​នឹង​គ្នា ពិសេស​មិន​គោរព​តាម​កិច្ចព្រមព្រៀង​នៃ​ការ​បង្រួម​គ្នា​ចុង​ក្រោយ​ដែល​មាន​រយៈពេល​ប្រមាណ​មួយ​ឆ្នាំ​កន្លង​មក​នេះ៖ «ព្រះអង្គ​នៅ​ក្នុង​វេទិកា ជួប​ជាមួយ​សកម្មជន​នានា​គ្រប់​កន្លែង​តែងតែ​លើក​ឡើង​ដដែលៗ ពី​រឿង​បក្ស​ប្រហារ​ថ្ងៃ​ទី​១៨ ខែ​តុលា ឆ្នាំ​២០០៦ រឿង​លក់​ទីស្នាក់ការ រឿង​សូន្យ​កៅអី ហើយ​ទម្លាក់​កំហុស​មក​លើ​ខ្លួន​ខ្ញុំ​តែ​ម្នាក់​ឯង»

ការ​ចោទ​ប្រកាន់​នេះ ត្រូវ​បាន​តំណាង​គណបក្ស​ហ៊្វុនស៊ិនប៉ិច បដិសេធ​ថា ជា​ការ​មួលបង្កាច់​ទាំង​ស្រុង។

ការ​បង្កើត​គណបក្ស​ថ្មី​នេះ​បន្ទាប់​ពី​មាន​ភាព​មិន​ចុះ​សម្រុង​គ្នា​រវាង​លោក ញឹក ប៊ុនឆៃ និង​សម្ដេច​ក្រុមព្រះ នរោត្តម រណឫទ្ធិ ជា​ញឹកញាប់។

​កាល​ពី​ចុង​ខែ​មករា សម្ដេច​ក្រុមព្រះ​មាន​បន្ទូល​ថា "គណបក្ស​ហ៊្វុនស៊ិនប៉ិច​រលាយ​ដោយសារ​អ្នក​ស៊ី​បាយ​បោក​ឆ្នាំង" ហើយ​ថា បើ​សមាជិក​គណបក្ស​ហ៊្វុនស៊ិនប៉ិច ណា​ម្នាក់ មិន​ពេញ​ចិត្ត​ការដឹកនាំ​របស់​ព្រះអង្គ ពួកគេ​អាច​ដើរ​ចេញ​ពី​គណបក្ស​នេះ​បាន ប៉ុន្តែ​ព្រះអង្គ​បញ្ជាក់​ថា មិន​បណ្ដេញ​អ្នក​ណា​ម្នាក់​ចេញ​ពី​បក្ស​ទេ។

ចំណែក​ក្រុម​លោក ញឹក ប៊ុនឆៃ ភាគ​ច្រើន​អះអាង​ថា ពួកគេ​ចាក​ចេញ​លើក​នេះ​ជា​ពេល​ចុង​ក្រោយ​ហើយ​នៃ​ការ​សាកល្បង​សម្របសម្រួល​ដើរ​ចូល​ទៅ​ធ្វើ​ការ​ជាមួយ​សម្ដេច​ក្រុមព្រះ​បន្ត​ទៀត​នោះ។ លោក ញឹក ប៊ុនឆៃ ប្រកាស​ថា គណបក្ស​ថ្មី ឈ្មោះ «គណបក្ស​ខ្មែរ​រួបរួម​ជាតិ» របស់​លោក នឹង​ធ្វើ​សមាជ​ជា​ផ្លូវការ​នៅ​ចុង​ខែ​កុម្ភៈ ឆាប់ៗ​នេះ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

មតិ (4)
  • បោះពុម្ព
  • ចែករំលែក
  • អ៊ីម៉ែល

Bullied party and stupid party

Only any stupid like these guys are still hang around with this group...nothing work BOZO and nothing new...just only a few pple he can't control it , how about 16 millions pple....man????,time all party must defeat left radical fascist communist ruler out of Cambodia" smart strategy and sharp your horn right now " .

Feb 05, 2016 03:19 PM

Richard

ពី modesto

Sam Dach Krom Brah & Mr. Nhek Bun Chhay should stay out and stop breaking votes from liberal party, doing so nothing beneficial but giving a firm CPP gain. Think twice if you all Khmer from current Gvt Vietnamization into Khmerland.

Feb 04, 2016 06:20 PM

អ្នក​អាន​អនាមិក

ពី canada

អាណិតសម្តេចក្រុងព្រះណាស់ កាលនៅធ្វើការជាមួយគណបក្យប្រជាជន់ សុីរស់រួចខ្លួនមិនខ្វល់ពិទុករបស់រាស្រ្ត ឥលូវដល់ហ៊ុន សែនទាត់ចោលដួចបាល់ ប្រើការអត់កើត​ហើយក្បត់ចិត្តជាមួយសមរង្សី ទីបញ្ចប់ពិត្តជាត្រូវសម្បថមែន ទទួលកម្មទៅ ផល់ដែលបានធ្វើគឺអ្នកទទួល ទោះបីតាព្រះងើបមក ក៏ជួយព្រះអង្គមិនបានដែរ

Feb 04, 2016 05:04 PM

អ្នក​អាន​អនាមិក

The same people with the same mentality. This is why the CPP was able take advantage of them. This is why FUNCINPEC is dead now. And it's very sad they still don't realize this. And these people don't deserve any position in the government because they are corrupt and stupid.

Feb 04, 2016 11:47 AM

គេហទំព័រ​ទាំងមូល