អតីតយុទ្ធជនកម្ពុជាមិនទាន់ទទួលបានរបបនយោបាយគ្រប់គ្រាន់
h062112ko.mp3
អង្គការមិនមែនរដ្ឋាភិបាលដែលធ្វើការលើវិស័យពិការភាពបានអះអាងថា អតីតយុទ្ធជនពិការ និងគ្រួសាររបស់អតីតយុទ្ធជនបច្ចុប្បន្ន កំពុងប្រឈមមុខនឹងបញ្ហាជីវភាពជាចម្បង ដែលរដ្ឋាភិបាលមិនទាន់យកចិត្តទុកដាក់នៅឡើយ។
នាយកប្រតិបត្តិអង្គការជនពិការកម្ពុជា (CDPO) លោក ងិន សៅរ័ត្ន បានកត់សម្គាល់ថា អតីតយុទ្ធជនបច្ចុប្បន្នរស់នៅក្រោមបន្ទាត់ភាពក្រីក្រនៅឡើយ។ រីឯគោលនយោបាយដែលរដ្ឋាភិបាលបានផ្ដល់ឲ្យអតីតយុទ្ធជន នៅមិនទាន់គ្រប់គ្រាន់ ដែលអាចលើកស្ទួយស្ថានភាពជីវភាពរស់នៅរបស់ពួកគាត់បានទេ។ លោកបន្តថា អតីតយុទ្ធជនមានតម្រូវការខ្ពស់ ហើយចំណូលគាត់ទាប ដូច្នេះរដ្ឋាភិបាលត្រូវយកចិត្តទុកដាក់បន្ថែមទៀត។
លោក ងិន សៅរ័ត្ន៖ «រដ្ឋាភិបាលថ្មីៗគាត់ចេញគោលនយោបាយមួយ ស្ដីពីរបបគោលនយោបាយសម្រាប់ជួយជនពិការក្រីក្រ និងម្នាក់បានពីរម៉ឺនរៀល។ គេរៀបចំចំណាត់ថ្នាក់របស់គេ បើគាត់ក្រីក្របំផុត គាត់ទទួលបានត្រឹមតែ១ឆ្នាំ។ បើថាគាត់កម្រិតមធ្យម គាត់ទទួលបាន៦ខែ។ យើងគិតមើលទៅថា ទំនិញទីផ្សាររបស់យើងបច្ចុប្បន្ន តើអាចគ្រាន់ដែរឬអត់ ជួលកាលគ្រាន់បើជាងអត់។ អ៊ីចឹង បានជំរុញឲ្យរដ្ឋាភិបាលយកចិត្តទុកដាក់បន្ថែមទៀត»។
នៅក្នុងសារលិខិតរបស់លោក ហ៊ុន សែន ក្នុងនាមជានាយករដ្ឋមន្ត្រី និងជាប្រធានសមាគមអតីតយុទ្ធជនកម្ពុជា នៅឱកាសខួបលើកទី៥ នៃទិវាអតីតយុទ្ធជនកម្ពុជា ថ្ងៃទី២១ មិថុនា ឆ្នាំ២០១២ បានសរសេរផ្ដាំផ្ញើសួរសុខទុក្ខដល់អតីតយុទ្ធជន និងក្រុមគ្រួសារដែលបានលះបង់ និងប្ដូរជីវិតការពារប្រទេសជាតិ។ នៅក្នុងសារនោះ ក៏បានសរសើរដល់ក្រសួងសង្គមកិច្ចថា បានយកចិត្តទុកដាក់ផ្ដល់អាទិភាពដល់វិស័យការងារអតីតយុទ្ធជន ការបើកផ្ដល់របបសន្តិសុខសង្គម សម្រាប់អតីតយុទ្ធជន និងការជួយឧបត្ថម្ភដល់អតីតយុទ្ធជនជួបការលំបាកបានល្អ។
យ៉ាងនេះក្ដី អតីតយុទ្ធជននៅខេត្តឧត្ដរមានជ័យម្នាក់ ឈ្មោះ ប៊ែន សម្បត្តិ បានថ្លែងថា គាត់មិនដែលបានទទួលបានការឧបត្ថម្ភពីរដ្ឋាភិបាលនោះទេ មានតែអង្គការក្រៅរដ្ឋាភិបាលប៉ុណ្ណោះ ដែលជួយផ្ដល់ជំនាញដល់ពួកគាត់។
លោក ប៊ែន សម្បត្តិ៖ «ខ្ញុំពិការភ្នែក ហើយពិការជើងទៀត។ ខ្ញុំមិនដែលបានទទួលពីរដ្ឋាភិបាលទេ ព្រោះខ្ញុំនៅខេត្តឧត្ដរមានជ័យ នៅស្រុកកំណើតនោះ។ គេមានមន្ត្រីសង្គមកិច្ច គេចុះឈ្មោះធ្វើក្រដាសស្នាមតាំងពីឆ្នាំ២០០១ ២០០២ នោះ គេទៅចុះឈ្មោះហើយ គេយកលុយយើងបាន៧ម៉ឺនរៀល។ គេថា គេនឹងឧបត្ថម្ភប្រាក់ផ្សេងៗឲ្យខ្ញុំមួយជីវិត។ ប៉ុន្តែមកទល់ឥឡូវនេះ បាត់សូន្យ ហើយទៅសាកសួរគេ គេថាថ្នាក់លើគេចុះទៅបោក»។
ភរិយារបស់អតីតយុទ្ធជនម្នាក់ គឺលោកស្រី ជុំ មុំ រស់នៅខេត្តបាត់ដំបង បានអះអាងថា ស្វាមីគាត់ជាអតីតយុទ្ធជនពិការ បានស្លាប់ប្រមាណ ៦ខែមកហើយ ប៉ុន្តែគ្រួសារគាត់ក៏ពុំបានទទួលប្រាក់ឧបត្ថម្ភអ្វីនោះទេ។
លោកស្រី ជុំ មុំ៖ «សមាគមខាងទាហានហ្នឹងនោះ គេថាលុយហ្នឹងមិនទាន់ធ្លាក់មក ខ្ញុំឆ្ងល់ដែរ។ គេខាងពោធិ៍សាត់ គេបានហើយ ដល់គេកាត់ឈ្មោះគាត់មកនៅខាងបាត់ដំបង បើកលុយជិត២ឆ្នាំហើយ ដល់ពេលគាត់ស្លាប់គេលែងឲ្យគាត់បណ្ដោយ»។
វិទ្យុអាស៊ីសេរី មិនអាចទាក់ទងមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា ដើម្បីឆ្លើយតបបញ្ហានេះបានទេ។
របាយការណ៍ក្រសួងសង្គមកិច្ចបានឲ្យដឹងថា សង្គ្រាមបានបន្សល់ទុកនូវអតីតយុទ្ធជន ពិការ យុទ្ធជនចូលនិវត្តន៍ យុទ្ធជនបាត់បង់សមត្ថភាពការងារ និងគ្រួសារយុទ្ធជនដែលស្លាប់ជាង ៩ម៉ឺននាក់ ព្រមទាំងអ្នកនៅក្នុងបន្ទុកជាង ២សែននាក់ ដែលរដ្ឋាភិបាលបានរ៉ាប់រងដោះស្រាយរបបគោលនយោបាយ ដើម្បីឧបត្ថម្ភដល់ជីវភាពរស់នៅ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
kea
ពី bavet in SVR Provinceខ្ញុំសុំឲ្យប្រជាពលរដ្ឋប្រេទសកម្ពុជាទាំងអស់ មេត្តាមចងចាំថា យួនគឺជាសត្រូវជាមួយខ្មែរដូចនេះយើងទាំងអស់គ្នាដែលមានឈាមជ័រជាខ្មែរ ត្រូវចេះរូបរួមគ្នាការពារជាតិ មាតុភូមិ ព្រោះថា មានយួន ច្រើនណាស់មករស់នៅលើទឹកដីខ្មែរ ។ សព្វថ្ងៃយួន មិនយកទឹកដីទេ ក៏ប៉ុន្តែ យួនវាមករស់នៅលើទឹកដីខ្មែរដោយស្រប់ច្បាប់ ។ ទាំងនេះក៏ដោយសារតែមេដឹនាំរបស់ខ្មែរ មានគំនិត តែមិនគិតពីការធ្វើអត្តោប្រវេសរបស់ពួជយួន ឫក៏ខ្លាចយួនយាណា !?
Jul 02, 2012 10:51 PM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
