កម្ពុជារំពឹងថាភាពក្រីក្រនឹងថយចុះមកនៅ១៩% នៅឆ្នាំ២០១៣
h092212sv-a1.mp3
ក្នុងសារលិខិតចូលរួមអបអរវេទិកាសន្តិភាពអន្តរជាតិ លើកទី១០ នាថ្ងៃទី២១ ខែកញ្ញា ឆ្នាំ២០១២ លោក ហ៊ុន សែន បានលើកឡើងថា ផលិតផលក្នុងស្រុកសរុបសម្រាប់មនុស្សម្នាក់ បានកើនឡើងពី ៧៦០ដុល្លារ ក្នុងឆ្នាំ២០១១ ដល់ប្រមាណ ៩៩០ដុល្លារ ក្នុងឆ្នាំ២០១២។ លោករំពឹងទៀតថា ផលិតផលក្នុងស្រុកសរុបសម្រាប់មនុស្សម្នាក់ នឹងអាចឡើងដល់ ១.០៨០ដុល្លារអាមេរិក ក្នុងឆ្នាំ២០១៣។
អត្រានៃភាពក្រីក្រ បានធ្លាក់ចុះពី ២២,៩% ក្នុងឆ្នាំ២០០៩ មកនៅ ២០% នៅក្នុងឆ្នាំ២០១២ ហើយរំពឹងថា អាចនឹងចុះមកត្រឹម ១៩% នៅឆ្នាំ២០១៣។
យ៉ាងណាក៏ដោយ អ្នកស្រាវជ្រាវឯករាជ្យ លោក កែម ឡី មានប្រសាសន៍ថា អត្រាភាពក្រីក្ររបស់កម្ពុជា ពិតជាថយចុះច្រើន ក្នុងរយៈពេល ៣ឆ្នាំចុងក្រោយនេះ។ ប៉ុន្តែ ប្រជាពលរដ្ឋនៅតាមជនបទ នៅតែមានអត្រាភាពក្រីក្រខ្ពស់គួរឲ្យព្រួយបារម្ភ។ លោកបន្តថា អ្នករស់នៅទីប្រជុំជនមានអត្រាភាពក្រីក្រប្រមាណ ៧% ខណៈពេលអ្នកជនបទមានអត្រាក្រីក្ររហូតដល់ជិត ៥០%។ លោក កែម ឡី បន្តថា តាមការស្រាវជ្រាវ កុមារនៅកម្ពុជា ដែលខ្វះអាហារូបត្ថម្ភ មានអត្រាខ្ពស់គួរឲ្យព្រួយបារម្ភ។ ដូចនេះ រដ្ឋាភិបាលត្រូវធ្វើការងារថ្មីៗបន្ថែមទៀត ដើម្បីធានាឲ្យពលរដ្ឋក្រីក្រមានជីវភាពកាន់តែប្រសើរ៖ «ស្ថានភាពក្រីក្រស្រុកខ្មែរធ្លាក់ចុះខ្លាំង ប៉ុន្តែស្ថានភាពកុមារដូចជាស្លេកស្លាំងក្រិន និងពលកម្មកុមារនៅមានសភាពធ្ងន់ធ្ងរនៅឡើយ។ រដ្ឋាភិបាលរៀបចំផែនការគាំពារសង្គមឆ្នាំ២០១១ ដល់២០១៥ ប៉ុន្តែតើការអនុវត្តផែនការហ្នឹងយ៉ាងម៉េច បើអនុវត្តបានល្អ អ៊ីចឹង បានន័យថា ភាពក្រីក្រនឹងត្រូវកាត់បន្ថយប្រាកដហើយ»។
តាមរបាយការណ៍ក្រសួងសេដ្ឋកិច្ច និងហិរញ្ញវត្ថុ បង្ហាញថា នៅឆ្នាំ២០១១ កម្ពុជាសម្រេចបានកំណើនសេដ្ឋកិច្ច ៧,១% ហើយសម្រាប់ឆ្នាំ២០១២ កំណើនសេដ្ឋកិច្ចកម្ពុជា អាចនឹងសម្រេចបាន ៦,៩% ធៀបនឹងការព្យាករណ៍មាន ៦,៥%៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
សាច់ប្រកែន
ពី ភ្នំពេញកើនឡើងតែមួយចំនួនតូចប៉ុណ្ណោះ។
ការពិតទឹកលុយសរុបកើនដោយសាពួកលក់ជាតិលក់កាន់តែច្រើនជាងមុន ច្របាច់កប្រជាជនយកដីលក់ឲ្យបរទេសក៏ច្រើនជាងមុនដែរ។កុំថាយើងខ្វាក់ដូចអ្នកវើយ។
Sep 23, 2012 06:37 PM
អ្នកអានអនាមិក
កម្ពុជារំពឹងថាភាពក្រីក្រនឹងថយចុះមកនៅ១៩% នៅឆ្នាំ២០១៣ ដោយសារអ្នកក្រស្លាប់អត់បាយ អត់លុយព្យាបាលជំងឺ អត់មានជំរករស់នៅដូចអ្នកមាន ដូចនេះឆ្នាំ ២០១៣ ខាងមុខ សល់តែអ្នកមានលុយ និងមានអំណាចធ្វើបាបអ្នកក្រទេ។ I agree with Mr. Hun Sen's Speech.
Sep 23, 2012 12:21 PM
CheyVorman007
ពី AngKor Watខ្មុំមិនយល់ស្របសោះឡើយ ពីដើម ល្អស៊ីមិនល្អុំមើល
សព្វថ្ងៃ ល្អមើលមិនល្អស៊ី។សូមចូលមករស់នៅអោយស្និទ
ជាមួយខ្មែរក្នុងសង្គមតាមទីប្រជុំជនពិសេស ភព អ្នកនឹង
ជួបមនុស្សស្លៀកពាក់សមរម្យតែគ្មានលុយអោយថ្លៃផ្ទះគេ
ព្រួយណាស់មួយថ្ងៃទៅមួយថ្ងៃ បើជាស្រីវិញលបលួចលក់
នុំអាកោរកេរ្ត៏ម៉ែររាល់ថ្ងៃ។បើរឿងប្លន់សម្លាប់វិញកើតមាន
ស្ទើរាល់ខែ សុំសសើរដល់សមត្តកិច្ចប៉ូលីសដែរសព្វថ្ងៃពួក
គាត់បង្ក្រាបបានគួរសម។ខ្មុំទទួលស្គាល់ត្រង់ថាតាមទីក្រុង
ស្អាតបាតជាងមុន តែបាននៅត្រឹមល្អមើលទេ មិនល្អស៊ី
សោះ!
Sep 22, 2012 04:44 PM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
