ຊາວດອນສະໂຮງຢາກຮູ້ຣາຍ ຣະອຽດ

ສິດນີ
2014.02.26
f-donsahong ປະຊາຊົນ ທ້ອງຖິ່ນ ດອນສະໂຮງ ຕ້ອງການຢາກຮູ້ ຣາຍຣະອຽດກ່ຽວກັບ ຄ່າຊົດເຊີຍ ແລະ ຜົລກະທົບ ຈາກສ້າງເຂື່ອນ
RFA

 

ຊາວບ້ານຢູ່ໃນພື້ນທີ່ກໍສ້າງເຂື່ອນດອນສະໂຮງເວົ້າວ່າພວກຂະເຈົ້າ ມີຄວາມເຂົ້າໃຈກ່ຽວກັບການກໍ່ສ້າງເຂື່ອນດອນສະໂຮງໜ້ອຍທີ່ສຸດ ຍ້ອນບໍ່ມີເຈົ້າຫນ້າທີ່ຈາກໂຄງການມາໃຫ້ຂໍ້ມູນໂດຍສີ່ງທີ່ຊາວບ້ານຢາກຮູ້ຫລາຍທີ່ສຸດກໍຄືໂຄງການຈະຈ່າຍຄ່າຊົດເຊີຍໃຫ້ແກ່ຊາວບ້ານ ຜູ້ທີ່ໄດ້ຮັບຜົລກະທົບຫລາຍປານໃດແລະເຂື່ອນຈະສົ່ງຜົລກະທົບຕໍ່ການເປັນຢູ່ຂອງພວກຂະເຈົ້າແນວໃດ:

"ບໍ່ທັນໄດ້ເຂົ້າໃຈລຶກຊື້ງວີຊາການເພີ່ນກໍມາເກັບກໍາຂໍ້ມູນເຣື້ອງປາ,ເຣື້ອງຫຍັງ,ເຣື້ອງຜົລກະທົບຍົກຍ້າຍອີ່ຫຍັງນະກໍເຫັນມາຢູ່ເອົາຂໍ້ມູນ ມາ2-3ເທື່ອກໍບໍ່ເຫັນຈະວ່າແນວໃດປະຊາຊົນໃນບ້ານເພີ່ນກະສົນໃຈຢູ່ດອກວ່າເພີ່ນຊີ່ຊົດເຊີຍແນວໃດຖືກດີນຖືກຫຍ້າເຂົາຫລືວ່າໂຍກ ຍ້າຍຈັດສັນຈັ່ງໃດຢູ່ຈັ່ງໃດ".

ທ່ານກ່າວຕື່ມວ່າເຫັນເຈົ້າຫນ້າທີ່ທາງການແລະເຈົ້າຫນ້າທີ່ຈາກບໍຣິສັດມາເກັບກຳຂໍ້ມູນຢູ່ ແຕ່ຍັງບໍ່ໄດ້ມີການຊີ້ແຈງຣາຍຣະອຽດກັບຊາວ ບ້ານສ່ວນຫລາຍຊາວບ້ານຮູ້ພຽງແຕ່ວ່າບໍຣິສັດ MEGAS FIRST ຈະມາກໍ່ສ້າງເຂື່ອນດອນສະໂຮງຈະມີເຮືອນແລະໂຮງຮຽນຖືກມ້າງ ແຕ່ລາຍລະອຽດເຣື້ອງຜົລກະທົບການຈ່າຍຄ່າຊົດເຊີຍນັ້ນແກ່ຊາວບ້ານນັ້ນ ຍັງບໍ່ຮູ້ເລີຍ.

ທ່ານກ່າວຕໍ່ໄປວ່າ ທີ່ຜ່ານມາມີອົງການສາກົນແລະອົງການຕ່າງຊາດຈະເຂົ້າມາໃຫ້ທຶນພັທນາກັບຊາວບ້ານແຕ່ຍ້ອນຄວາມບໍ່ແຈ່ມແຈ້ງ ຂອງໂຄງການສ້າງເຂື່ອນເຮັດໃຫ້ການຊ່ອຍເຫລືອຈາກອົງການເຫລົ່ານັ້ນຕອ້ງໄດ້ເລື່ອນອອກໄປ ເພື່ອໃຫ້ຊາວບ້ານໄດ້ລໍຖ້າ ໂຄງການ ສ້າງເຂຶ່ອນດອນສະໂຮງກ່ອນ ເຮັດໃຫ້ຊາວບ້ານເສັຽໂອກາດໃນການພັທນາ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.