ជនរងគ្រោះដោយអំពើរំលោភសេពសន្ថវៈស្នើសុំឲ្យបង្កើនចំនួននគរបាលស្ត្រី
ដោយ សុ ជីវី
2015.01.16
2015.01.16
Photo courtesy of Ministry of Women Affair
អំពើរំលោភសេពសន្ថវៈនៅតែជាបញ្ហាចោទ ដែលក្រុមអង្គការមិនមែនរដ្ឋាភិបាល កំពុងព្រួយបារម្ភ។ ក្មេងស្រី ឬស្ត្រីរងគ្រោះជាច្រើន នៅបន្តឋិតក្នុងភាពស្ងៀមស្ងាត់មិនរាយការណ៍ពីករណីនេះ ឬរាយការណ៍ដែរ ប៉ុន្តែពុំមានក្តីសង្ឃឹមថាទទួលបានយុត្តិធម៌។
ស្របគ្នានេះ មានជនរងគ្រោះមួយចំនួនសម្រេចចិត្តមិនប្ដឹងផ្ដល់ ដោយសារតែការភ័យខ្លាច ខ្មាសអៀន ឬត្រូវអាជ្ញាធរសម្របសម្រួលឲ្យទទួលសំណងក្រៅច្បាប់។ បញ្ហានេះ ជនរងគ្រោះ និងអង្គការមិនមែនរដ្ឋាភិបាល ចាត់ទុកថា អាចបណ្ដាលមកពីការខ្វះខាតមន្ត្រីនគរបាលជាស្ត្រី ដែលមានជំនាញក្នុងកិច្ចការពារសិទ្ធិស្ត្រី។
ក្នុងនាទីស្ត្រីខ្មែរសប្ដាហ៍នេះ អ្នកស្រី សុ ជីវី រាយការណ៍ពីការស្នើសុំបង្កើនចំនួនស្ត្រីបម្រើការងារនគរបាល ក្នុងសំណុំរឿងរំលោភសេពសន្ថវៈនៅកម្ពុជា៖