កំណាព្យ គុណត្នោត គួរថែ
យី ឆេងអ៊ួ (ប៉េង)
1. ត្នោតខំប្រឹងផ្លែ ម៉ែខំធ្វើការ ដើម្បីនរណា គឺព្រោះតែកូន។
2. សញ្ជាតិជាខ្មែរ ថែបងថែប្អូន ត្នោតផ្លែរាប់ផ្លូន ពូនខ្មែរឲ្យថ្កើង។
3. ខ្មែរអឺយកូនខ្មែរ រួសរាន់ភ្ញាក់ឡើង សន្សំដាក់ទ្រើង ដាំដុះត្នោតខ្មែរ។
4. ក្រុងចម្ការស្រែ ដីនៅទំនេរ ប្រឹងបណ្ដុះថែ ត្នោតខ្មែរឲ្យច្រើន។
5. ត្នោតជួយជាតិខ្មែរ ឲ្យរីកចម្រើន ត្នោតខ្មែរដុះច្រើន មិនរើសកន្លែង។
6. ត្នោតខំប្រឹងលូត លាស់តែម្នាក់ឯង ត្នោតមិនចំបែង រឿងព្រួយរក្សា។
7. ដូច្នេះសូមអស់ កូនចៅខេមរា ខំប្រឹងរក្សា ស្ទួយត្នោតឡើងវិញ។
8. ឈប់កាប់បំផ្លាញ ឈប់កាប់គាស់ចេញ ខ្មែរនឹងចំណេញ សេដ្ឋកិច្ចបវរ៕៚
Nick
ពី Chicagoចម្រៀងជំនាន់១៩៨៣ អធិប្បាយពីដើមត្នោតពីរោះគួរសម
(ស្រី) ដើមត្នោត រាងរៀវខ្ពស់សន្លឹម អូនឈរ សម្លឹងស្រៀវញរ័ហត្ថា
ពេលឃើញបងឡើង ហក់យ៉ាងហានក្លា បំពង់យោលយាជាចង្វាក់ភ្លេង។
(ឱណាជាចង្វាក់ភ្លេង)
(ប្រុស) រសៀល បងឡើងគាបរឹត យកកាំបិតចិត ចាប់ចងទងផ្កា
ពេលព្រឹកព្រលឹម ទឹកស្រក់ពេញហៀរ យកទៅរំងាស់ជាស្ករផ្អែមឈ្ងុយ។
(ឱណាស្ករត្នោតផ្អែមឈ្ងុយ)
(ស្រីប្រុស) ដើមអាច ប្រើបានតាមត្រូវការ ជារនូតក្ដាតាមចិត្តស្រឡាញ់
ចំណែកស្ករវិញត្នោតអាចបំពេញ ធ្វើនំឈ្ងុយឆ្ងាញ់ចិត្តសែនរីករាយ។
(ឱណាស្ករត្នោតឈ្ងុយឆ្ងាញ់)
ខ្ញុំចាំបានតែប៉ុណ្ណឹងឯងហើយក៏មិនចាំអ្នកនិពន្ធដែរ។ពី Nick/USA
Jun 09, 2012 11:04 PM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
