អង្គជំនុំជម្រះវិសាមញ្ញក្នុងតុលាការកម្ពុជា បានអញ្ជើញដើមបណ្ដឹងរដ្ឋប្បវេណីនៃសំណុំរឿងលេខ០០២ មកចូលរួមស្ដាប់ការកាត់ក្ដីអតីតមេដឹកនាំកំពូលនៅក្នុងរបបកម្ពុជាប្រជាធិបតេយ្យជាបន្តបន្ទាប់ ដើម្បីឲ្យដើមបណ្ដឹងរដ្ឋប្បវេណីទាំងអស់ និងប្រជាពលរដ្ឋទូទៅបានយល់ដឹងអំពីដំណើរការកាត់ក្ដី និងការឆ្លើយតទល់រវាងសាក្សី និងជនជាប់ចោទនៅក្នុងសំណុំរឿងលេខ០០២។
សំណុំរឿងលេខ០០៣ និង ០០៤ ទោះបីជាសំណុំរឿងក្ដីស្ថិតនៅក្នុងភាពចម្រូងចម្រាស់រវាងសហចៅក្រមស៊ើបអង្កេតជាតិ និងសហចៅក្រមអន្តរជាតិក្ដី ប៉ុន្តែអ្នកធ្វើការទាក់ទងនឹងជនជាតិភាគតិច បានស្រាវជ្រាវរកឃើញថា សហចៅក្រមស៊ើបអង្កេតនៃសាលាក្ដីខ្មែរក្រហម នឹងធ្វើការស៊ើបអង្កេតប្រមាណ ៧០% លើខ្មែរក្រោម ដែលបានសម្លាប់នៅក្នុងរបបកម្ពុជាប្រជាធិបតេយ្យនៃសំណុំរឿង០០៤ ទាំងមូល។
ថ្ងៃទី៤ ខែមិថុនា ឆ្នាំ១៩៤៩ ជាថ្ងៃប្រវត្តិសាស្ត្រសម្រាប់ប្រជាពលរដ្ឋខ្មែរគ្រប់រូប។ នៅថ្ងៃទី៤ ខែមិថុនា ឆ្នាំ២០១៣ នេះ ខ្មែរក្រោមរស់នៅក្នុងប្រទេសមួយចំនួននៅលើពិភពលោក បានប្រារព្ធពិធីរំលឹកខួបថ្ងៃបាត់បង់សិទ្ធិអំណាចគ្រប់គ្រង បាត់បង់ទឹកដីខ្មែរកម្ពុជាក្រោម នៅភូមិភាគខាងត្បូងវៀតណាម បច្ចុប្បន្ន។
ខ្មែរកម្ពុជាក្រោម មានលក្ខណៈខុសពីខ្មែរទូទៅ ដូចជាភាសានិយាយ ការរស់នៅ ការមកតាំងទីលំនៅថ្មីក្នុងប្រទេសកម្ពុជា ហើយមានបងប្អូនរស់នៅលើទឹកដីកំណើតនៅវៀតណាម ភូមិភាគខាងត្បូងជាដើម។ នៅក្នុងរបបកម្ពុជាប្រជាធិបតេយ្យ ខ្មែរក្រហម បានដៅ និងសម្លាប់ខ្មែរក្រោមដោយចេតនា ពីព្រោះថា ខ្មែរក្រហមបានចោទប្រកាន់ខ្មែរក្រោមថាក្បាលយួនខ្លួនខ្មែរ។
ព្រះសង្ឃខ្មែរក្រោមនៅខេត្តឃ្លាំង ត្រូវបានអាជ្ញាធរវៀតណាម ចាប់ខ្លួនជាបន្តបន្ទាប់នៅក្នុងរយៈពេលកន្លងមកនេះ។ រហូតមកទល់ពេលនេះ ព្រះសង្ឃទាំងនោះមិនដឹងថាអាជ្ញាធរវៀតណាម បញ្ជូនយកទៅឃុំឃាំងនៅទីកន្លែងណាពិតប្រាកដនៅឡើយ។
ជនភៀសខ្លួនខ្មែរក្រោមនៅប្រទេសថៃ ក្នុងនោះមានអ្នកកំពុងរង់ចាំធ្វើសម្ភាស អ្នកខ្លះធ្លាក់បទសម្ភាសន៍ដើម្បីទទួលបានឋានៈជាជនភៀសខ្លួនពីអង្គការសហប្រជាជាតិទទួលបន្ទុកជនភៀសខ្លួន យូ.អិន.អេច.ស៊ី.អ (UNHCR)។ ស្ថានភាពរស់នៅជនភៀសខ្លួនទាំងនោះ ប្រឈមនឹងការលំបាកសព្វបែបយ៉ាងក្នុងការរស់នៅជាជនអន្តោប្រវេសន៍មិនស្របច្បាប់។
ពិធីបុណ្យចូលឆ្នាំថ្មីប្រពៃណីខ្មែរ ដែលនឹងប្រព្រឹត្តទៅចាប់ពីថ្ងៃទី១៤ ដល់ថ្ងៃទី១៦ ខែមេសា ខាងមុខនេះ ប្រជាពលរដ្ឋខ្មែរ ឬទូទៅបានត្រៀមខ្លួនអបអរសាទរក្នុងទិវាចូលឆ្នាំថ្មីនេះ។ ប្រជាពលរដ្ឋខ្មែរនៅកម្ពុជាទាំងអស់ បានសម្រាកក្នុងពិធីបុណ្យប្រពៃណីជាតិនេះ ហើយគ្រឹះស្ថានសិក្សា ស្ថាប័នរដ្ឋ ឯកជន ក៏បានឈប់សម្រាកទាំងអស់ដែរ។
