ឧត្តមសេនីយ៍ប៉ូលិស លោក ប៊ិត គឹមហុង បានមានប្រសាសន៍ថា បានឃាត់ខ្លួនឈ្មោះ Michael James Dodd មកពីរដ្ឋធានីវ៉ាស៊ិនតុន ឌីស៊ី នៅឯផ្ទះជួលមួយដែលឈ្មោះនេះបានជួលនៅក្នុងក្រុងភ្នំពេញ។
លោកបន្តថា ពេលដែលប៉ូលិសឆ្មក់ចូលផ្ទះនោះ គឺបានរកឃើញនារី២នាក់ អាយុ ១៣ឆ្នាំ និង ១៤ឆ្នាំ កំពុងតែនៅជាមួយអាមេរិកាំងនោះ។
លោក សុខ កល្យាណ ព្រះរាជអាជ្ញាអមតុលាការក្រុងភ្នំពេញ បានមានប្រសាសន៍ថា ក្នុងពេលបង្ហាញខ្លួនកាលពីថ្ងៃអង្គារ តុលាការបានចោទប្រកាន់ឈ្មោះ Michael James Dodd រួចហើយ។ ហើយប្រសិនបើតុលាការរកឃើញថា មានទោសនោះ អាចជាប់ពន្ធនាគារដល់១០ឆ្នាំ។
លោក សូ ដារា មេធាវីរបស់លោក Michael James Dodd បានឲ្យដឹងថា កូនក្តីរបស់លោកបដិសេធចំពោះការចោទប្រកាន់នេះ៕