“អ្នក​សម្លាប់​កិត្តិយស​បណ្ឌិត កែម ឡី អាក្រក់​ជាង​អ្នក​សម្លាប់​លោក​បណ្ឌិត”

ដោយ មួង ណារ៉េត
2017-07-25
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
បណ្ឌិត កែម ឡី និង​ព្រះតេជព្រះគុណ ប៊ុត ប៊ុនតិញ ពេល​ចុះ​សិក្សា​ស្រាវជ្រាវ​នៅ​តំបន់​ព្រៃ​ឡង់។ RFA/Brach Chev
បណ្ឌិត កែម ឡី និង​ព្រះតេជព្រះគុណ ប៊ុត ប៊ុនតិញ ពេល​ចុះ​សិក្សា​ស្រាវជ្រាវ​នៅ​តំបន់​ព្រៃ​ឡង់។ RFA/Brach Chev
RFA/Brach Chev

ស្ថាបនិក​បណ្ដាញ​ព្រះសង្ឃ​ឯករាជ្យ​ដើម្បី​យុត្តិធម៌​សង្គម ព្រះតេជព្រះគុណ ប៊ុត ប៊ុនតិញ បាន​ថេរដីកា​ថា ជន​ណា​ដែល​ព្យាយាម​បង្វែង​ព្រឹត្តិការណ៍​នៃ​ការ​បាញ់​សម្លាប់​លោក​បណ្ឌិត កែម ឡី ក្នុង​ន័យ​បំភាន់​មតិ​សាធារណជន និង​ជាន់​ឈ្លី​កិត្តិយស​លោក​បណ្ឌិត គឺ​ជា​មនុស្ស​អាក្រក់​បំផុត។

ព្រះតេជព្រះគុណ ប៊ុត ប៊ុនតិញ៖ «ការ​ស្លាប់​របស់​លោក​បណ្ឌិត កែម ឡី បាន​នាំ​មក​នូវ​ការ​ផ្លាស់ប្តូរ​ច្រើន។ អ្នក​សម្លាប់​អាយុ​ជីវិត​ហ្នឹង​វា​អាក្រក់​មួយ​ទៅ​ហើយ ប៉ុន្តែ​អ្នក​សម្លាប់​កិត្តិយស​លោក​បណ្ឌិត កែម ឡី ដែល​ត្រូវ​មាន​ន័យ​សម្រាប់​ជាតិ​ហ្នឹង វា​អាក្រក់​ធំ​ជាង​សម្លាប់​លោក​បណ្ឌិត កែម ឡី ទៅ​ទៀត»

ព្រះតេជព្រះគុណ ប៊ុត ប៊ុនតិញ អំពាវនាវ​ពលរដ្ឋ​ខ្មែរ​គ្រប់​រូប​កុំ​ឲ្យ​ចាញ់​ឧបាយកល​របស់​អ្នក​នយោបាយ​ដែល​ពូកែ​ទិញ​ទឹក​ចិត្ត​ពលរដ្ឋ ដោយសារ​គេ​ស្គាល់​ចរិត​ខ្មែរ​ឆាប់​ខឹង ឆាប់​បាត់៖ «បញ្ហា​បាត់បង់​លោក​បណ្ឌិត កែម ឡី ធ្វើ​ឲ្យ​ប៉ះពាល់​បញ្ហា​នយោបាយ​ខ្មែរ​ហ្នឹង​ធំ ដូច្នេះ​គេ​ត្រូវ​មាន​ព្រឹត្តិការណ៍​អី​ទៅ​លួង​ចិត្ត​ទៅ​ធ្វើ​ឲ្យ​យើង​បាត់​ខឹងសម្បា ភ្លេច​ខ្លួន​ធ្វើ​អ្វី​ត​ទៅ​មុខ​ទៀត ពីព្រោះ​អ្នក​នយោបាយ​ខ្មែរ គេ​ស្គាល់​ចរិត​ធម្មជាតិ​របស់​ខ្មែរ ខឹងសម្បា​យ៉ាង​ណា​ក៏ដោយ ឲ្យ​សារុង​មួយ ស្លៀក​ទៅ​ងូត​ទឹក​ហើយ ឈប់​ខឹង​ឯង។ អា​ហ្នឹង​វា​រឿង​របស់​ខ្មែរ ដែល​យើង​ត្រូវ​ធ្វើ​ការ​ផ្លាស់ប្ដូរ​ឥរិយាបថ​នេះ​ចេញ​ជា​បន្ទាន់។ បើ​យើង​មិន​ផ្លាស់ប្ដូរ​ឥរិយាបថ​នេះ​ទេ អ្នក​ដែល​មាន​ឆន្ទៈ​ជួយ​ជាតិ​ពិត​ប្រាកដ បាន​ត្រឹមតែ​ជា​អ្នក​រង​គ្រោះ​តែប៉ុណ្ណោះ»

ក្រោយ​ពី​ខួប​មួយ​ឆ្នាំ​នៃ​ការ​បាញ់​សម្លាប់​បណ្ឌិត កែម ឡី ប្អូន​ប្រុស​លោក​បណ្ឌិត កែម ឡី គឺ​លោក កែម រិទ្ធិសិត ទទួល​ប្រាក់ ១​ម៉ឺន​ដុល្លារ​ពី​លោក​នាយករដ្ឋមន្ត្រី ហ៊ុន សែន ដើម្បី​ទូទាត់​ថ្លៃ​ចំណាយ​ពេល​បុណ្យ និង​ក្រោយ​មក​ទទួល​ប្រាក់​បន្ថែម ៥​ម៉ឺន​ដុល្លារ​ទៀត ដើម្បី​ជួយ​ថ្លៃ​កសាង​ចេតិយ។ លោក កែម រិទ្ធិសិត ក្រោយ​ទទួល​បាន​ប្រាក់​ភ្លាម រិះគន់​គណៈកម្មការ​បុណ្យ កែម ឡី​ ថា មិន​ដែល​ផ្ដល់​ប្រាក់​ជួយ​កសាង​ចេតិយ។ ចំពោះ​រឿង​ចោទ​ប្រកាន់ ព្រះអង្គ​ថា គណៈកម្មការ​បុណ្យ​សព​លោក​បណ្ឌិត កែម ឡី ដែល​មាន​ព្រះអង្គ​ជា​សមាជិក មិន​បាន​ប្រគល់​លុយ​បុណ្យ​ទៅ​ដល់​ប្អូន​ប្រុស​លោក​បណ្ឌិត កែម ឡី (លោក កែម រិទ្ធិសិត) និង​លោកស្រី ភោគ សេ ម្តាយ​លោក​បណ្ឌិត​សូម្បី​តែ​មួយ​សេន​នោះ។

ព្រះតេជព្រះគុណ ប៊ុត ប៊ុនតិញ មាន​ថេរដីកា​តប​ថា ការ​និយាយ​បែប​នេះ គឺ​និយាយ​តាម​អារម្មណ៍ និង​គ្មាន​ការពិត ព្រោះ​គណៈកម្មការ​បុណ្យ​មិន​មែន​ជា​អ្នក​កាន់​បច្ច័យ​ទេ គឺ​ក្រុម​គ្រួសារ​លោក​បណ្ឌិត កែម ឡី ជា​អ្នក​គ្រប់គ្រង​ថវិកា​ទាំង​អស់​នេះ៖ «អ្នក​ដែល​កាន់​បច្ច័យ គឺ​មាន​មនុស្ស​ប្រាំ​ភាគី ភាគី​ទី​មួយ​គឺ​ភាគី កែម ធាវី ភាគី​ទី​២ កែម រិទ្ធិសិត ភាគី​ទី​៣ ភោគ សេ  ភាគី​ទី​បួន​ម្ដាយ​ក្មេក ភាគី​ទី​៥ គឺ​ញោម ប៊ូ រចនា។ គណៈកម្មការ​អត់​បាន​កាន់​លុយ។ លោក កែម រិទ្ធិសិត និង កែម ធាវី និង​លោកស្រី ភោគ សេ អ្នក​កាន់​លុយ ដូច្នេះ​មក​ឲ្យ​យក​លុយ​ឯ​ណា​ទៅ​ឲ្យ​គាត់​នោះ បើ​ពួកគាត់​កាន់​ខ្លួន​ឯង​ទៅ​ហើយ​នោះ។ លុយ​ហ្នឹង​វា​នៅ​នឹង​គាត់​ទាំង​ស្រុង ទៅ​រាប់​នៅ​ឯ​​សណ្ឋាគារ ព្រោះ​ជួល​សណ្ឋាគារ​គេ​សម្រាប់​រាប់​លុយ​បុណ្យ​លោក​បណ្ឌិត កែម ឡី ហ្នឹង»

ទោះ​បី​គណៈកម្មការ​បុណ្យ​សព​លោក​បណ្ឌិត កែម ឡី បាន​រំសាយ​នៅ​ក្រោយ​ពិធី​បុណ្យ​ចប់ ក៏​ព្រះតេជព្រះគុណ ប៊ុត ប៊ុនតិញ អះអាង​ថា ព្រះអង្គ​នៅ​តែ​ស្ម័គ្រ​ព្រះទ័យ​បន្ត​ការងារ​រក្សា​កិត្តិយស និង​កិត្យានុភាព​របស់​លោក​បណ្ឌិត កែម ឡី៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
  • បោះពុម្ព
  • ចែករំលែក
  • អ៊ីម៉ែល

អ្នក​អាន​អនាមិក

ពី USA

Use the the gift money $50000. to reward a person who know, found, witness the criminal behind the killer. one stone kill two birds. the money is a gift you should take it and it is a gift you can use as you want to.

Jul 26, 2017 12:07 AM

គេហទំព័រ​ទាំងមូល