កម្មករសំណង់នៅខេត្តស្ទឹងត្រែងត្រូវមេការបោកប្រាស់មិនបើកប្រាក់ខែឲ្យ
h100512cp-a1.mp3
តំណាងកម្មករឈ្មោះ ជ្រី ធា មានស្រុកកំណើតនៅខេត្តតាកែវ ដែលត្រូវក្រុមហ៊ុនបញ្ជូនឲ្យទៅធ្វើការនៅឃុំស្រែគរ ស្រុកសេសាន ឲ្យដឹងកាលពីថ្ងៃទី៥ តុលា ថា ពួកគេត្រូវជនជាតិចិនម្នាក់ឈ្មោះ ឡៅ លី ជាមេការនៃក្រុមហ៊ុន លី ជានអ៊ិ បានបោកកម្មករដោយមិនព្រមបើកប្រាក់ខែឲ្យ។
ប្រាក់ខែរបស់កម្មករ ៥៤នាក់ ដែលមេការបានបោកយកទៅ មានចំនួនទឹកប្រាក់សរុប ៤.០០០ដុល្លារ។
លោកបន្តថា កម្មករបានដាក់ពាក្យបណ្ដឹងទៅមន្ទីរការងារខេត្តស្ទឹងត្រែង ដើម្បីសុំកិច្ចអន្តរាគមន៍ដោះស្រាយលើបញ្ហានេះ កាលពីថ្ងៃទី១៥ សីហា ឆ្នាំ២០១២។ ប៉ុន្តែមន្ទីរការងារពុំសូវយកចិត្តទុកដាក់ដោះស្រាយបញ្ហានេះឲ្យពួកគាត់ឡើយ៖ «ខាងក្រុមហ៊ុន សៀវ ហ្គិច ហ្នឹងគេស្គាល់ ប៉ុន្តែដល់ក្រសួងការងារកោះហៅក្រុមហ៊ុន សៀវ ហ្គិច ហ្នឹងទៅប្រជុំទៅសាកសួរ គេថា គេមិនដឹងទៅរកនៅឯណា ហើយខ្ញុំឆ្ងល់ម្យ៉ាងទៀត ចុះបើមិនដឹងទៅរកឯណា ចុះកាលមកធ្វើ ហើយកាលជួលមកធ្វើហ្នឹង ម៉េចក៏ហើយជួលតាមអ្នកណាគេ»។
មេឃុំស្រែគរ លោក សៀក មេគង្គ មានប្រសាសន៍ថា កម្មករដែលបានមកធ្វើការឲ្យក្រុមហ៊ុន សៀវ ហ្គិច នេះ គឺមកពីខេត្តផ្សេងៗ រួមនឹងកម្មករក្នុងឃុំស្រែគរ មួយចំនួនទៀត។ លោកបន្តថា បច្ចុប្បន្ននេះកម្មករទាំងនោះបានដាក់ពាក្យបណ្ដឹងទៅតុលាការខេត្តជាបន្តទៀត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
