កម្មករឈ្មោះ ដល សកល ឲ្យដឹងថា ពួកគាត់ធ្វើការឲ្យក្រុមហ៊ុនឌូវែលផ្លាស នៅភូមិស្រែឈូក ឃុំស្រែឈូក ស្រុកកែវសីមា ខេត្តមណ្ឌលគិរី ដែលដាំដំណាំដំឡូងមីលើផ្ទៃដីប្រមាណ៣.១១០ហិកតារ។ ក្រោយពីលោកធ្វើការឲ្យក្រុមហ៊ុននេះអស់រយៈពេល១ឆ្នាំ ស្រាប់តែនៅថ្ងៃទី១០ កញ្ញា ក្រុមហ៊ុនប្រាប់ពួកគាត់ថា ក្រុមហ៊ុននឹងបញ្ឈប់ពួកគាត់ពីការងារ ព្រោះក្រុមហ៊ុនក្ស័យធន។ ដូច្នេះ ថៅកែក្រុមហ៊ុនសុំពួកគាត់រង់ចាំ១សប្ដាហ៍ ក្រុមហ៊ុនបើកប្រាក់ខែឲ្យ ប៉ុន្តែ ១សប្ដាហ៍កន្លងផុត ពួកគាត់ក៏នាំគ្នាទៅយកប្រាក់ខែនោះ ក្រុមហ៊ុនបែរជាក្រឡះសម្ដីថា គេបើកប្រាក់ខែឲ្យពួកគាត់ត្រឹម១០ថ្ងៃ។
វិទ្យុអាស៊ីសេរី មិនអាចទាក់ទងតំណាងនៃក្រុមហ៊ុនឌូវែលផ្លាស បានទេ នៅថ្ងៃទី១៨ កញ្ញា ឆ្នាំ២០១២៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។