ជីវិត​វៀតណាម​នៅ​លើ​ទឹក​ក្នុង​ភូមិ​​អរិយក្សត្រ​និង​ផល​ប៉ះពាល់​សុខភាព​-​​បរិស្ថាន

ដោយ សិរីមុនី
2015-06-15
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
ជនជាតិ​វៀតណាម នៅ​លើ​ទឹក​ក្នុង​ភូមិ​អរិយក្សត្រ ឬ​ហៅ​ភូមិ​វៀតណាម ស្រុក​ល្វាឯម ខេត្ត​កណ្ដាល។ រូប​ថត​ថ្ងៃ​ទី​១១ មិថុនា ឆ្នាំ​២០១៥
ជនជាតិ​វៀតណាម នៅ​លើ​ទឹក​ក្នុង​ភូមិ​អរិយក្សត្រ ឬ​ហៅ​ភូមិ​វៀតណាម ស្រុក​ល្វាឯម ខេត្ត​កណ្ដាល។ រូប​ថត​ថ្ងៃ​ទី​១១ មិថុនា ឆ្នាំ​២០១៥
RFA/Sireymuny

ពលរដ្ឋ​វៀតណាម សុំ​ពន្យារ​ពេល​ការ​តាំង​ទីលំនៅ​លើ​ដង​ទន្លេ​ចតុមុខ នៅ​តំបន់​កំពង់​ចម្លង​អរិយក្សត្រ ភូមិ​អរិយក្សត្រ នៅ​ទល់​មុខ​កោះ​ពេជ្រ រហូត​ដល់​ដើម​ឆ្នាំ​២០១៦ ខាង​មុខ។ ការ​សន្យា​សុំ​ពន្យារ​ពេល​រស់​នៅ​លើ​ដង​ទន្លេ​នេះ នៅ​បន្ទាប់​ពី​អាជ្ញាធរ​ស្រុក​ល្វាឯម បាន​បណ្ដេញ​ជនជាតិ​វៀតណាម ទាំង​នេះ​ចេញ​ពី​ការ​រស់​នៅ​លើ​ដង​ទន្លេ​ចតុមុខ​នេះ។

អ្នក​ជំនាញ​ផ្នែក​សុខភាព​ពន្យល់​ថា ការ​បោះ​សំរាម ការ​ចិញ្ចឹម​ត្រី និង​ការ​បន្ទោបង់​ចូល​ក្នុង​ទឹក គឺ​ជា​ហេតុ​ធ្វើ​ឲ្យ​ទឹក​ខ្វះ​សុវត្ថិភាព និង​ជា​ប្រភព​នៃ​មេរោគ។ ប្រជាពលរដ្ឋ​ខ្មែរ​ដែល​រស់​នៅ​អរិយក្សត្រ​នោះ​ដែរ សាទរ​ចំពោះ​ចំណាត់​ការ​នេះ ដោយ​ពួកគាត់​លើក​ឡើង​ថា ការ​រស់​នៅ​លើ​ទឹក​របស់​ពលរដ្ឋ​វៀតណាម មិន​មាន​អនាម័យ និង​ធ្លាប់​បង្ក​បញ្ហា​ក្នុង​រស់​នៅ​ដល់​ពួកគាត់ ពិសេស​គឺ​បញ្ហា​សុខភាព។

ពលរដ្ឋ​វៀតណាម រស់​នៅ​លើ​ទឹក​ទន្លេ​ចតុមុខ ស្ថិត​នៅ​ក្នុង​ឃុំ​អរិយក្សត្រ មិន​ជំទាស់​ទៅ​នឹង​ចំណាត់​ការ​របស់​អាជ្ញាធរ​នោះ​ទេ ប៉ុន្តែ​ពួកគាត់​កំពុង​ស្វែង​រក​សុំ​ការ​ពន្យារ​ពេល​រស់​នៅ​​ទី​នោះ រហូត​ដល់​ខែ​កុម្ភៈ ឆ្នាំ​២០១៦។

ពលរដ្ឋ​វៀតណាម សុំ​ពន្យារ​ពេល​រស់​នៅ​លើ​ទន្លេ​ចតុមុខ នៅ​ទល់​មុខ​ព្រះ​បរម​ព្រះរាជវាំង​បន្ត​នេះ ដោយសារ​តែ​ពួកគាត់​ចិញ្ចឹម​ត្រី​ចង់​ឲ្យ​ត្រី​ធំ​ល្មម​ចាប់​លក់​ជា​មុន​សិន។

អាជ្ញាធរ​ខេត្ត​កណ្ដាល ប្រកាស​ដេញ​ជន​វៀតណាម ដែល​ការ​រស់​នៅ​ខុស​ច្បាប់​នៅ​កំពង់ចម្លង​អរិយក្សត្រ ស្ថិត​ក្នុង​ភូមិ​អរិយក្សត្រ ឃុំ​អរិយក្សត្រ ឲ្យ​ចាក​ចេញ​ដោយ​គ្មាន​លក្ខខណ្ឌ កាល​ពី​ថ្ងៃ​ទី​៤ ខែ​មិថុនា កន្លង​ទៅ ក៏ប៉ុន្តែ​ការ​បណ្ដេញ​ចេញ​នេះ មិន​បាន​បញ្ជាក់​ច្បាស់​ថា  តើ​បណ្ដេញ​ទៅ​ប្រទេស​វៀតណាម​វិញ ឬ​យ៉ាង​ណា​នោះ​ទេ?

ជនជាតិ​វៀតណាម ដែល​រស់​នៅ​លើ​ទឹក​នៅ​ម្ដុំ​កំពង់​ចម្លង​អរិយក្សត្រ មាន​ចំនួន ៤៣​គ្រួសារ និង​មាន​សមាជិក​ប្រមាណ​ជិត ៣០០​នាក់។ ពលរដ្ឋ​ទាំង​នេះ​មក​តាំង​ទីលំនៅ​តាំង​ពី​ឆ្នាំ​២០០៩ ខ្លះ​មក​នៅ​កាល​ពី​ឆ្នាំ​២០១០ ដោយ​មាន​សៀវភៅ​ស្នាក់នៅ​ដែល​ចេញ​ដោយ​អាជ្ញាធរ​ស្រុក​ល្វាឯម ត្រឹមត្រូវ។ រី​ឯ​ពលរដ្ឋ​ពល​វៀតណាម ចំនួន ១៦៤​គ្រួសារ​ទៀត​រស់​នៅ​លើ​គោក នៅ​ឃុំ​អរិយក្សត្រ ដូច​គ្នា អាជ្ញាធរ​មិន​បណ្ដេញ​ចេញ​ទេ។

វៀតណាម អរិយក្សត្រ ៦២០
ទិដ្ឋភាព​នៅ​ក្នុង​ភូមិ​អរិយក្សត្រ ឬ​ហៅ​ភូមិ​វៀតណាម ស្រុក​ល្វាឯម ខេត្ត​កណ្ដាល។ រូប​ថត​ថ្ងៃ​ទី​១១ មិថុនា ឆ្នាំ​២០១៥។ RFA/Sireymuny RFA/Sireymuny

 

ការ​មក​អាស្រ័យ​ផល​ជា​អ្នក​ចិញ្ចឹម​ត្រី ជា​ជាង​ឈើ អាជីវករ និង​កម្មករ​សំណង់​ជាដើម​របស់​ពលរដ្ឋ​វៀតណាម នៅ​ភូមិ​អរិយក្សត្រ ទល់​មុខ​កោះ​ពេជ្រ​នេះ ស្ទើរ​តែ​សង់​លំនៅឋាន​រស់​នៅ​ជា​លំនៅ​អចិន្ត្រៃយ៍​ទៅ​ហើយ។

ទោះ​បី​អាជ្ញាធរ​ខេត្ត​កណ្ដាល ប្រកាស​ដេញ​ចេញ​ជន​ជាតិ​វៀតណាម ឲ្យ​ចេញ​ជា​កំហិត​ក៏ដោយ ប៉ុន្តែ​ពលរដ្ឋ​វៀតណាម មិន​តវ៉ា និង​មាន​សកម្មភាព​ធម្មតា​ហាក់​ដូចជា​មិន​ខ្វល់ខ្វាយ​អ្វី​ជា​ខ្លាំង​នោះ​ទេ។

ផ្ទះ​ទឹក​មួយ​របស់​ជនជាតិ​វៀតណាម ដែល​មាន​សមាជិក ៤ ទៅ ៥​នាក់ កំពុង​មើល​ទូរទស្សន៍​យ៉ាង​សាមញ្ញ និង​ហាក់​មិន​ខ្វល់ ខណៈ​ដែល​សេចក្ដី​ប្រកាស​បណ្ដេញ​ខ្លួន​ចេញ​ស្ថិត​នៅ​លើ​ធ្នើរ​នៃ​ច្រក​ទ្វារ​ចូល​ផ្ទះ​របស់​ខ្លួន តែ​ម្នាក់ៗ​បែរ​ជា​តាមដាន​មើល​រឿង​បរទេស​ដោយ​ជក់​ចិត្ត​ដិត​អារម្មណ៍ មិន​គិត​ពី​បញ្ហា​ប្រឈម​នៃ​ការ​រើ​ផ្លាស់​ទីលំនៅ​នោះ​ទេ៖ «សំឡេង​ភាពយន្ត​ក្នុង​ទូរទស្សន៍»

ស្ត្រី​វ័យ​ចំណាស់​ម្នាក់ ដៃ​ស្ដាំ​ទាញ​កូនកន្សែង ដៃ​ឆ្វេង​ដុស​កូន​កន្សែង​ផ្ទប់​នឹង​ក្ដារ​បន្ទះ​ក្នុង​ចានដែក​បោក​ខោ​អាវ គាត់​មាន​ឈ្មោះ​ថា ហ្វៀង ធឿង។ គាត់​កំពុង​បោក​ខោអាវ​នៅ​លើ​ផ្ទះ​ទឹក។ នៅ​ពេល​និយាយ​ពី​ការ​ដេញ​ចេញ គាត់​​ប្រែ​មុខ​ស្រពោន ហាក់​គ្មាន​សង្ឃឹម​ក្នុង​ចិត្ត និង​រស្មី​ជីវិត​ត្រូវ​រលត់​ក្រោម​ដំណក់​ភ្លៀង​លើ​ផ្ទៃ​សាគរ។ ស្រី​វៀតណាម រួប​នេះ​បែរ​ជា​សំដែង​ពី​ទុក្ខ​ព្រួយ​នៅ​ពេល​ផ្លាស់​ទីលំនៅ​នឹង​ត្រូវ​មក​ដល់​នៅ​ពេល​ខាង​មុខ៖ «ខ្ញុំ​រស់​នៅ​ទី​នេះ​ជាង ១០​ឆ្នាំ​ហើយ។ មក​ពី​ប្រទេស​វៀតណាម ២០​ឆ្នាំ​ជាង»

មេ​ភូមិ​អរិយក្សត្រ ឬ​ភូម​វៀតណាម ដែល​ជា​ជនជាតិ​វៀតណាម ដែរ​នោះ លោក ស្រឿង តឺយ លើក​ឡើង​ថា ប្រជាជន​វៀតណាម ៤៣​គ្រួសារ​ដែល​រស់​នៅ​លើ​ផ្ទះ​ទឹក សុទ្ធ​តែ​មាន​សៀវភៅ​ស្នាក់​នៅ​ដែល​ចេញ​ដោយ​អាជ្ញាធរ​ស្រុក​ល្វាឯម។ លោក​លើក​ឡើង​ដោយ​ផ្នែក​តាម​អតីតកាល​ថា កាល​ពី​មុន​បង​ប្អូន​វៀតណាម មក​តាំង​ទីលំនៅ​ដំបូង​អាជ្ញាធរ​អនុញ្ញាត​ឲ្យ​រស់​នៅ ស្រាប់​តែ​ពេល​នេះ​មក​ដេញ​ដោយ​ប្រញាប់ប្រញាល់​ជា​ទីបំផុត​ទៅ​វិញ។

លោក​មិន​គាំទ្រ​ចំពោះ​ចំណាត់​ការ​បណ្ដេញ​ចេញ​របស់​អាជ្ញាធរ​ខ្មែរ​នេះ​ទេ៖ «អូ! ឥឡូវ​រក​ទិសដៅ​មិន​ឃើញ​ទេ ខាង​ស្រុក​នេះ​គេ​រក​កន្លែង​ខាង​ក្រោម​នេះ ត្រឹម​ព្រែក​អង់កឹម។ គេ​ប្រុង​ឲ្យ​នៅ​ហ្នឹង តែ​ប្រជាជន​ស្ទង់​ទឹក​មើល​បែរ​ចត់​អត់​បាន ទឹក​រាក់ ...មិន​ដឹង​ទៅ​ណា​ទេ»

ឆ្លើយ​តប​បញ្ហា​នេះ អភិបាល​ខេត្ត​កណ្ដាល លោក ម៉ៅ ភារុណ មាន​ប្រសាសន៍​ថា ពលរដ្ឋ​វៀតណាម ដែល​រស់​នៅ​លើ​ទឹក​ទាំង​នោះ អាជ្ញាធរ​ប្រកាស​បណ្ដេញ​ចេញ ព្រោះ​ពួកគាត់​មិន​មាន​ឯកសារ​ស្រប​ច្បាប់ ដូច្នេះ​អាជ្ញាធរ​ត្រូវ​តែ​អនុវត្ត​​តាម​ច្បាប់​អន្តោប្រវេសន្ត។

លោក ម៉ៅ ភារុណ៖ «បើ​រក​ឃើញ​ថា គាត់​មាន​ឯកសារ​ស្រប​ច្បាប់ យើង​នឹង​ចាត់​វិធានការ ប៉ុន្តែ​ចាំ​បាច់​មិន​ឲ្យ​នៅ​ក្នុង​ទឹក​តាម​មាត់​ទន្លេ​ដែល​មិន​មាន​ការ​ទទួល​ខុស​ត្រូវ​ពី​អាជ្ញាធរ​ត្រឹមត្រូវ​នោះ​ទេ។ វា​ធ្វើ​ឲ្យ​មាន​បញ្ហា ទី​១ សន្តិសុខ​សង្គម និង​ទី​២ បរិស្ថាន។ ដូច​គាត់​ចិញ្ចឹម​ត្រី គាត់​បន្ទោបង់​ក្នុង​ទឹកជា​ដើម»

ទន្ទឹម​នឹង​នេះ ប្រជាពលរដ្ឋ​ខ្មែរ​ដែល​រស់​នៅ​ក្បែរ​ភូមិ​វៀតណាម ឬ​ភូមិ​អរិយក្សត្រ សាទរ​ចំពោះ​សេចក្ដី​ប្រកាស​របស់​អាជ្ញាធរ​ស្រុក​ល្វាឯម ខេត្ត​កណ្ដាល ដែល​បណ្ដេញ​ចេញ​ជនជាតិ​វៀតណាម។ ពលរដ្ឋ​បន្ត​ថា បើ​ដេញ​ចេញ​អាជ្ញាធរ​ត្រូវ​បញ្ជូន​ជនជាតិ​វៀតណាម ទាំង​នោះ ទៅ​ប្រទេស​វៀតណាម វិញ មិន​មែន​គ្រាន់​ចេញ​សេចក្ដី​ប្រកាស​ឲ្យ​ចាក់​ចេញ​ពី​អរិយក្សត្រ ហើយ​ទៅ​តាំង​ទីលំនៅ​ថ្មី​នៅ​កន្លែង​ផ្សេង​នោះ​ឡើយ៖ «វា​ចាប់​ខ្មែរ​យើង វា​ចាប់​យក​ទៅ​ពន្លិច​ទឹក​កណ្ដាល​ទន្លេ។ ខ្ញុំ​ចង់​ឲ្យ​តែ​ដេញ​ចេញ​ទៅ»

នាយក​លេខាធិការដ្ឋាន​នៃ​អង្គការ​សិទ្ធ​លំនៅឋាន លោក សៀ ភារម្យ មាន​ប្រសាសន៍​ថា បើ​សិន​ជនជាតិ​វៀតណាម ដែល​រស់​នៅ​លើ​ទឹក​នៅ​កំពង់​ចម្លង​អរិយក្សត្រ មិន​មាន​ឯកសារ​ជា​ជន​អន្តោប្រវេសន៍​ស្រប​ច្បាប់​នោះ​ទេ។ អាជ្ញាធរ​ត្រូវ​អនុវត្ត​ច្បាប់​អន្តោប្រវេសន្ត​ដោយ​បញ្ជូន​ពលរដ្ឋ​វៀតណាម ទាំង​នោះ​ទៅ​ប្រទេស​វៀតណាម វិញ។

លោក​ជំរុញ​ឲ្យ​អង្គភាព​ប្រឆាំង​អំពើ​ពុករលួយ​ត្រូវ​ចាត់​វិធានការ​ស៊ើប​អង្កេត​ភ្លាមៗ​ចំពោះ​អាជ្ញាធរ​ថ្នាក់​ក្រោម ដែល​បាន​ប្រព្រឹត្ត​អំពើ​សូក​ប៉ាន់​តាម​រយៈ​ការ​ធ្វើ​សៀវភៅ​ស្នាក់​នៅ​ឲ្យ​ពលរដ្ឋ​វៀតណាម ខុស​ច្បាប់​ទាំង​អស់​នោះ។

វៀតណាម អរិយក្សត្រ ៣០៥
ជន​ជាតិ​វៀតណាម នេសាទ​ត្រី​នៅ​ភូមិ​អរិយក្សត្រ ស្រុក​ល្វាឯម ខេត្ត​កណ្ដាល កាល​ពី​ថ្ងៃ​ទី​១១ ខែ​មិថុនា ឆ្នាំ​២០១៥។ RFA/Sireymuny RFA/Sireymuny

ជំពូក​ទី​២ ស្ដីពី​ជនបរទេស​មិន​មែន​អន្តោប្រវេសន្ត​មាត្រា​៨ វាក្យខណ្ឌ​ទី​១ នៃ​ច្បាប់​អន្តោប្រវេសន៍ ចែង​ថា ជនបរទេស​មិន​មែន​អន្តោប្រវេសន៍​អាច​ស្នាក់នៅ​ក្នុង​ប្រទេស​កម្ពុជា បាន ត្រូវ​មាន​ការ​អនុញ្ញាត​ចូល​ជា​មុន​ពី​រដ្ឋាភិបាល​កម្ពុជា តាម​រយៈ​ទូត ឬ​កុងស៊ុល​នៃ​ព្រះរាជាណាចក្រ​កម្ពុជា ឬ​តាម​រយៈ​អាជ្ញាធរ​បទេស​ណា​មួយ​ដែល​តំណាង​ឲ្យ​ផលប្រយោជន៍​នៃ​ព្រះរាជាណាចក្រ​កម្ពុជា នៅ​ក្រៅ​ប្រទេស។

​ក្រៅ​ពី​ការ​រស់​នៅ​ខុស​ច្បាប់​របស់​ប្រជាពលរដ្ឋ​វៀតណាម មួយ​ចំនួន​នៅ​កម្ពុជា នេះ ពលរដ្ឋ​មួយ​ចំនួន​លើក​ឡើង​ថា ពលរដ្ឋ​វៀតណាម ដែល​រស់​នៅ​លើ​ទឹក​បាន​បង្ក​ការ​លំបាក​យ៉ាង​ខ្លាំង​ក្នុង​ប្រើប្រាស់​ទឹក ដែល​ជា​ហេតុ​បណ្ដាល​ឲ្យ​ទឹក​មិន​ស្អាត។ ទឹក​មិន​ស្អាត ព្រោះ​ពលរដ្ឋ​វៀតណាម ទាំង​នោះ​មាន​បែ​ចិញ្ចឹម​ត្រី​ក្នុង​ទឹក ចោល​សំរាម​ក្នុង​ទន្លេ និង​បន្ទោបង់​ក្នុង​ទឹក​ជា​ដើម៖ «ទេ! អាណិត​មិន​អាណិត​ឲ្យ​វា​ទៅៗ វា​ពិបាក​គ្រប់​សព្វ​ហើយ។ ពិបាក​ទាំង​ងូត​ទឹក ផឹង​ទឹក។ សព្វថ្ងៃ​ដូច​ទឹក​អាចម៍​យួន​ហើយ»

លោក​វេជ្ជបណ្ឌិត លាន សុភ័ក្រ ឯកទេស​ថ្លើម ក្រពះ ពោះវៀន និង​ឫសដូងបាត បញ្ចប់​ការ​បម្រើ​ការងារ​នៅ​មន្ទីរពេទ្យ​កាល់ម៉ែត ពន្យល់​ថា ទឹក​ជា​ផ្នែក​មួយ​ដ៏​សំខាន់​ក្នុង​ការ​ទ្រទ្រង់​សុខភាព​មនុស្ស​ឲ្យ​មាន​ភាព​ល្អ​ប្រសើរ។ ប៉ុន្តែ​ទឹក​ក៏​ជា​ប្រភព​នៃ​មេរោគ​ដែរ បើ​សិន​ទឹក​នោះ​មិន​ស្អាត និង​គ្មាន​សុវត្ថិភាព។ លោក​វេជ្ជបណ្ឌិត​ពន្យល់​ថា ការ​ពលរដ្ឋ​បោះ​សំរាម ចិញ្ចឹម​ត្រី និង​បន្ទោបង់​ចូល​ទៅ​ក្នុង​ទឹក វា​គឺ​ជា​ប្រភព​នៃ​ប៉ារ៉ាស៊ីត និង​មេរោគ​ឆ្លង​ផ្សេងៗ។

លោក​វេជ្ជបណ្ឌិត លាន សុភ័ក្រ៖ «ទឹក​មាន​មេរោគ មេរោគ​វា​ចូល​ទៅ​ក្នុង​ខ្លួន​យើង​ចូល​ទៅ​ក្នុង​ឈាម​យើង ហើយ​ចូល​ទៅ​ផ្លូវ​រំលាយ​អាហារ​យើង វា​បង្ក​ឲ្យ​មាន​ជំងឺ​រាករូស​ទី​១ ទី​២ ធម្មតា​លាមក​មនុស្ស​យើង និង​សំរាម វា​មាន​ផ្ទុក​ទៅ​ដោយ​មេរោគ និង​ប៉ារ៉ាស៊ីត និង​សត្វ​ល្អិត។ ហើយ​សត្វ​ល្អិត​ហ្នឹង​វា​បង្ក​បញ្ហា​ច្រើន​ដល់​សុខភាព។ យើង​មាន​មេរោគ​ក្រពះ​នៅ​ក្នុង​តំបន់​អាស៊ី​អាគ្នេយ៍​ប្រមាណ ៦០ ទៅ ៧០% ជា​ពិសេស​នៅ​ប្រទេស​កម្ពុជា ហើយ​មេរោគ​ក្រពះ​វា​ឆ្លង​តាម​រយៈ​មិន​ស្អាត​ហ្នឹង​ឯង»

ចំពោះ​ទិន្នន័យ​ជនអន្តោប្រវេសន៍​វៀតណាម គណបក្ស​ប្រឆាំង​អះអាង​ថា មាន​ចំនួន​ប្រមាណ ៥​សែន​នាក់ ចំណែក​រដ្ឋាភិបាល​វិញ​អះអាង​ដោយ​យោង​តាម​ជំរឿន​ឆ្នាំ​២០០២ ថា​មាន​ចំនួន​តែ​ជាង​មួយ​សែន​ប៉ុណ្ណោះ។

អាជ្ញាធរ​នឹង​ចុះ​រើ​លំនៅឋាន​បែចិញ្ចឹម​ត្រី បើ​ពលរដ្ឋ​វៀតណាម​ទាំង ៤៣​គ្រួសារ​មិន​ព្រម​ចាក​ចេញ​ទេ​នោះ។ តាម​សេចក្ដី​ប្រកាស​របស់​អាជ្ញាធរ​ស្រុក​ល្វាឯម ពលរដ្ឋ​វៀតណាម ត្រូវ​តែ​ចាក​ចេញ​ពី​ភូមិ​អរិយក្សត្រ ឃុំ​អរិយក្សត្រ ស្រុក​ល្វាឯម ខេត្ត​កណ្ដាល យ៉ាង​យូរ​ត្រឹម​ថ្ងៃ​ទី​២២ មិថុនា ជា​កំហិត និង​ដោយ​គ្មាន​លក្ខខណ្ឌ។ បើសិនជា​ជនជាតិ​វៀតណាម ទាំង​នេះ មិន​ព្រម​ចាកចេញ​ទេ អាជ្ញាធរ​នឹង​មាន​វិធានការ​ក្ដី នឹង​ចុះ​រើ​លំនៅឋាន បែ​ចិញ្ចឹម​ត្រី​របស់​ពលរដ្ឋ​វៀតណាម​ទាំង ៤៣​គ្រួសារ​នេះ តែ​ជនជាតិ​វៀតណាម ទាំង​នេះ​សុំ​ពន្យារ​ពេល​រហូតដល់​ខែ​កុម្ភៈ ឆ្នាំ​២០១៦ ខាង​មុខ។ បញ្ហា​នេះ គេ​នៅ​ចាំ​មើល​ទៀត​ថា តើ​អាជ្ញាធរ​នឹង​ពន្យារ​ពេល​ជូន​ជនជាតិ​វៀតណាម តាម​សំណើ ឬ​គេ​អនុវត្ត​សេចក្ដី​ជូន​ដំណឹង​បណ្ដេញ​ចេញ​នៅ​ខែ​មិថុនា​នេះ ឬ​យ៉ាង​ណា?

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (5)
  • បោះពុម្ព
  • ចែករំលែក
  • អ៊ីម៉ែល

អ្នក​អាន​អនាមិក

ឃើញអណ្ដែតពេញប៊ែ ស្មានថាចំណីវិទ្យាសាស្ត្រសំរាប់បំប៉នត្រី ដែលវៀតណាមចិញ្ចឹមលក់ឲ្យខ្មែរ មេរវល់ជាប់ប្រជុំអត់ពេលពិនិត្យ។

Jun 17, 2015 01:33 AM

អ្នក​អាន​អនាមិក

ទំនងដែរដេលលោករុំឮកកាលពីសម័យយួនហូរតាមទឹកនាសម័យសាធារណរដ្ឋរបស់ លោក លន់ នល់ យើងមើលគួរតែយួនខឹងមកសង​សឹកមកយកក្បាលខ្មែរដាំតែអុងម្តងទៀត ផ្ទុយទៅវិញហេតុតែយួន​ចិត្តបុណ្យ មិនត្រឹមតែមិនសងសឹកទេ ថែមទាំងមកជួយកាប់​សម្លាប់​ពួកខ្មែរក្រហមប៉ុលពត រុំដោះខ្មែរទៅវិញ និងមិនតែប៉ុណ្ណោះទេ ដេញ​តាមសម្លាប់ពួកខ្មែរក្រហមរហូតធ្លាយព្រុំដែនថៃ បាញ់ដាក់ផ្លោងដាក់​សម្លាប់ទាំងពួកប៉ារ៉ា មិនតិចទេដើម្បីជួយខ្មែរ ថែមទាំងកែនខ្មែរនៅ​សម័យ ក៥ ទៅកាប់ព្រៃដេញកំចាត់សំបុកពួកអ្នកតស៊ូទៀត ពួកខ្មែរ​ក្រហម​ មិនទាន់អស់ចិត្តអាណិតខ្មែរទេ គេអោយទៅប្រទេសវិញ មិនដាច់ចិត្តទៅ សុខចិត្តបង្គាប់ខ្លួននៅបម្រើខ្មែរថែមទៀត នេះបាន​គេហៅថាអ្នកចិត្តបុណ្យ មែនទេលោក?

Jun 16, 2015 02:26 AM

អ្នក​អាន​អនាមិក

ជំនាន់សាធារណរដ្ឋ យួនដែលទៅមិនទាន់ ហូរតាមទឹក។

Jun 15, 2015 11:06 PM

អ្នក​អាន​អនាមិក

អរគុណណាស់ ដែលបានបញ្ចេញយោបលទាក់ទងនិងជីវិត​បងអូន​វៀតណាម និងអនាគតរបស់កម្ពុជានោះ តែខ្ញុំយល់ថាមិនបាច់បាច់​ទេ ត្បិតអីប្រមុខរាជរដ្ឋាភិបាល លោកមិនដែលភ្លេចការយកចិត្តទុក​ដាក់​​និង លោកអ្នកមានគុណរបស់លោកទេ បើបងអូនស្មែរអាចធ្វើ​ជា​ភ្លេចបាន និងម្យាងទៀតសម្តេច មានទីប្រឹក្សាផ្ទាល់រាប់មិនអស់ និងជាពិសេសមាន​ លោកហោណាំហុង លោកវ៉ាគិមហុង លោក​ផៃស៊ីផាន លោកកែវរ៉េមី សុតតែកំពូលអ្នកប្រឹក្សា ដែលនិងជជែក​និង​​ពិភាក្សារកវិធីអោយ អំបូរផ្តួចបង្កើតថ្ងៃ ៧​មករា បានសោយសុខ​លើទឹកដីសុវណ្ណភូមិរបស់អ្នកមិនខាន មិនអញ្ចឹងលោក ផៃស៊ីផាន?

Jun 15, 2015 09:36 PM

អ្នក​អាន​អនាមិក

រដ្ឋាភិបាលខ្មែរត្រូវតែយកចិត្តទុកដាក់លើសិទ្ធិជនជាតិវៀតណាមឲ្យបានឆាប់ និងផ្ដល់ទីតាំងទីលំនៅដើម្បីបងអូនយៀកណាមប្រកបមុខរបរពង្រីកចិញ្ចឹមគ្រួសារបានទូលំទូលាយទៀត ជៀសផុតពីជម្ងឺរាតត្បាត និងបំបាត់ការបំពុលបរិស្ថានពីការរស់នៅលើទឹកដ៏រយីករយាកគួរឲ្យអាសូរនេះ។ បឹងកក់ បឹងទន្លេសាប(មានទីតាំងស្រាប់គ្រាន់តែចាក់ដីបានហើយ) សៀមរាប បាត់ដំបង កោះកុង កំពង់សោម ភ្នំបូកគោ។ល។ សុទ្ធតែជាដំបន់ត្រូវការការអភិវឌ្ឍដែលបងអូនយៀកណាមអាចបោះទីតាំង ជួយធ្វើការពង្រីកក្រុងបានឆាប់រហ័សណាស់។ បងអូនយៀកណាមធានាថាតិចជាង៣០ឆ្នាំ កាំជានឹងដួរមុខមាត់ស្រស់បស់ថ្មីជាទីចាប់អារម្មណ៍ដល់ទេសចរទូទាំងពិភពលោក ដួចភូកុក។

Jun 15, 2015 07:17 AM

អ្នក​អាន​អនាមិក

I love your idea because they have a lot of young and beautiful girls as investment funds.
Don't worry,Hun Sen authority promises to take care of them even the evict from the lake,they will be treated in honor.

Jun 16, 2015 09:34 AM

មើល​មតិ​ទាំង​អស់.

គេហទំព័រ​ទាំងមូល