មន្ត្រីគណបក្សប្រជាជនកម្ពុជា ដែលដឹកនាំដោយលោក កែប ជុតិមា អតីតអភិបាលរាជធានីភ្នំពេញ បានរៀបចំទិវាគោរពវិញ្ញាណក្ខន្ធប្រជាជនដែលបានស្លាប់ក្នុងរបបកម្ពុជាប្រជាធិបតេយ្យ ឬរបបខ្មែរក្រហម នៅមជ្ឈមណ្ឌលប្រល័យពូជសាសន៍ជើងឯក។
កម្មករកម្មការិនីរោងចក្រស្បែកជើង ឈ្មោះ វីន ម៉េក (Win Mag) ជាង ៦០០នាក់ បានប្រមូលផ្ដុំគ្នាបិទផ្លូវជាតិលេខ ៣ ដើម្បីទាមទារឲ្យថៅកែរោងចក្រអនុវត្តលក្ខខណ្ឌជាង ១០ចំណុច។
សមាជិកអង្គការក្រៅរដ្ឋាភិបាលឈ្មោះ អង្គការសមាគមសុវណ្ណភូមិវង្សភ័ក្តបូរី ៥រូប ត្រូវបានអាជ្ញាធរប៉ូលិសចាប់ឃាត់ខ្លួនដោយសារអាជ្ញាធរឃុំអន្សាចំបក់ ក្នុងខេត្តពោធិ៍សាត់ ប្ដឹងពីបទឆបោកប្រជាពលរដ្ឋក្នុងឃុំនេះ។ តែប្រធានអង្គការនេះចាត់ទុកថា ការចាប់ខ្លួនសមាជិកអង្គការលោកជាបញ្ហានយោបាយ។
ការអប់រំនិងទីផ្សារការងារ គឺជាតម្រូវការចាំបាច់របស់យុវជន។ បញ្ហានេះត្រូវបានគេលើកឡើងនៅក្នុងសិក្ខាសាលាមួយនៅក្នុងខែត្រកំពង់ចាម ដែលរៀបចំធ្វើឡើងដោយស្ថានទូតសហរដ្ឋអាមេរិក ប្រចាំនៅកម្ពុជា ដើម្បីឲ្យយុវជនទទួលបានព័ត៌មាន និងចំណេះដឹងផ្សេងៗ ទាក់ទងនឹងវិស័យអប់រំ។
តុលាការខេត្តស្វាយរៀង កំណត់យកថ្ងៃទី២១ ខែឧសភា ឆ្នាំ២០១៣ ជាថ្ងៃបើកសវនាការជាថ្មីក្នុងសំណុំរឿងលោក ឈូក បណ្ឌិត បាញ់ប្រហារលើកក្រុមកម្មកររោងចក្រកៅវ៉េ (Kaoway) ៣នាក់ឲ្យរងរបួសធ្ងន់ធ្ងរ បន្ទាប់ពីសាលាឧទ្ធរណ៍បានបង្វែរសំណុំរឿងនេះទៅតុលាការខេត្តស្វាយរៀង តាំងពីដើមខែមីនា។
ខណៈពេលតុលាការខេត្តរតនគិរី កំពុងស៊ើបអង្កេតសំណុំរឿងចោទប្រកាន់មន្ត្រីអាជ្ញាធរថា បានលក់ដីព្រៃឈើជាង ៤០០ហិកតារ នៅស្រុកអូរយ៉ាដាវ។ ប្រជាពលរដ្ឋសហគមន៍ជាដើមបណ្ដឹងអះអាងថា មេភូមិបានប្រើប្រាស់អាជ្ញាធរប្រពៃណីប៉ុនប៉ងបណ្ដេញលោកចេញពីសហគមន៍ ដោយសារតែលោកមិនព្រមដកពាក្យបញ្ឈប់ប្ដឹងពីករណីនេះ។
តាំងពីបុរាណមក បុព្វបុរសខ្មែរបានបន្សល់ទុកនូវកេរមរតកវប្បធម៌ដ៏មានតម្លៃសម្រាប់កូនចៅជំនាន់ក្រោយ។ វប្បធម៌ទាំងនោះមានពីរយ៉ាងជាសំខាន់ គឺវប្បធម៌ រូបិយ និង អរូបិយ។
ភាពក្រីក្រនិងកង្វះខាតក្នុងជីវភាពប្រចាំថ្ងៃ គឺជាកត្តាចម្បងដែលបណ្ដាលឲ្យប្រជាពលរដ្ឋនៅតំបន់ជនបទជាច្រើនបានបង្ខំចិត្តធ្វើចំណាកស្រុកទៅរកការងារធ្វើ ដើម្បីជួយដោះស្រាយជីវភាពគ្រួសារ។
ពលរដ្ឋនៅឃុំបន្ទាយនាង ស្រុកមង្គលបុរី ខេត្តបន្ទាយមានជ័យ ជាច្រើនរយនាក់ បាននាំគ្នាបិទកំណាត់ផ្លូវជាតិលេខ៥ អស់រយៈជាងកន្លះម៉ោង ដើម្បីទាមទារឲ្យអាជ្ញាធរស្រុក និងខេត្តចុះអន្តរាគមន៍ជួយលើករណីឈ្មួញម៉ៅការភ្លើងអគ្គិសនី ដែលលួចកែច្នៃកុងទ័រធ្វើភ្លើងអគ្គិសនី ដើរលឿនខុសប្រក្រតី។
ក្រុមការងារជំនាញអគ្គនាយកដ្ឋានសំណង់នៃក្រសួងរៀបចំដែនដី នគរូបនីយកម្ម និងសំណង់ បានចុះពិនិត្យស្រាវជ្រាវភ្លាមៗនៅកន្លែងកើតហេតុបន្ទាប់ពីមានការបាក់ស្រុតពិតានឡៅតឿ ក្នុងអាគាររោងចក្រស្បែកជើង វីង ស្តារ (Wing Star Shoes Co., LTD.) ក្នុងស្រុកគងពិសី ខេត្តកំពង់ស្ពឺ កាលពីថ្ងៃទី១៦ ខែឧសភា។
មន្ត្រីកាកបាទក្រហមកម្ពុជា ខេត្តសៀមរាប បានឱ្យដឹងថា ចាប់តាំងពីអំឡុងខែមករា រហូតដល់ពាក់កណ្ដាលខែឧសភា ឆ្នាំ២០១៣ ខ្យល់ព្យុះបានបំផ្លាញផ្ទះសម្បែងរបស់ប្រជាពលរដ្ឋនៅក្នុងខេត្តនេះចំនួន ១២ស្រុក អស់ប្រមាណជា ៤០០ខ្នង។
គណបក្សប្រជាជនកម្ពុជា កំពុងប្រើយុទ្ធវិធីថ្មីមុនការបោះឆ្នោត ដើម្បីបំបាក់មុខគណបក្សប្រកួតប្រជែង ដោយប្រើពាក្យសម្ដីបងប្អូនបង្កើត គាំទ្រគណបក្សនយោបាយខុសគ្នាមករិះគន់គ្នា ហើយផ្សាយជាសាធារណៈ។
