ពលរដ្ឋខ្មែរ១៥នាក់ត្រូវទាហានថៃបាញ់សម្លាប់ពេលឆ្លងដែនទៅកាប់ឈើគ្រញូងក្នុងដីថៃ
2014.03.14
មន្ត្រីយោធាខ្មែរកាលពីថ្ងៃសុក្រ ទី១៤ មីនា បានចោទប្រកាន់ទាហានការពារព្រំដែនថៃ ថា បានបាញ់សម្លាប់ពលរដ្ឋខ្មែរចំនួន ១៥នាក់ នៅពេលពួកគេបានឆ្លងដែនទៅទឹកដីថៃ ដើម្បីកាប់ព្រៃឈើដែលមានតម្លៃ។
មន្ត្រីយោធាខ្មែរឲ្យដឹងថា ពលរដ្ឋចំនួន ១២នាក់ ត្រូវបានបាញ់សម្លាប់ កាលពីខែមីនា ហើយ ៣នាក់ផ្សេងទៀតត្រូវបានបាញ់ស្លាប់មួយសប្ដាហ៍បន្ទាប់មក នៅពេលពួកគេចូលទៅកាប់ឈើនៅតាមព្រំដែនខេត្តព្រះវិហារ។ ទោះបីជាយ៉ាងណាក៏ដោយ មន្ត្រីថៃ បដិសេធព័ត៌មាននេះដោយអះអាងថា ប្រសិនបើមានការបាញ់សម្លាប់ពលរដ្ឋខ្មែរច្រើនបែបនេះមែននោះ រដ្ឋាភិបាលកម្ពុជា ពិតជាធ្វើការតវ៉ាផ្លូវការជាមិនខាន។
កាលពីឆ្នាំ២០១៣ ភាគីខ្មែរធ្លាប់បានអះអាងថា យ៉ាងហោចណាស់ក៏មានពលរដ្ឋ ៦៩នាក់ ត្រូវបានទាហានថៃ បាញ់សម្លាប់។ កន្លងមក រដ្ឋាភិបាលកម្ពុជា រួមទាំងលោកនាយករដ្ឋមន្ត្រី ហ៊ុន សែន ធ្លាប់បានស្នើឲ្យរដ្ឋាភិបាលថៃ ធ្វើការចាប់ខ្លួនពលរដ្ឋខ្មែរដែលឆ្លងដែនខុសច្បាប់ ដោយឈប់បាញ់ប្រហារលើពួកគេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ការប្រារព្ធពិធីបុណ្យចូលឆ្នាំថ្មី នៅតាមតំបន់មួយចំនួននៅស្រុកសុរិន្ទ
អត្ថបទពេញនិយម
សង្គម
- ក្រុមគ្រួសារលោក ហ៊ុន សែន បង្កើតកម្មវិធីរាំច្រៀងសប្បាយនៅលើគំនរទុក្ខពលរដ្ឋ
- ក្រុមអតិថិជនបុរីពិភពថ្មីដាក់ពាក្យប្ដឹង ទៅស្នងការករណីតៃកុងឡានបុរីបើកបុកពួកគាត់
- សារជូនពរឆ្នាំថ្មី ២០២៤
- ពលរដ្ឋចាញ់បោកអ្នកស្រី ឡេង ចាន់ណា ព្រមានឡើងមកតវ៉ានៅមុខផ្ទះលោក ហ៊ុន សែន បើតុលាការខេត្តសៀមរាបពន្យារពេលដោះស្រាយ
- ទិដ្ឋភាពទូទៅ នៃពិធីបុណ្យចូលឆ្នាំខ្មែរ ក្នុងតំបន់អង្គរខេត្តសៀមរាប