ຊຸມຊົນຕໍ່ວ່າຮ້ານຂາຍ ປີ້ງໝາ

ມະນີຈັນ
2017-03-16
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ປ້າຍໂຄສະນາ ຮ້ານຂາຍປີ້ງໝາ
ປ້າຍໂຄສະນາ ຮ້ານຂາຍປີ້ງໝາ
RFA/NY

ຊາວເມືອງຫຼວງພຣະບາງ ເມືອງມໍຣະດົກໂລກ ກຳລັງມີການ ວິພາກວິຈານ ເລື້ອງການເປີດຮ້ານ ຂາຍປິ້ງໝາ ໃນຂນະທີ່ ການຄ້າເມືອງ ກໍໃຫ້ເຫດຜົນ ວ່າສາມາດ ດຳເນີນການໄປໄດ້ ເພາະວ່າ ໝາ ບໍ່ຢູ່ໃນບັນຊີ ສັດຫວງຫ້າມ.

ຮ້ານປິ້ງໝາທີ່ເປີດໃຫ້ ບໍຣິການ ຢູ່ເຂດເດີນຍົນ ແລະ ຢູ່ເຂດບ້ານນາເດືອຍ ເມືອງຫຼວງພຣະບາງ ແຂວງຫຼວງພຣະບາງ ກໍາລັງຖືກ ຜູ້ຄົນ ຈຳນວນນຶ່ງ ວິພາກວິຈານ ເຖິງຄວາມ ບໍ່ເໝາະສົມ, ດັ່ງ ຊາວຫຼວງພຣະບາງ ທ່ານນຶ່ງ ໄດ້ກ່າວຕໍ່ ເອເຊັຽເສຣີ ໃນວັນທີ 15 ມິນາ ວ່າ:

"ຂາຍໝາເປັນໂຕກະມີ ຢາກໃຫ້ຜແນກວັທນະທັມ ຫລືການຄ້າ ເຂົ້າມາກວດເບິ່ງ ເນື່ອງຈາກວ່າ ເປັນເມືອງມໍຣະດົກໂລກ ແທ້ໆກໍຍັງເຮັດ ຮ້ານແບບນີ້ ມັນເປີດເຜີຍ ເກີນໄປເບາະ ມັນບໍ່ງາມໜ້າ ງາມຕາ".

ຕາມຣະບຽບການ ແມ່ນບໍ່ມີການຫ້າມ ທຸຣະກິດ ຂາຍປິ້ງໝາ ດັ່ງທ່ານ ໄຊຍະຫວັດ ໂພທິປັນຍາ ຫົວໜ້າຫ້ອງການ ການຄ້າເມືອງຫຼວງ ພຣະບາງ ໄດ້ກ່າວຕໍ່ ເອເຊັຽເສຣີ ໃນວັນທີ 15 ມິນາ ຜ່ານມາວ່າ:

"ເລື້ອງການເຮັດ ທຸຣະກິດ ຫັ້ນນ່າ ພວກເຮົາ ກະບໍ່ເກືອດຫ້າມ ບັນດາ ຂະແໜງການ ກ່ຽວຂ້ອງ ຫາກວ່າເຫັນດີເນາະ ເລື້ອງປະເພດສັດ ທີ່ວ່າ ເຮົາກະຍັງ ບໍ່ທັນເຂົ້າໃຈວ່າ ປະເພດສັດ ໝານີ້ ມັນເປັນສັດ ຫວງຫ້າມ ແນວໃດ ຫັ້ນນ່າ".

ສັດປະເພດໝາ ຍັງບໍ່ຢູ່ໃນຣາຍຊື່ ປະເພດສັດ ທີ່ຫ້າມ ຂ້າແລະຂາຍ, ດັ່ງເຈົ້າໜ້າທີ່ ທ່ານນີ້ ກ່າວອີກວ່າ:

"ເລື້ອງປະເພດໝານີ້ ມັນຈະຂຶ້ນກັບ ຂະແໜງກະສິກັມ ລ້ຽງສັດພຸ້ນ ອັນນີ້ພວກເຮົາກະວ່າ ມັນບໍ່ທັນມີ ຣະບຽບບໍ ຂະແໜງ ກະສິກັມ ຍົກຕົວຢ່າງ ຄືແນວນັ້ນນ່າ ເນາະ".

ການເປີດຮ້ານຂາຍປິ້ງໝາ ຢູ່ເຂດດັ່ງກ່າວ ໄດ້ເປີດບໍຣິການ ມາຫຼາຍປີແລ້ວ ແຕ່ສະເພາະ ຮ້ານຢູ່ເດີນຍົນນັ້ນ ແມ່ນໄດ້ມີການ ຕິດປ້າຍ ຂາຍຊິ້ນໝາ ມາໄດ້ 3 ເດືອນ ສ່ວນວ່າ ຮ້ານອື່ນໆ ຈະບໍ່ມີ ການຕິດປ້າຍ ແລະ ບາງຮ້ານ ກໍຈະໃສ່ຊື່ວ່າ ຮ້ານຟານບ້ານ ເທົ່ານັ້ນ.

ການເປີດບໍຣິການຢູ່ຮ້ານດັ່ງກ່າວ ຈະມີຈະເລີ້ມແຕ່ ເວລາ 3 ໂມງ ເປັນຕົ້ນໄປ ຊຶ່ງພວກລູກຄ້າ ກໍແມ່ນປະຊາຊົນ ທົ່ວໄປ, ພະນັກງານ ຣັຖກອນ ແລະ ພວກກັມມະກອນ ວຽດນາມ. ອີງຕາມ ການບອກເລົ່າ ຂອງ ຊາວຫຼວງພຣະບາງ.

ຢູ່ປະເທດລາວ ບໍ່ມີກົດໝາຍ ຫ້າມຂາຍຊິ້ນໝາ ແລະ ປະເທດລາວ ຍັງເປັນທາງຜ່ານ ໃນການຂົນສົ່ງ ໝາ ຈາກປະເທດໄທ ໄປຂາຍຢູ່ ປະເທດວຽດນາມ.

ຄໍາເຫັນ (4)
  • ພິມ
  • ໃຊ້ຮ່ວມກັນ
  • ອີແມວລ໌

ເດັກລາວ

ຈາກ ເມືອງນອກເມືອງນາ

ຫຼວງພະບາງ ເມືອງງາມຂອງລາວ ມາເຖິງຄາວຕົກຕ່ຳແລ້ວ ນັກທ່ອງທ່ຽວກໍຄົງຈະຄຶດຫນັກກ່ອນຈະໄປຫຼີ້ນ ເພາະຕົກໃຈທີ່ເຫັນ ປະເພນີອັນສວຍງາມຂອງລາວ ກາຍເປັນບ່ອນຂ້າຫມາ ຂາຍຫມາ ຊຶ່ງມັນເປັນການກະທຳທີ່ນັກທ່ອງທ່ຽວ ຈະບໍ່ສາມາດອົດທົນເບິ່ງໄດ້.




[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 19, 2017 02:25 PM

(

It's wonderful ! Now Lao people an thit cho. Enjoy ladies and gentlemen.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 19, 2017 02:24 PM

ຄ.ນະຄຳມວ່ນ

ຈາກ ທ່າແຂກ

ພວກພ້ອມພັກ-ຣັຖ ສປປລາວແດງນີ້ແມ່ນພວກຂືນ ຊາຕ, ສາສນາແລະວັດທະນະທັມດັ້ງເດີມ ດີງາມຂອງຊາຕລາວ ເຮົາໂດຍແທ້, ສິ່ງທີ່ເຖົ້າແກ່ບູຮານນັບຖື ເປັນລັກຢຶດຖືແມ່ນ ພວກເຂົາສົ່ງເສີມ ໃຫ້ເກີດຂຶ້ນຕາມພະລາໃຈ, ເມືອງມໍລະດົກໂລກແທ້ໆ ເປີດຮ້ານຂາຍຊີ້ນຫມາ, ມັນກໍ່ສຸໂຫດຫມົດເທົ່ານັ້ນແລ້ວ, ມີແຕ່ແກວເທົ່ານັ້ນນິຍົມຊີ້ນຫມາ, ຕໍ່ໄປພວກພັກ-ຣັຖ ສປປລາວແດງ ມັນຈະສັ່ງໃຫ້ປີ້ງໄສ້ຫມາກ້ຽວຕີນ ແລ້ວເອົາມາ ຈ້ຳກັບແຈ່ວນາລົກ ເປັນຍອດອາຫານຂອງພວກເຊື້ອຊາຕ ວົງຕະກູນເຂົາຫມົດຢ່າງແນ່ນອນ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 16, 2017 09:15 PM

(

Laos you're losing grip of your own culture. Lao don't eat dog meat but soon you will have to do it for many reasons. First Lao government lets dog meat eaters in from neighboring countries, second soon Laos won't have enough food to provide to Lao population and Lao government doesn't seem care. Two reasons are enough to say why eventually Lao will eat dog in the not so long run. Enjoy yummy !



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 16, 2017 01:17 PM

ເຕັມຫນ້າ