សមត្ថកិច្ច​កំពុង​តាម​ចាប់​ខ្មាន់កាំភ្លើង​ដែល​បាញ់​មនុស្ស​ស្ទើរ​មួយ​គ្រួសារ​នៅ​ស្រុក​ម៉ាឡៃ

ដោយ វ៉ាន វណ្ណដេត
2017-04-14
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
ផែនទី​ខេត្ត​បន្ទាយមានជ័យ
ផែនទី​ខេត្ត​បន្ទាយមានជ័យ
Photo: RFA

សមត្ថកិច្ច​ទូទាំង​ខេត្ត​បន្ទាយមានជ័យ កំពុង​តាម​ចាប់​ខ្មាន់កាំភ្លើង​ម្នាក់ ជា​យោធា​ដែល​ត្រូវ​បាន​សង្ស័យ​ថា បាញ់រះ​សម្លាប់​មនុស្ស​ប្រុស​ស្រី​៣​នាក់ ក្នុង​គ្រួសារ​មួយ​ក្នុង​ពេល​ទៀបភ្លឺ នៅ​ស្រុក​ម៉ាឡៃ ខេត្ត​បន្ទាយមានជ័យ។

ស្នងការ​រង​ខេត្ត​បន្ទាយមានជ័យ លោក សិទ្ធ ឡោះ ប្រាប់​អាស៊ីសេរី នៅ​រសៀល​ថ្ងៃ​ទី​១៤ មេសា ថា សមត្ថកិច្ច​បាន​ពង្រាយ​កម្លាំង​តាម​ច្រក​ព្រំដែន និង​ប្រកាស​ផ្ដល់​រង្វាន់​ឲ្យ​ពលរដ្ឋ​ចំនួន​២​ពាន់​ដុល្លារ​ដែល​ឃើញ​ជនសង្ស័យ​រាយការណ៍​ឲ្យ​សមត្ថកិច្ច។

កាលពី​យប់​ម៉ោង​៣​ទៀបភ្លឺ ថ្ងៃ​ចូលឆ្នាំ​ទី​១ ជនសង្ស័យ​បាន​ចូល​ក្នុង​ផ្ទះ​ក្រុម​គ្រួសារ​របស់​ស្ត្រី​ជា​អតីត​គូស្នេហ៍ ហើយ​បាន​បាញ់រះ បណ្ដាល​ឲ្យ​មនុស្ស​៣​នាក់​ស្លាប់​ភ្លាមៗ និង​ម្នាក់​រង​របួស​ធ្ងន់​បញ្ជូន​ទៅ​ព្យាបាល​នៅ​ប្រទេស​ថៃ។ សមត្ថកិច្ច​សន្និដ្ឋាន​ថា ឃាតកម្ម​នេះ​ជា​រឿង​គំនុំ​ស្នេហា។

នៅមុន​ហេតុការណ៍​បាញ់រះ​សម្លាប់​នេះ ខ្មាន់កាំភ្លើង​បាន​ផ្ញើ​សារ​ទៅ​នារី​ជា​គូស្នេហ៍ ថា នឹង​សម្លាប់​នាង ព្រោះ​ឪពុកម្ដាយ​នាង​ឲ្យ​នាង​រៀបការ​ជាមួយ​បុរស​ផ្សេង។ ប៉ូលិស​ប្រាប់​ថា ខ្មាន់​កាំភ្លើង​ឈ្មោះ រ៉េត រាត្រី ហៅ ឆិច អាយុ​២៦​ឆ្នាំ ជា​យោធា​អង្គភាព​ភ្នំឆ័ត្រ ច្រក​បឹង​ត្រកួន ស្រុក​ស្វាយចេក ខេត្ត​បន្ទាយមានជ័យ​។

អ្នក​ស្លាប់​ទាំង​៣​នាក់ ម្នាក់​ជា​បងស្រី បងថ្លៃ និង​ម្ដាយ របស់​នារី​រងគ្រោះ ហើយ​អ្នក​ដែល​រង​របួស​ធ្ងន់​កំពុង​សម្រាក​ព្យាបាល​នៅ​ប្រទេស​ថៃ​ត្រូវជា បង​ថ្លៃ​នារី​រងគ្រោះ។ ដោយឡែក​នារី​រងគ្រោះ​ត្រូវ​បាន​សមត្ថកិច្ច​ដាក់​កម្លាំង​ដើម្បី​ការពារ​សុវត្ថិភាព៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
  • បោះពុម្ព
  • ចែករំលែក
  • អ៊ីម៉ែល

Dead penalty to gunman

This horrible crime was committed by Hun Sen's low profile soldier on along khmer-Thais border,and this gunman was real upset about his unsuccessful girl engagement and her family.How this engaging turn to violent to kill all her family at the moment"there's a sick man",there a lots pretty girls out there that he've too many choices to get one if he wants,but how this horrible man try to blow out all her family for what?,or he can't find any girl beside her?,and u're not kill one but in whole family members.This horrible gunman should be dead by hangup or firing squads to warn to other cult predator who taken too many human lives him or her.

Apr 15, 2017 11:31 AM

គេហទំព័រ​ទាំងមូល