វស្សា​ជ្រះ​ថ្លា

ដោយ យី ឆេងអ៊ួ (ប៉េង)
2012-11-07
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល

បទ​កាកគតិ

១.ចូល​ព្រះវស្សា    អស់​ជន​ខេមរា    គួរ​រក្សា​សីល    កាន់​ធម៌​សុចរិត    ពិត​មិន​រេចរឹល    ខំ​រក្សា​សីល    ទើប​ជួប​និព្វាន។

២.លះ​បង់​កំណាញ់    រក​សប្បុរស​វិញ    កុំ​នៅ​អឹមអៀន    សន្សំ​តិចៗ    ចូល​ខ្លួន​បួស​រៀន    យក​ធម៌​ធ្វើ​ស្ពាន    មនុស្ស​ឆ្លង​បាន​ច្រើន។

៣.ប្រគេន​ព្រះសង្ឃ    ត្រូវ​ហ៊ាន​លះ​បង់    បុណ្យ​នឹង​កើត​កើន    ចង្ហាន់​បិណ្ឌបាត    គួរ​ខំ​ក្រវើន    បើ​លះ​បាន​ច្រើន    បុណ្យ​កើន​ទ្វេ​ដង។

៤.បុណ្យ​ចូល​វស្សា    ទោះ​នៅ​ស្រុក​ណា    មួយ​ឆ្នាំ​មាន​ម្តង    ដូច្នេះ​គួរ​ឆ្លៀត    ធ្វើ​កុំ​សៅហ្មង    នោះ​បុណ្យ​ដែល​ប៉ង    នឹង​បាន​សម្រេច៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។