ក្រុមការងារពិភាក្សាលើសេចក្ដីព្រាងច្បាប់ស្ដីពីការបង្ការនិងពន្លត់អគ្គិភ័យ
អនុរដ្ឋលេខាធិការក្រសួងមហាផ្ទៃ លោក អ៊ុក គីមលេខ ប្រធានក្រុមអ្នកតាក់តែងច្បាប់ស្ដីពីការបង្ការ និងពន្លត់អគ្គិភ័យ បានឲ្យដឹងនៅថ្ងៃទី២៣ សីហា ថា ក្រុមបច្ចេកទេសពិភាក្សាលើសេចក្ដីព្រាងច្បាប់មានសមាសភាពមកពីក្រសួងយុត្តិធម៌ អ្នកអក្សរសាស្ត្រ ក្រុមប្រឹក្សាអ្នកច្បាប់ អគ្គលេខាធិការរដ្ឋាភិបាល ដែលបានជជែកពិភាក្សាគ្នាបញ្ចប់នៅទីស្ដីការគណៈរដ្ឋមន្ត្រី កាលពីថ្ងៃទី២២ ខែសីហា មុននឹងក្នុងកិច្ចប្រជុំពេញអង្គនៅទីស្ដីការគណៈរដ្ឋមន្ត្រី។
លោកថា ជាលទ្ធផលនៃកិច្ចពិភាក្សានេះ គឺក្រុមការងារបានកែសម្រួល និងកាត់ចេញមួយជំពូក និងមួយមាត្រាចេញ ពោលគឺសេចក្ដីព្រាងច្បាប់នេះ សរុបនៅសល់ ៧ជំពូក និង ៣២មាត្រា៖ «បានកែសម្រួលខ្លះហើយ។ ឥឡូវទើបនឹងវាយកែសម្រួលខ្លះវិញ។ បាត់១ជំពូក ហើយមាត្រាបាត់១ វាយអាហ្នឹងហើយបានដាក់ឆ្លងគណៈរដ្ឋមន្ត្រីពេញអង្គ»។
ច្បាប់ស្ដីពីការបង្ការ និងពន្លត់អគ្គិភ័យ តាក់តែងឡើងក្នុងគោលបំណងសំខាន់ដើម្បីធានាសុវត្ថិភាព និងសន្តិសុខសាធារណៈ និងទប់ស្កាត់គ្រោះអគ្គិភ័យដែលចេះកើតឡើងឥតឈប់ឈរ។ នៅក្នុងច្បាប់នេះនឹងមានចែងពីការផ្ដន្ទាទោសដល់សមត្ថកិច្ច និងអ្នកបង្កអគ្គិភ័យឲ្យជាប់ពន្ធនាគារពី ៣ឆ្នាំ ដល់ ១៥ឆ្នាំដែរ៕
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
