WHO ស្នើឲ្យរដ្ឋាភិបាលក្នុងតំបន់ទន្លេមេគង្គបញ្ឈប់ការរាលដាលជំងឺគ្រុនចាញ់
អង្គការ WHO បានរកឃើញភស្តុតាងនៃការកើនឡើងមេរោគជំងឺគ្រុនចាញ់ ដែលស៊ាំនឹងថ្នាំ លំបាកក្នុងការប្រើប្រាស់ថ្នាំព្យាបាល កើតមាននៅតាមភូមិភាគខាងត្បូង និងភូមិភាគកណ្ដាលនៃប្រទេសវៀតណាម និងប្រទេសភូមា ឬមីយ៉ាន់ម៉ា។
ក្រុមអ្នកវិទ្យាសាស្ត្របានរកឃើញជំងឺគ្រុនចាញ់ដែលស៊ាំនឹងថ្នាំ នៅតាមព្រំដែនខ្មែរ-ថៃ និងរវាងព្រំដែនថៃ-ភូមា កាលពីប្រាំបីឆ្នាំមុន។
ទីភ្នាក់ងារព័ត៌មាន អា.អេហ្វ.ប៉េ (AFP) បានដកស្រង់សម្ដីលោក ស៊ីន យុងស៊ូ (Shin Young-soo) នាយកប្រចាំតំបន់នៃអង្គការ WHO ចុះផ្សាយកាលពីថ្ងៃព្រហស្បតិ៍ ថា បញ្ហាទាំងនេះត្រូវតែបំបាត់ជាបន្ទាន់ ដើម្បីកុំឲ្យក្លាយជាឧបសគ្គនៃកិច្ចការការពារជំងឺគ្រុនចាញ់ និងគោលដៅរបស់ WHO ក្នុងការធ្វើឲ្យតំបន់នៃមហាសមុទ្រប៉ាស៊ីហ្វិក ភាគខាងលិច ជាតំបន់គ្មានជំងឺគ្រុនចាញ់នោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
