ຊາວລາວປະຕິເສດຄ່າຊົດເຊີຍ ຕໍ່າ

ສົມເນ
2015-04-28
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ເສັ້ນທາງຫລວງ 450 ປີ ທີ່ສ້າງສໍາເຣັດໄປແລ້ວ
ເສັ້ນທາງຫລວງ 450 ປີ ທີ່ສ້າງສໍາເຣັດໄປແລ້ວ
RFA

ທາງການ ນະຄອນ ຫລວງ ວຽງຈັນ ແຈ້ງວ່າ ປັດຈຸບັນ ຍັງມີ ເຈົ້າຂອງ ທີ່ດິນ 200 ກວ່າ ຕອນ ທີ່ ສູນເສັຽ ໃຫ້ ໂຄງການ ສ້າງ ຖົນນ ຫລວງ 450 ປີ ຕັ້ງແຕ່ ທ້າຍ ປີ 2010 ເປັນ ຕົ້ນມາ ນັ້ນ ບໍ່ທັນມາ ຮັບ ເອົາເງິນ ຄ່າ ຊົດເຊີຽ ຈຶ່ງ ຢາກ ປ່າວ ເຕືອນ ໃຫ້ ມາຮັບເອົາ. ຕາມ ຣາຍງານ ໜັງສືພິມ ທາງການ ລາວ ທີ່ ອ້າງຕາມ ຄໍາເວົ້າ ຂອງ ເຈົ້າໜ້າທີ່ ກະຊວງ ຊັພຍາກອນ ທັມມະຊາດ ສິ່ງ ແວດລ້ອມ. ຣາຍງານ ວ່າ ໃນ ລະຍະ 5 ປີ ມານີ້ ຣັຖບານ ໄດ້ ຈ່າຍ ຄ່າ ຊົດເຊີຍ ໃຫ້ ເຈົ້າຂອງ ທີ່ດິນ ໄປແລ້ວ ຈໍານວນ 400 ຕອນ. ເຈົ້າໜ້າທີ່ ວ່າ ຜູ້ທີ່ ບໍ່ທັນ ມາຮັບເອົາ ຄ່າ ຊົດເຊີຍ ນັ້ນ ຈະມາ ຮັບເອົາ ຍາມໃດ ກໍໄດ້.

ຣາຍງານ ຜ່ານມາ ແຈ້ງ ວ່າ ຈໍານວນ ເຈົ້າຂອງ ທີ່ດິນ ດັ້ງເດີມ ທີ່ ບໍ່ ທັນມາ ຮັບເອົາ ຄ່າ ຊົດເຊີຍ ນັ້ນ ຍ້ອນ ເຂົາເຈົ້າ ເຫັນວ່າ ຄ່າ ຊົດເຊີຍ ທີ່ ຣັຖບານ ໃຫ້ ນັ້ນ ຕໍ່າ ເກີນໄປ ແລະ ຕໍ່າກວ່າ ຣາຄາ ທີ່ດິນ ທີ່ ເຂົາເຈົ້າ ຊື້ມາ ຈຶ່ງຢາກ ຂໍໃຫ້ ຣັຖບານ ຈ່າຍ ຄ່າ ຊົດເຊີຍ ຕາມຣາຄາ ຊື້-ຂາຍ ກັນ ໃນ ຕລາດ.

ໂຄງການ ສ້າງ ຖນົນ 450 ປີ ເຮັດໃຫ້ ປະຊາຊົນ ໃນເຂດ ເມືອງ ໄຊເສດຖາ ຫາດຊາຍຟອງ ແລະ ໄຊທານີ ສູນເສັຽ ທີ່ດິນ ທັງໝົດ 600 ຕອນ. ຈໍານວນ ທີ່ ຮັບເອົາ ຄ່າ ຊົດເຊີຽ ໄປແລ້ວ ນັ້ນ ຣັຖບານ ຕີຣາຄາ ໃຫ້ ຕາມ ຣາຄາ ຫລວງ. ຣັຖບານ ຕັ້ງໃຈ ວ່າ ການສ້າງ ຖນົນ 450 ປີ ທີ່ ມີຄວາມ ຍາວ 20 ກິໂລແມັດ ແລະ ຈົ່ງ ທີ່ດິນໄວ້ ສອງ ຟາກທາງ ເບື້ອງ ລະ 50 ແມັດ ສໍາລັບ ໄວ້ຂາຍ ໃຫ້ ຜູ້ ທີ່ ຕ້ອງການ ລົງທຶນ ຕໍ່ ເພື່ອ ຈະນໍາເອົາ ເງິນ ໄປ ເປັນຄ່າ ສ້າງ ຖນົນ 80 ລ້ານ ໂດລາ ທີ່ ກູ້ຢືມ ຈາກ ທະນາຄານ ມາ.

ຄໍາເຫັນ (0)
  • ພິມ
  • ໃຊ້ຮ່ວມກັນ
  • ອີແມວລ໌
ເຕັມຫນ້າ