មន្ត្រីសហជីពស៊ីខៅឌូពីររូបត្រូវសមត្ថកិច្ចឃាត់ខ្លួននៅខេត្តព្រៃវែង
2014.09.17
កម្មកររោងចក្រកំចាយមារត្រេឌីង(Trading)ប្រមាណ ២ពាន់នាក់ តវ៉ានៅមុខរោងចក្រ នៅភូមិទៀនភ្លើង ឃុំស្មោងខាងជើង ស្រុកកំចាយមារ ខេត្តព្រៃវែង នៅថ្ងៃទី ១២ កញ្ញា។
មន្ត្រីដោះស្រាយវិវាទពីររូបនៃសម្ព័ន្ធសហជីពប្រជាធិបតេយ្យកម្មករកាត់ដេរកម្ពុជា ហៅកាត់ថា ស៊ីខៅឌូ(CCAWDU) ត្រូវនគរបាលឃាត់ខ្លួន និងបញ្ជូនទៅសាកសួរនៅសាលាស្រុកកំចាយមារ ខេត្តព្រៃវែង នៅព្រឹកថ្ងៃទី ១៧ កញ្ញា នៅខាងមុខរោងចក្រ កំចាយមារ ឋិតក្នុងឃុំស្មោងខាងជើង ស្រុកកំចាយមារ ខេត្តព្រៃវែង ពេលកម្មករកំពុងបន្តធ្វើកូដកម្ម។ មន្ត្រីទាំង២នាក់នោះមានឈ្មោះ សុត សៀម និង ឃុន សុខុម។
មន្ត្រីដោះស្រាយវិវាទនៃសម្ព័ន្ធសហជីពប្រជាធិបតេយ្យកម្មករកាត់ដេរកម្ពុជា លោក សុត សៀម ដែលត្រូវប៉ូលិសឃាត់ខ្លួនកាលពីព្រឹកនោះ បានឲ្យដឹងថា សមត្ថកិច្ចដោះលែងលោកទាំងពីរ និងឈប់ចោទប្រកាន់ហើយ បន្ទាប់ពីមានកម្មករជាច្រើននាក់ មកតវ៉ានៅមុខសាលាស្រុក ដើម្បីឲ្យដោះលែងអ្នកទាំងពីរ។
លោក សុត សៀម បញ្ជាក់ថា នៅថ្ងៃស្អែក ទី១៨ កញ្ញា លោកអភិបាលខេត្តព្រៃវែង នឹងចូលរួមប្រជុំស្វែងរកដំណោះស្រាយ និងបញ្ចប់ជម្លោះរវាងកម្មករ និងថៅកែរោងចក្រកំចាយមារនោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
