ຣັຖບານ-ຜູ້ຕາງໜ້າລູກຄ້າ ບໍຣິຫານ ພີເອັສ

ອຸ່ນແກ້ວ ສຸກສະຫວັນ
2017-09-14
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ຫ້ອງການໃຫຍ່ ບໍຣິສັດພີເອັສ ຕັ້ງຢູ່ບ້ານປາກຊາບໃໝ່ ເມືອງໄຊທານີ ນະຄອນຫຼວງວຽງຈັນ.
ຫ້ອງການໃຫຍ່ ບໍຣິສັດພີເອັສ ຕັ້ງຢູ່ບ້ານປາກຊາບໃໝ່ ເມືອງໄຊທານີ ນະຄອນຫຼວງວຽງຈັນ.
Public Domain

ຫລັງຈາກ ນາງ ສຸກນາລີ ເທບສີເມືອງ ແລະ ທ້າວ ປໍເຮີ ປະທານ ບໍຣິສັດພີເອັສ ແລະ ສະມາຊິກອີກ 7 ຄົນ ຖືກຈັບເຂົ້າຄຸກ ໂພນທັນ, ຄະນະສະເພາະກິດຣັຖບານ ແລະ ຜູ້ຕາງໜ້າ ປະຊາຊົນ ທີ່ເປັນລູກຄ້າ ບໍຣິສັດພີເອັສ ໄດ້ຕົກລົງກັນ ບໍຣິຫານ ບໍຣິສັດພີເອສ ຕໍ່ໄປ.

ຄະນະສະເພາະກິດຣັຖບານລວມມີ ທະນາຄານແຫ່ງ ສປປລາວ, ເຈົ້າໜ້າທີີ່ ຂັ້ນສູງຈາກ  ຫ້ອງວ່າການ ນະຄອນຫລວງວຽງຈັນ ແລະ ເຈົ້າໜ້າທີ່ກ່ຽວຂ້ອງ ຈາກພາກສ່ວນຕ່າງໆ ໄດ້ປະຊຸມ ກັບປະຊາຊົນ ເພື່ອຜ່ານບົດບັນທຶກ ໃນວັນທີ 12 ກັນຍາ ຢູ່ຫ້ອງການໃຫຍ່ບໍຣິສັດ ພີເອັສ ຕັ້ງຢູ່ ບ້ານປາກຊາບໃໝ່ ເມືອງໄຊທານີ.

ໃນບົດບັນທຶກໄດ້ລະບຸວ່າ ປະທານ ບໍຣິສັດພີເອັສ ຍອມຈ່າຍເງິນຄືນໃຫ້ ປະຊາຊົນ ແລະ ໃຫ້ຄະນະ ສະເພາະກິດ ແລະ ຕົວແທນຂອງ ປະຊາຊົນເປັນຜູ້ຄວບຄຸມ ບໍຣິສັດ, ດັ່ງເຈົ້າໜ້າທີ່ ຫົວໜ້າຫ້ອງວ່າການ ນະຄອນຫລວງວຽງຈັນ ໄດ້ກ່າວ ໃນວັນທີ 12 ກັນຍາ ວ່າ:

"ຍອມຮັບເອົາຂໍ້ສະເໜີ ຂອງປະຊາຊົນ ຄື ຈະສືບຕໍ່ສົ່ງເງິນຄືນ ໝາຍຄວາມວ່າ ໃຊ້ໜີ້ແກ່ພໍ່ແມ່ ປະຊາຊົນ ທັງໝົດ ແລະ ມອບຊັບສິນ ຂອງບໍຣິສັດ ພີເອສ ທັງໝົດ ຫລື ພິສູດວ່າ ເປັນຂອງ ບໍຣິສັດພີເອັສ ທັງໝົດ ໃຫ້ຄະນະ ສະເພາະກິດ ຂອງຣັຖບານ ແລະ ຕົວແທນ ຂອງປະຊາຊົນ ທີ່ເປັນເຈົ້າໜີ້ ແລະ ເປັນຜູ້ກວດກາ ແລະ ອຳນວຍຄວບຄຸມ ກິຈການ ບໍຣິສັດພີເອັສ".

ນອກຈາກນີ້ ລູກຄ້າທີ່ເປັນຕົວແທນ ຂອງບໍຣິສັດພີເອັສ ເຫັນດີ ໃຫ້ກຳມະກອນຢູ່ໃນໂຮງງານ ນັ້ນສືບຕໍ່ ທຳການຜລິດ ແລະ ໃຫ້ບໍຣິການ ຕາມປົກກະຕິດ ໂດຍຢູ່ພາຍໃຕ້ ການກວດກາ ແລະ ຄຸ້ມຄອງດູແລ ຂອງຄະນະສະເພາະກິດຣັຖບານ ແລະ ຕົວແທນປະຊາຊົນ ທີ່ເປັນ ເຈົ້າໜີ້ບໍຣິສັດ.

ກອງປະຊຸມເຫັນດີ ໃຫ້ປະຊາຊົນ ເລືອກຕົວແທນ ຂອງຕົນເອງປະມານ 10 ຄົນ ເຂົ້າມາດຳເນີນງານ ຮ່ວມກັບ ຄະນະສະເພາະກິດ ຂອງຣັຖບານ ຕໍ່ໄປ.

ຫລັງຈາກການຜ່ານບົດບັນທຶກແລ້ວ, ລູກຄ້າຄົນນຶ່ງ ໄດ້ກ່າວຕໍ່ເອເຊັຍເສຣີ ໃນວັນທີ 12 ກັນຍາ ວ່າ: ກໍຈຳເປັນຕ້ອງມີການ ດຳເນີນການ ເພື່ອປະຄອງບໍຣິສັດໄປກ່ອນ ເພາະວ່າ ບັນຫາມັນເກີດຂຶ້ນແລ້ວ ກໍຕ້ອງຄ່ອຍແກ້ໄຂໄປ.

ການຈັບກຸ່ມປະທານບໍຣິສັດ ແລະ ຄະນະບໍຣິຫານຂອງບໍຣິສັດ ໃນຄັ້ງ ເປັນຍ້ອນວ່າ ປະຊາຊົນ ຈາກທົ່ວປະເທດປະມານ 2 ພັນ ຄົນມາ ຊຸມນຸມເພື່ອທວງເງິນ ຈາກບໍຣິສັດພີເອັສ ແຕ່ວັນທີ 11-12 ກັນຍາ.

ລາຍຊື່ ຜູ້ທີ່ຖືກຈັບ ໃນວັນທີ 12 ກັນຍາ ມີດັ່ງຕໍ່ໄປນີ້:

1.ນາງ ສຸກນາລີ ເທບສີເມືອງ ປະທານບໍຣິສັດພີເອັສ

2.ທ້າວ ປໍເຮີ ປະທານຮ່ວມ

3.ທ້າວ ສິງ ນ້ອງຊາຍ ຂອງ ນາງ ສຸກນາລີ

4.ທ້າວ ກີ້ ນ້ອງຊາຍ ຂອງ ນາງ ສຸກນາລີ

5.ທ້າວ ບຸນທຳ ລັດວິໄສ

6.ນາງ ຈັນສະໝອນ

7.ທ້າວ ໄຊຊົງ ທາດເມືອງ

8.ທ້າວ ໄຊຊົງ (ນ້ອຍ

9.ທ້າວ ແກ້ວ ສິງນະວົງ

ຄໍາເຫັນ (3)
  • ພິມ
  • ໃຊ້ຮ່ວມກັນ
  • ອີແມວລ໌

(

Lao people's money is gone for good. There's no need to listen to fake news from the Lao government.PS chairman, co-chairman and the board will be safe and sound.



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 17, 2017 02:24 PM

ຄະນະພັກ ເມືອງ ໄຊຖານີ

ຈາກ ໄຊຖານີ

ພີນ້ອງ ລາວທັງຊາດ, ທຸກຄົນຄົງຈະເຫັນແນ່ນອນວ່າ ພັກລັດຈະຢືດເອົາ ເຄືອງຂອງ ວັດຖູ ຂອງ ບໍລີສັດພີເອັສ ຢ່າງສີ້ນຊີງ ແລະປະຊາຊົນ ຜູ້ລົງທືນຈະບໍ່ໄດ້ຫຍັງຄືນຢ່າງ ແນ່ນອນ. ພັກລັດຈະຢຶດເປັນຂອງລັດໄປ, ຖ້າຜູ້ໃດ ມີປາກສຽງ ຜູ້ນັ້ນຈະຫາຍສາບສູນໄປ. ເບີງໄປເດີ ພີ່ນ້ອງເອີຍມ ພັກລັດເຄີຍໃຊ້ໜີ້ສິນ ແລະຄ່າຊົດເຊີຍຂອງ ປະຊາຊົນ ບໍ່ນາ. ທຸກມື້ນີ້ພັກລັດກອບເກີຍເອົາ ຊັບພະຍະກອນທຳມະຊາດ, ຢືດເອົາທິ່ດິນຂອງ ປະຊາຊົນ,ແລະສ້າງທາງລົດໄຟ ຜ່ານເຮືອນຊານ ບ້ານຊ່ອງ ພັກລັດບໍ່ເຫັນຜົນປະໂຫຍດຂອງ ປະຊາຊົນ ແຕ່ຢ່າງໃດ. ບັນຫາ ຄົງຈະແລ້ວກັນເທົານີ້ລະ ທ ປໍເຮີ ຄົວ ຈະຖືກ ພັກລັດ ນຳໄປ ປະຫານຊິວິດຢ່າງ ບໍ່ຕ້ອງສົງໄສ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 17, 2017 02:15 PM

(

Every one need to see, Lao PDR regime plan to take over the PS factories, properties, and bank account. The communist way is to take over everything. Pao Her brain is to support and believed the Lao PDR even he is fled the country of Laos by prosecute but he is still heading to Laos to look for his own Jail. It is time to die and end of his life in Prison, Most of HMONG people do not believe that Lao PDR would greatly welcome and forgot the war we fought side by side with U,S,. Goodbye Pao Her.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 17, 2017 02:13 PM

ເຕັມຫນ້າ