ຄ່າຄອງຊີພຢູ່ລາວສູງຂຶ້ນ ນັບມື້

ສິດນີ
2016-08-15
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ຕລາດຮ້ານຄ້າ ຢູ່ລາວ ສ່ວນໃຫຍ່ແມ່ນ ສິນຄ້ານໍາເຂົ້າ
ຕລາດຮ້ານຄ້າ ຢູ່ລາວ ສ່ວນໃຫຍ່ແມ່ນ ສິນຄ້ານໍາເຂົ້າ
RFA

ສປປລາວເປັນອີກປະເທດນື່ງ ທີ່ມີບັນຫາ ຄ່າຄອງຊີພສູງ ແລະ ຈະເປັນບັນຫາ ສຳຄັນ ບັ່ນທອນ ການເຕີບໂຕ ທາງເສຖກິຈ ຂອງລາວ ໃນອະນາຄົດ. ທີ່ ນະຄອນຫຼວງ ວຽງຈັນ ຣາຄາ ສິນຄ້າ ສູງຂຶ້ນ ເກືອບຮອດ 30% ຈາກເດືອນ ຕຸລາ ປີທີ່ຜ່ານມາ ເຮັດໃຫ້ ປະຊາຊົນ ເດືອດຮ້ອນ ແລະ ແບກຫາບ ພາລະຫນັກ ສຳລັບ ຄອບຄົວ.

ເຈົ້າຫນ້າທີ່ ອາວຸໂສ ກະຊວງ ອຸດສາຫະກັມ ແລະການຄ້າ ສປປລາວ ຍອມຮັບວ່າ ການປັບຂຶ້ນ ຂອງຣາຄາ ສິນຄ້າ ໃນລາວ ສາເຫດ ມາຈາກ ຫຼາຍບັນຫາ ນຶ່ງໃນນັ້ນ ແມ່ນການ ນຳເຂົ້າສິນຄ້າ ຈາກ ຕ່າງປະເທດ ຫຼາຍເກີນໄປ ເປັນຕົ້ນ ປະເທດໄທ ຍ້ອນ ສປປລາວ ບໍ່ສາມາດ ຜລິດໄດ້ ພຽງພໍກັບ ຄວາມຕ້ອງການ ຂອງ ພົລເມືອງ.

ດັ່ງຕົວຢ່າງ ເຂົ້າຫນຽວ ຢູ່ລາວ ຣາຄາ ເພີ້ມຂຶ້ນ ຈາກ 8500 ກີບ ມາເປັນ 12 ພັນ ຫລື ປະມານ 52 ບາດ ຕໍ່ ກິໂລກຣາມ ສູງກວ່າ ປະເທດໄທ ກິໂລລະ30-37 ບາດ ສິນຄ້າ ປະເພດອື່ນໆ ກໍສຸງຂຶ້ນ ເຊັ່ນກັນ ເປັນຕົ້ນຊີ້ນຫມູ ແລະ ຊີ້ນງົວ, ຊີ້ນງົວ ຢູ່ລາວ ຈະເພີ້ມຂຶ້ນ ຖ້າທຽບໃສ່ ເງິນບາດ ຈາກ ກິໂລລະ 325 ບາດ ຂຶ້ນເປັນ 367 ບາດ ສູງກວ່າ ຢູ່ໄທ ກິໂລລະ 230 ຫາ 270 ບາດ ແລະ ສິນຄ້າ ປະເພດອື່ນໆ ກໍສູງຂຶ້ນ ໃນແຕ່ລະມື້.

ຣາຍງານວ່າ ປະຊາຊົນລາວ ບາງກຸ່ມ ໄດ້ສະແດງ ຄວາມເຫັນ ຕໍ່ການ ບໍຣິຫານງານ ຂອງຣັຖບານ ຊຸດນີ້ວ່າ ຂາດ ປະສິດທິພາບ ໃນການ ຄວບຄຸມ ຣາຄາສິນຄ້າ ໃນ ທ້ອງຕລາດ ເຮັດໃຫ້ ປະຊາຊົນ ເດືອດຮ້ອນ ແລະ ກໍບໍ່ຫມັ້ນໃຈ ໃນຄ່າ ຂອງເງິນ ກີບ ຂອງ ຣັຖບານ.

ຄໍາເຫັນ (1)
  • ພິມ
  • ໃຊ້ຮ່ວມກັນ
  • ອີແມວລ໌

ຄ.ນະຄຳມ່ວນ

ຈາກ ທ່າແຂກ

ພິມເງິນກີບບໍ່ມີສິ່ງຄ້ຳປະກັນ, ລາຄາເງິນກີບສູງເກີນຄວນ, ການພະລິດສິນຄ້າສົ່ງອອກບໍ່ມີ, ລາຍໄດ້ພື້ນຖານມາຈາກເງິນຢືນ, ວຽກເຮັດງານທຳຂອງປະຊາຊົນບໍ່ມີ, ພັດທະນາປະເທສເກີນ ຄວາມເປັນຈິງ,ເງິນທີ່ຂໍຢືມ ແລະຕ່າງປະເທສຊ່ວຍເຫລືອມາ ພະນັກງານພັກ-ຣັຖ ພາກັນສໍ້ໂກງກິນຫມົດ, ບໍ່ຟັງອົງການ ເງິນສາກົນແນະນຳຕັກເຕືອນ, ທຸກຢ່າງກໍ່ເປັນຫົວຊ້າງຫາງຫນູ ຢ່າງທີ່ເຫັນກັນຢູ່ນີ້ແລ້ວ, ເຊົາສະ!ຄວາມສລາດຈັງໄຮໄປບໍ່ເຖິງ ຈຸດຫມາຍປາຍທາງຈັກເທື່ອນັ້ນນ້າ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 16, 2016 04:55 PM

ເຕັມຫນ້າ