ຜູ້ນໍາການເງິນຕໍານິຜູ້ສໍ້ໂກງ

ມະນີຈັນ
2016-08-18
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ທ່ານ ສົມດີ ດວງດີ ຣັຖມົນຕຣີ ກະຊວງການເງິນ ສປປລາວ
ທ່ານ ສົມດີ ດວງດີ ຣັຖມົນຕຣີ ກະຊວງການເງິນ ສປປລາວ
Screen captured LNTV video

ທ່ານ ສົມດີ ດວງດີ ຣັຖມົນຕຣີ ກະຊວງການເງິນ ສປປລາວ ໄດ້ວິຈານ ພະນັກງານ ແລະ ຣັຖກອນ ໃນກະຊວງ ຂອງຕົນ ໂດຍຣະບຸວ່າ ມີການແບ່ງພັກ ແບ່ງຝ່າຍ ສະແຫວງຫາ ຜົລປະໂຫຍດ ໃສ່ຕົວ ຈົນພາກັນ ລໍ້າລວຍ ໃຊ້ຈ່າຍ ຢ່າງຟູມເຟືອຍ ເກີນຄວາມເປັນຈິງ.

ພ້ອມດຽວກັນ ທ່ານກໍສັ່ງໃຫ້ ແກ້ໄຂ ປາກົດການ ຫຍໍ້ທໍ້ ດັ່ງກ່າວນັ້ນ, ການວິພາກ ວິຈານ ແບບນີ້ ເປັນເຣື່ອງທີ່ ບໍ່ຄ່ອຍມີ ໃນຫຼາຍປີ ມານີ້. ອີງຕາມຣາຍງານ ຂ່າວຂອງ ຜູ້ຈັດການ ອອນລາຍ ຂອງໄທ ລົງວັນທີ 18 ສິງຫາ 2016.

ດຣ. ສົມດີ ດວງດີ ຊຶ່ງເປັນ ກັມການສູນກາງພັກ ປະຊາຊົນ ປະຕິວັດລາວ ເປັນເລຂາ ຄນະພັກ ກະຊວງ ສໍາຄັນນີ້ ແລະ ທັງເປັນ ຮອງນາຍົກ ຣັຖມົນຕຣີ ຜູ້ບໍຣິຫານ ການເງິນ ການຄັງ, ໄດ້ຕັກເຕືອນ ພະນັກງານ ຣັຖກອນ ໃນຣະຫວ່າງ ກອງປະຊຸມ ພັກ-ກະຊວງ ເມື່ອວັນທີ 11-12 ສິງຫາ ຊຶ່ງໃນນັ້ນ ໄດ້ມີການ ປຶກສາຫາລື ກ່ຽວກັບ ການບໍຣິຫານ ການເງິນ ການຄັງ ສໍາລັບສົກ ງົປມານ 2017 ແລະ ຍຸທສາດ ການເງິນ ການຄັງ ຈົນເຖິງ ປີ 2020.

ຄໍາເວົ້າຂອງຣັຖມົນຕຣີ ການເງິນ ໄດ້ເຮັດໃຫ້ ສັງຄົມ ຄຶດຢ້ອນກັບໄປ ເຫດການ ທີ່ ປະຊາຊົນ ກ່າວກັນວ່າ ເຈົ້າໜ້າທີ່ ພາສີ ປະຈໍາດ່ານ ທ່ານາແລ້ງ ຂົວ ມິຕພາບ ວຽງຈັນ ໜອງຄາຍ ແລະອື່ນໆ ພາກັນ ຮັ່ງມີດີໄດ້ ຢ່າງຫຼວງຫຼາຍ.

ແຕ່ກໍຍັງມີ ຣັຖມົນຕຣີ ຊ່ວຍວ່າການ ບາງທ່ານ ອອກມາແກ້ຕາງ ວ່າຈາກການກວດກາ ຍັງ ບໍ່ພົບວ່າມີ ເຈົ້າໜ້າທີ່ ຄົນໃດ ທີ່ ຮັ່ງມີ ລໍ້າລວຍ ຜິດປົກກະຕິ.

ຄໍາເຫັນ (6)
  • ພິມ
  • ໃຊ້ຮ່ວມກັນ
  • ອີແມວລ໌

ລາວເບື່ອ

ຈາກ ວຈ

ຕຳໜິຕິຕຽນມັນບໍເຂັດຫຼາບດອກ, ໃຫ້ດຶງຫົວມັນເຂົ້າຄຸກໂລດມັນຈັ່ງຊິຫຼາບ, ຢ່າໃຊ້ທິດສດີເລນິນຂີ້ຕົວະ, ຂ້ຽຂີ້ດຽດ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 25, 2016 01:46 PM

ຄ.ນະຄຳມ່ວນ

ຈາກ ທ່າແຂກ

ຖ້າຕ້ອງການໃຫ້ປະເທດຊາຕ ຈະເລີນຮູ່ງເຮືອງທັນກັບ ຍຸກໂລກາພິວັດແທ້ໆນັ້ນ, ຕ້ອງຍົກບັນຫາການປາບໂກງ ເປັນວາລະແຫ່ງຊາຕເລີຍ, ການສໍ້ໂກງເປັນຄົນລູ້ນເກົ່າ, ຄົນລູ້ນໃຫມ່ໃນຍຸກໃຫມ່, ການສໍ້ໂກງຕ້ອງຫາຍສາບສູນໄປ ຕາມການເວລາ.!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 12, 2016 02:46 PM

ຄ.ນະຄຳມ່ວນ

ຈາກ ທ່າແຂກ

ຮູ້ດີແລ້ວວ່າມີການ ສໍ້ໂກງ ຈົ່ງເອົາໃຈໃສ່ແກ້ໄຂ ແບບບໍ່ໄວ້ຫນ້າພຣະແລະຈົວ, ຄວາມຊົ່ວກໍ່ຈະຫາຍໄປກັບບ່ອນ. ປະຕິຮູບໃຫ້ເຖິງກົກເຖິງຮາກເສັຍແຕ່ດຽວນີ້ ປະຊາຊົນລາວທັງຊາຕ ຫນູນຫລັງ ທ່ານຢູ່!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 12, 2016 02:44 PM

ຄ.ນະຄຳມ່ວນ

ຈາກ ທ່າແຂກ

ເງິນໆຄຳໆ ມັນເປັນຂອງບາດຕາແລະບາດໃຈ, ຜູ້ໄດເຫັນກໍ່ມີແຕ່ ເກີດຄວາມຢາກດ້ວຍກັນທັງນັ້ນ, ຮູ້ວ່າບໍ່ດີກໍ່ຈົ່ງຢ່າໄດ້ລໍສັກຊ້າ ຫາທາງແກ້ໄຂປັບປຸງໃຫ້ດີຂຶ້ນ, ຍ້ອນພະນັກງານຣັຖກອນຂອງ ພັກ-ຣັຖ ສປປລາວ ລ້ຽງຜີລວງຕາ ຢູ່ໃນເຮືອນຫຼາຍໂພດ ພວກມັນຈຶ່ງສັນໂດດ ຫອບເອົາແບບ ກອບ,ໂກຍ,ກິນ,ກ້ຽງ ບໍ່ຫົວຊາ ນຳໂທດທົັນສິ່ງໄດສິ່ງນຶ່ງເລີຍ!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 23, 2016 02:26 PM

ວຽງຟ້າ

ຈາກ ວຈ

ເອົາມັນໃສ່ຄຸກໂລດ ລັດຖມົນຕີເອີຍ ຢ່າມີແຕ່ຄວາມຊື່ໆ ມັນບໍມີຜົນດີຕໍຊາດດອກ, ຖ້າທ່ານບໍ່ປະຕິບັດຕົວຈິງ, ຢູ່ບ້ານຂອ້ຍພວກຢູລວຍຄູ່ຄົນ ກະເທີນວ່າຊິເອົາສ້ອຍຄຳບ່ອງຮີມເມຍປານວ່າ, ຈ່າຍມື້ລະ1000-2000ຫຼຽນ,


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 23, 2016 02:17 PM

ເບິ່ງຄວາມເຫັນທັງໝົດ.

ເຕັມຫນ້າ