មន្ត្រីអ.ស.បស្នើរដ្ឋាភិបាលធ្វើកំណែទម្រង់ដើម្បីធានាការបោះឆ្នោតដោយយុត្តិធម៌

អ្នករាយការណ៍ពិសេសអង្គការសហប្រជាជាតិ ទទួលបន្ទុកសិទ្ធិមនុស្សប្រចាំនៅកម្ពុជា លោក សុរិយា ស៊ូប៊ែឌី (Surya Subedi) ក្នុងឱកាសថ្លែងការណ៍នៅអង្គការសហប្រជាជាតិទទួលបន្ទុកសិទ្ធិមនុស្ស កាលពីថ្ងៃ២៦ កញ្ញា បានទទូចឲ្យរដ្ឋាភិបាលធ្វើកំណែទម្រង់មួយចំនួន ដើម្បីធានាការបោះឆ្នោតនៅឆ្នាំ២០១៣ នឹងប្រព្រឹត្តទៅប្រកបដោយលក្ខណៈសេរី និងយុត្តិធម៌។

ដោយ យន់ សាមៀន
2012-09-26

លោកក៏បានស្នើសុំឲ្យរដ្ឋាភិបាល បង្កើតឱ្យមានតម្លាភាព និងអនុវត្តច្បាប់ ចំពោះការផ្តល់ និងរៀបចំដីសម្បទានសេដ្ឋកិច្ច និងសម្បទានផ្សេងៗទៀត។

សំណើរបស់លោក សុរិយា ស៊ូប៊ែឌី ធ្វើឡើងក្នុងបទបង្ហាញរបាយការណ៍ចំនួនពីរចំពោះមុខអង្គប្រជុំនៃអង្គការសហប្រជាជាតិទទួលបន្ទុកសិទ្ធិមនុស្ស នៅទីក្រុងហ្សឺណែវ ស្តីអំពីការបោះឆ្នោត និងបញ្ហាដីសម្បទានសេដ្ឋកិច្ច។ របាយការណ៍ទាំងពីរនោះ ធ្វើឡើងដោយផ្អែកលើបេសកកម្មស្វែងរកការពិតរបស់លោកចំនួនពីរលើកនៅកម្ពុជា កាលពីខែធ្នូ ឆ្នាំ២០១១ និងខែឧសភា ឆ្នាំ២០១២។

សេចក្ដីថ្លែងការណ៍របស់អង្គការសហប្រជាជាតិទទួលបន្ទុកសិទ្ធិមនុស្ស បានដកស្រង់សំដីលោក សុរិយា ស៊ូប៊ែឌី ថា កម្ពុជាបានរីកចំរើនច្រើនក្នុងការពង្រឹងលទ្ធិប្រជាធិបតេយ្យ សិទ្ធិមនុស្ស និងនីតិរដ្ឋ ប៉ុន្តែលោកមានក្តីបារម្ភចំពោះបញ្ហាខ្លះ ក្នុងដំណើរការបោះឆ្នោត និងផលប៉ះពាល់បណ្ដាលមកពីការផ្ដល់សម្បទានដីសេដ្ឋកិច្ច។

លោកបន្តថា ការផ្ដល់ដីសម្បទាននៅកម្ពុជា ធ្វើឡើងដោយគ្មានតម្លាភាព និងផ្អែកតាមច្បាប់។ លោកថា ច្បាប់នៅលើក្រដាសផ្សេង ប៉ុន្តែការអនុវត្តផ្ទុយទៅនឹងច្បាប់។ ចំពោះការបោះឆ្នោតសកលនៅឆ្នាំ២០១៣ វិញ លោកបានជំរុញឲ្យរដ្ឋាភិបាល បង្កើតនូវបរិយាកាសដែលអនុញ្ញាតឲ្យមានការបោះឆ្នោតដោយសេរី និងគោរពសិទ្ធិមនុស្ស។ រដ្ឋាភិបាលកម្ពុជា នៅមិនទាន់ឆ្លើយតបទៅនឹងរបាយការណ៍របស់លោក សុរិយា ស៊ូប៊ែឌី នៅឡើយទេ កាលពីថ្ងៃពុធ ទី២៦ កញ្ញា៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

អត្ថបទដែលទាក់ទង

មតិ (2)

ចុចត្រង់នេះដើម្បីបន្ថែមយោបល់របស់អ្នក

អ្នកអានអនាមិក

if cambodia goverment now(hun sen)follow this attention is right but differant is very bad for in future cambodia

Sep 27, 2012 08:48 PM

Veasna

ពី Riverside, California

I encourage all the citizens who are over 18+ and have the rights to vote to exercise the rights and vote for this coming General National Election to elect your new leaders, voting for our future. Even though Hun Sen controls everything especially the NEC, under the current NEC there will be no free and fair election, but the most important thing is to exercise the right to vote and the right to express your political wills.

Sep 27, 2012 04:57 PM