ຜົນການສືບສວນບໍຣິສັດ ພີເອັສ

ອະວາຣີ
2017-10-05
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ພາບເຫດການໃນມື້ທີ່ ເຈົ້າໜ້າທີ່ ກໍາລັງນໍາເອົາ ທ່ານ ປໍເຮີ ອອກໄປຈາກ ສໍານັກງານ ບໍຣິສັດພີເອັສ
ພາບເຫດການໃນມື້ທີ່ ເຈົ້າໜ້າທີ່ ກໍາລັງນໍາເອົາ ທ່ານ ປໍເຮີ ອອກໄປຈາກ ສໍານັກງານ ບໍຣິສັດພີເອັສ
Screen captured citizen video

ຄະນະກັມມະການສະເພາະກິດ ຈັດພິທີຖແລງຄວາມຄືບໜ້າ ໃນການສືບສວນ ບໍຣິສັດພີເອັສ ແລະ ຄະນະບໍຣິຫານງານ ເມື່ອວັນພະຫັດ ວັນທີ່ 5 ເດືອນຕຸລາ 2017 ນີ້ທີ່ ນະຄອນຫຼວງວຽງຈັນ. ດຣ.ອາຄົມ ປະເສີດ ຫົວໜ້າປະທານຄະນະກັມມະການ ສະເພາະກິດຖະແຫຼງ ສລຸບຜົນ ຂອງການສືບສວນ ຕອນນຶ່ງວ່າ:

“ບໍຣິສັດພີເອັສ ແມ່ນໃຊ້ເລ້ລ່ຽມຕົວະຍົວະຫລອກລອງ ດ້ວຍວິທີການ ໂຄສະນາຕ່າງໆ ວ່າຈະໃຫ້ຜົນ ຕອບແທນສູງ ເພື່ອໃຫ້ບຸກຄົນອື່ນ ຫລົງເຊື່ອ ແລ້ວເອົາເງິນມາໃຫ້ ບໍຣິສັດພີເອັສ ດ້ວຍຮູບການ ເຮັດສັນຍາ ຮ່ວມທຶນນຳສະມາຊິກ ແລ້ວຈະໃຫ້ດອກເບັ້ຽສູງ ເພື່ອເປັນແຮງ ຈູງໃຈ ແຕ່ພາຍຫລັງ ບໍຣິສັດພີເອັສ ໄດ້ເງິນຈາກສະມາຊິກແລ້ວ ພັດບໍ່ຈ່າຍເງິນ ຄືນຕາມສັນຍາ".

ດຣ.ອາຄົມ ປະເສີດ ຖແລງອີກວ່າ ກ່ອນນີ້ບໍ່ດົນ ທາງກົມໃຫຍ່ຕຳຣວດ ກະຊວງປ້ອງກັນຄວາມສງົບ ໄດ້ປະກາດໃຫ້ ຜູ້ເສັຍຫາຍມາຍື່ນ ຄຳຮ້ອງຟ້ອງ ເພື່ອທວງເງິນຄືນ ປັດຈຸບັນ ໄດ້ຮັບຄຳຮ້ອງ ແລ້ວ ຈຳນວນ 5,020 ຄົນ ແລະລວມມູນຄ່າ ເສັຍຫາຍ 190 ຕື້ກີບ.

ຫົວໜ້າຄະນະກັມມະການສະເພາະກິດ ຣາຍງານອີກວ່າ ຄະນະກັມມະການຂອງທ່ານ ໄດ້ກວດກາການເຄື່ອນໄຫວ ທາງດ້ານການເງິນ ຂອງບໍຣິສັດພີເອັສ ກວດເຄື່ອງຈັກ ວັດຖຸ ອຸບປະກອນ ຊັບສິນຕ່າງໆຂອງບໍຣິສັດ ແລະສັ່ງໃຫ້ບໍຣິສັດ ຢຸດການດຳເນີນງານ ໃນເວລາ ດຳເນີນ ຄະດີຢູ່ນີ້. ສ່ວນຜູ້ກະທຳຜິດ ດຣ.ອາຄົມ ເວົ້າວ່າ:

"ປັດຈຸບັນເຈົ້າໜ້າທີ່ ກໍໄດ້ເປີດ ການສືບສວນສອບສວນ ຕໍ່ກັບຜູ້ຄົນທີ່ມີສ່ວນ ກ່ຽວຂ້ອງ ໃນຖານສໍ້ໂກງຊັບສິນ ພົລເມືອງ ແລະ ອົງການ ອັຍການ ກໍໄດ້ອອກຄຳສັ່ງ ກັກຂັງພາງ ປະທານ ບໍຣິສັດ ພີເອັສ ນາງສຸກນາລີ ເທບສີເມືອງ ແລະ ທ້າວປໍເຮີ ພ້ອມດ້ວຍ ຜູ້ຖືກຫາ ຈຳນວນນຶ່ງ".

ຄະນະກັມມະການສະເພາະກິດ ຈະສືບສວນບໍຣິສັດພິເອັສ ແລະ ຄະນະບໍຣິຫານງານ ຢ່າງໂປ່ງໃສ ແລະເປັນທັມ ແລະ ໃນຂະນະດຽວກັນ ກໍຂໍຮ້ອງໃຫ້ ຜູ້ເສັຍຫາຍ ໃຫ້ອົດທົນ ແລະໃຫ້ຄວາມ ຮ່ວມມື ກັບ ພັກຣັດ ໃນການແກ້ໄຂ ບັນຫາ ດັ່ງກ່າວ.

ຄໍາເຫັນ (2)
  • ພິມ
  • ໃຊ້ຮ່ວມກັນ
  • ອີແມວລ໌

(

Lao people wake up. Your government steals your money, your land , your country. they mistreat you, ignore your claims, sell your daughters and sons to foreign countries , they enslave you. This must stop and all depends on you. Stand up against this blood-sucking regime. They cannot last forever if you want to change. Lao people you're not the only ones who want a change. Vietnamese too they want to breath the fresh air freedom and liberty. Go, go, go chase away this inhumane regime so it stops sucking blood from you.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Oct 11, 2017 02:11 PM

(

After a daylight hold-up made on Lao people's money, Lao government sets up a piece of theater. At the end, there'll be nothing left because everything's gone off-shore !Lao people can start crying their eyes out. When mobs and government hold hands together they can do a lot of things including legally stealing money from their people.



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Oct 09, 2017 02:10 PM

ເຕັມຫນ້າ