បុរសជនជាតិចិនម្នាក់ដែលធ្លាក់ពីលើប្រាសាទអង្គរវត្តបញ្ជូនទៅព្យាបាលនៅថៃ
2015.02.01
បុរសអ្នកទេសចរជនជាតិចិន ម្នាក់ បានបញ្ជូនទៅព្យាបាលបន្តនៅប្រទេសថៃ ហើយបន្ទាប់ពីគាត់ធ្លាក់ពីលើប្រាសាទអង្គរវត្ត ក្នុងខេត្តសៀមរាប ហើយមានរបួសក្បាលធ្ងន់ធ្ងរ។
ប្រធានមន្ទីរទេសចរណ៍ខេត្តសៀមរាប គឺលោក ង៉ូវ សេងកាក់។ លោកមានប្រសាសន៍កាលពីព្រឹកថ្ងៃអាទិត្យ ទី១ ខែកុម្ភៈ ថា បុរសអ្នកទេសចរជនជាតិចិន ម្នាក់អាយុ ៤១ឆ្នាំ តែមិនស្គាល់ឈ្មោះ បានរអិលជើងធ្លាក់ពីលើរោងថែវទី១ នៃប្រាសាទអង្គរវត្ត កម្ពស់ជិត ២ម៉ែត្រកាលពីរសៀលថ្ងៃទី៣១ ខែមករា កន្លងទៅ។ បន្ទាប់ពីរអិលជើងធ្លាក់ប៉ះពាល់ក្បាលធ្ងន់ធ្ងរ គឺក្រុមគ្រូពេទ្យនៃគ្លីនិករ៉ូយ៉ាល់ (Royal) បានបញ្ជូនទៅព្យាបាលបន្តនៅប្រទេសថៃ។
លោក ង៉ូវ សេងកាក់ ថ្លែងថា៖ «ធ្លាក់នៅរោងទងទី១ ខ្ពស់ដែរហ្នឹង។ គាត់មិនដឹងពេលដើរថតរូប ក៏ថយ ហើយរអិលជើងធ្លាក់ វាក្រឡាច់ជើង។ បន្ទាប់ពីធ្លាក់បោកក្បាល គឺមានកកឈាមនៅសរសៃខួរក្បាល»។
អ្នកនាំពាក្យអាជ្ញាធរអប្សរា អ្នកស្រី ចៅ ស៊ុនកិរិយា ឲ្យដឹងថា កន្លែងដែលបុរសទេសចរជនជាតិចិន ធ្លាក់នោះ គឺមានជណ្ដើរធ្វើពីឈើយ៉ាងរឹងមាំសម្រាប់ឲ្យអ្នកទេសចរដើរឡើងដោយសុវត្ថិភាព ក៏ប៉ុន្តែមិនដឹងជាយ៉ាងដូចម្តេច បានជាភ្ញៀវទេសចរម្នាក់នោះរអិលធ្លាក់។
រយៈពេល ៣-៤ខែកន្លងមកនេះ ភ្ញៀវទេសចរបរទេស ២-៣នាក់ហើយដែលរងគ្រោះថ្នាក់ ដូចជាទៅតោងថ្មដើម្បីថតរូបបណ្ដាលឲ្យរលំត្រូវរងរបួសជាដើម ក៏ប៉ុន្តែរហូតមកដល់ពេលនេះ អាជ្ញាធរពាក់ព័ន្ធ ហាក់មិនទាន់មានចាត់វិធានការណាមួយ ដើម្បីការពារគ្រោះថ្នាក់ទាំងនេះនៅឡើយទេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ការប្រារព្ធពិធីបុណ្យចូលឆ្នាំថ្មី នៅតាមតំបន់មួយចំនួននៅស្រុកសុរិន្ទ
អត្ថបទពេញនិយម
សង្គម
- ក្រុមគ្រួសារលោក ហ៊ុន សែន បង្កើតកម្មវិធីរាំច្រៀងសប្បាយនៅលើគំនរទុក្ខពលរដ្ឋ
- ក្រុមអតិថិជនបុរីពិភពថ្មីដាក់ពាក្យប្ដឹង ទៅស្នងការករណីតៃកុងឡានបុរីបើកបុកពួកគាត់
- សារជូនពរឆ្នាំថ្មី ២០២៤
- ពលរដ្ឋចាញ់បោកអ្នកស្រី ឡេង ចាន់ណា ព្រមានឡើងមកតវ៉ានៅមុខផ្ទះលោក ហ៊ុន សែន បើតុលាការខេត្តសៀមរាបពន្យារពេលដោះស្រាយ