ផ្ទុះគ្រាប់នៅការដ្ឋានជីកថ្មស្រុកបាភ្នំស្លាប់មនុស្សម្នាក់
2015.01.04
សាកសពជនរងគ្រោះក្នុងករណីផ្ទុះគ្រាប់នៅការដ្ឋានជីកថ្មស្រុកបាភ្នំ ខេត្តព្រៃវែង នៅថ្ងៃទី៤ ខែមករា ឆ្នាំ២០១៥។
មនុស្សម្នាក់ស្លាប់ក្នុងករណីផ្ទុះគ្រាប់មួយ នៅឯការដ្ឋានជីកថ្មមួយកន្លែង នៅក្នុងឃុំជើងភ្នំ ស្រុកបាភ្នំ ខេត្តព្រៃវែង នៅថ្ងៃទី៤ ខែមករា ឆ្នាំ២០១៥។ អធិការប៉ូលិសស្រុកបាភ្នំ ឲ្យដឹងថា តាមការសន្និដ្ឋានដំបូង គ្រាប់ដែលផ្ទុះនោះទំនងជាគ្រាប់ចាស់សល់ពីសង្គ្រាម។
អធិការប៉ូលិសស្រុកបាភ្នំ ខេត្តព្រៃវែង លោក អន សុគន្ធ មានប្រសាសន៍ឲ្យដឹងថា ជនរងគ្រោះឈ្មោះ ចយ ភេទប្រុស អាយុ ២៦ឆ្នាំ មានស្រុកកំណើតនៅក្នុងស្រុកបាណន់ ខេត្តបាត់ដំបង ជាកម្មករនៅការដ្ឋានអាជីវកម្មមួយកន្លែងនៅភ្នំបាភ្នំ របស់ក្រុមហ៊ុន ឡុង ណាំ។
លោក លោក អន សុគន្ធ អធិការនគរបាលស្រុកបាភ្នំ មានប្រសាសន៍ថា ការផ្ទុះនេះមិនមែនជាការផ្ទះរំសេវរបស់ក្រុមហ៊ុនជីកយកថ្មនេះទេ គឺទំនងផ្ទះដោយសារតែគ្រាប់ចាស់ដែលបន្សល់ទុកជាយូរមកហើយ។ ជនរងគ្រោះបានឈរមើលពីចំណោតខាងលើភ្នំពេលគេកាយថ្ម នៅការដ្ឋានកាយយកថ្មនោះ រួចក៏មានគ្រាប់ផ្ទះឡើងបណ្ដាលឲ្យខ្ទាតថ្មចំជនរងគ្រោះបណ្ដាលឲ្យចំពោះធ្លាយពោះវៀន។
លោកអធិការនគរបាលស្រុកបាភ្នំ មានប្រសាសន៍បន្ថែមទៀតថា ក្រោយពេលកើតហេតុ បុគ្គលិករបស់ក្រុមហ៊ុនបានព្យាយាមបញ្ជូនជនរងគ្រោះទៅកាន់មន្ទីរពេទ្យបង្អែកនៅតំបន់អ្នកលឿង ក្នុងស្រុកពាមរ ខេត្តព្រៃវែង ប៉ុន្តែនៅពេលដែលបញ្ជូនទៅដល់ពាក់កណ្ដាលផ្លូវ ជនរងគ្រោះបានស្លាប់ទៅហើយ។
លោក អន សុគន្ធ មានប្រសាសន៍បន្ថែមទៀតថា ក្រុមគ្រួសារកំពុងតែទាក់ទងមកក្រុមហ៊ុនដើម្បីនាំយកសាកសពទៅធ្វើបុណ្យនៅស្រុកកំណើតក្នុងខេត្តបាត់ដំបង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ការប្រារព្ធពិធីបុណ្យចូលឆ្នាំថ្មី នៅតាមតំបន់មួយចំនួននៅស្រុកសុរិន្ទ
អត្ថបទពេញនិយម
សង្គម
- ក្រុមគ្រួសារលោក ហ៊ុន សែន បង្កើតកម្មវិធីរាំច្រៀងសប្បាយនៅលើគំនរទុក្ខពលរដ្ឋ
- ក្រុមអតិថិជនបុរីពិភពថ្មីដាក់ពាក្យប្ដឹង ទៅស្នងការករណីតៃកុងឡានបុរីបើកបុកពួកគាត់
- សារជូនពរឆ្នាំថ្មី ២០២៤
- ពលរដ្ឋចាញ់បោកអ្នកស្រី ឡេង ចាន់ណា ព្រមានឡើងមកតវ៉ានៅមុខផ្ទះលោក ហ៊ុន សែន បើតុលាការខេត្តសៀមរាបពន្យារពេលដោះស្រាយ
- ទិដ្ឋភាពទូទៅ នៃពិធីបុណ្យចូលឆ្នាំខ្មែរ ក្នុងតំបន់អង្គរខេត្តសៀមរាប