ໂຄງການພັທນາການຄ້າ ລາວ-ຈີນ ມ.ຍອດອູ

ສິດນີ
2017-08-10
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ທິວທັສ ເມືອງຍອດອູ ແຂວງຜົ້ງສາລີ
ທິວທັສ ເມືອງຍອດອູ ແຂວງຜົ້ງສາລີ
Screen captured travel Laos video

ໂຄງການພັທນາການຄ້າຊາຍແດນ ລາວ-ຈີນ ທີ່ເມືອງຍອດອູ ແຂວງຜົ້ງສາລີ ໃນປັດຈຸບັນ ຍັງຢູ່ໃນຂັ້ນຕອນ ພິຈາຣະນາ ຂອງຣັຖບານ ທີ່ ຍັງບໍ່ທັນ ອະນຸມັດ ໃຫ້ມີການພັທນາເທື່ອ ເຖິງແມ່ນວ່າຈະມີ 4 ບໍຣິສັດ ຈອງທີ່ດິນ ໄວ້ແລ້ວກໍຕາມ. ດັ່ງເຈົ້າຫນ້າທີ່ ຜແນກແຜນການ ແລະ ການລົງທຶນແຂວງຜົ້ງສາລີ ທ່ານນຶ່ງກ່າວໃນວັນທີ 9 ສິງຫາ ນີ້ວ່າ:

"ຂຶ້ນກັບກະຊວງເດເນາະ ຂຶ້ນກັບກົມສົ່ງເສີມການລົງທຶນ ເພາະເອກສານທັງຫມົດພວກເຮົາກໍໄດ້ ປະກອບຄຳເຫັນໄປຫາທາງການຫັ້ນແລ້ວ ກໍມີ ສີ່ ບໍຣີສັດຄົນຈີນ ມີນຶ່ງເຫລືອຈາກຫັ້ນ ແມ່ນຄົນລາວ".

ທ່ານກ່າວຕື່ມວ່າ ດ່ານຍອດອູ ຝັ່ງລາວໄດ້ກາຍເປັນດ່ານສາກົນແລ້ວ ແລະມີຄົນຈີນເດີນທາງເຂົ້າອອກ ເປັນປະຈໍາໃນແຕ່ລະມື້ ແຕ່ຝັ່ງຈີນ ຍັງບໍ່ເປີດ ເປັນດ່ານສາກົນເທື່ອ. ແຕ່ຖ້າຫາກ ໂຄງການພັທນາການຄ້າ ຊາຍແດນດັ່ງກ່າວ ຖືກພັທນາເຊື່ອວ່າ ເສຖກິດ ໃນແຂວງຜົ້ງສາລີ ຈະມີການເຕີບໂຕ ຫລາຍເທົ່າ.

ວິທຍຸເອເຊັຽເສຣີ ໄດ້ຕິດຕໍ່ໄປຫາ ກົມສົ່ງເສີມການລົງທຶນ ທີ່ນະຄອນຫລວງວຽງຈັນ ເພື່ອຢາກຮູ້ລາຍລະອຽດ ກ່ຽວກັບ ໂຄງການນີ້ ແຕ່ ເຈົ້າຫນ້າທີ່ ກ່ຽວຂ້ອງ ຍັງບໍ່ສະດວກ ທີ່ຈະໃຫ້ຂໍ້ມູນ.

ໂຄງການເຂດການຄ້າຊາຍແດນ ເມືອງຍອດອູ ເປັນເຂດເສຖກິດ ແຫ່ງດຽວ ໃນແຂວງຜົ້ງສາລີ ທີ່ທາງການລາວ ມີເປົ້າຫມາຍ ຈະພັທນາ ໃຫ້ເປັນເຂດການຄ້າ ຊາຍແດນ ສາມຫລ່ຽມ ຣະຫວ່າງ ລາວ-ຈີນ ແລະວຽດນາມ ສຳລັບໂຄງການເບື້ອງຈີນ ແລະວຽດນາມນັ້ນເລີ້ມສ້າງ ແລ້ວ ເນື່ອງຈາກ ຊອກເອົາ ນັກລົງທຶນ ໄດ້ງ່າຍກວ່າ ທາງຝ່າຍ ສປປລາວ.

ຄໍາເຫັນ (1)
  • ພິມ
  • ໃຊ້ຮ່ວມກັນ
  • ອີແມວລ໌

(

Laos, soon your land is not your land anymore. Sweet Old Boys :)


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 13, 2017 02:02 PM

ເຕັມຫນ້າ