កម្មករអូសរទេះនៅប៉ោយប៉ែតតវ៉ាមិនឲ្យមន្ត្រីគយយកថ្លៃដឹកទំនិញខ្ពស់ពេក
2014.12.21
ក្រុមកម្មករអូសរទេះនៅក្រុងប៉ោយប៉ែត ខេត្តបន្ទាយមានជ័យ ប្រមាណជាង ១០០នាក់ បានប្រមូលផ្ដុំគ្នាតវ៉ាឲ្យមន្ត្រីគយបញ្ចុះការយកតម្លៃដឹកទំនិញនៅចំណុចច្រកទ្វាអន្តរជាតិក្រុងប៉ោយប៉ែត នៅព្រឹកថ្ងៃទី២១ ធ្នូ។
តំណាងកម្មករនៅក្រុងប៉ោយប៉ែត ម្នាក់ឈ្មោះ លោក កែវ វឿន ថ្លែងថា ការតវ៉ានេះដោយសារមន្ត្រីគយប្រចាំច្រកទ្វារអន្តរជាតិប៉ោយប៉ែត យកប្រាក់ពីក្រុមអ្នកអូសរទេះខ្ពស់ហួសហេតុ គឺក្នុងមួយជើងប្រមាណពី ៦ម៉ឺន ទៅ ១០ម៉ឺនរៀល ដែលធ្វើពួកគេដឹកទំនិញមិនបានផលកម្រៃ។
ទាក់នឹងបញ្ហានេះ អភិបាលក្រុងប៉ោយប៉ែត លោក ង៉ោ ម៉េងជ្រួន មានប្រសាសន៍បញ្ជាក់ថា លោកបានសម្រួលឲ្យមន្ត្រីគយបន្ធូរបន្ថយពន្ធទៅលើក្រុមអ្នកអូសរទេះនោះ ដោយមិនឲ្យយកថ្លៃពីពួកគេខ្ពស់ទៀតនោះទេ។
ទោះយ៉ាងនេះក្ដី ក្រុមកម្មករអូសរទេះមានមតិថា ពួកគេគ្មានជំនឿទៅលើការរកដំណោះរបស់អាជ្ញាធរនេះទេ៕