ຂ.ອຸດົມໄຊຕຣຽມຄຸ້ມຄອງ ຄົນງານຈີນ

ອຸ່ນແກ້ວ ສຸກສະຫວັນ
2017-08-14
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ກອງບັນຊາການ ປ້ອງກັນຄວາມສງົບ ແຂວງ ອຸດົມໄຊ
ກອງບັນຊາການ ປ້ອງກັນຄວາມສງົບ ແຂວງ ອຸດົມໄຊ
RFA/NY

ຜແນກແຮງງານ ແລະ ສະຫວັດດີການສັງຄົມ, ແລະ ຜແນກປ້ອງກັນຄວາມສະຫງົບ ແຂວງອຸດົມໄຊ ຕຣຽມພ້ອມຄຸ້ມຄອງ ຄົນງານຈີນ ຈຳນວນຫລາຍ 100 ຄົນ ທີ່ຈະເຂົ້າມາ ເຮັດວຽກກໍ່ສ້າງ ທາງຣົດໄຟ ລາວ-ຈີນ. ດັ່ງເຈົ້າໜ້າທີ່ ຜແນກແຮງງານ ແລະ ສະຫວັດດີການ ສັງຄົມ ແຂວງອຸດົມໄຊ ໄດ້ກ່າວ ໃນວັນທີ 10 ສິງຫາ ວ່າ:

"ກະມີແຜນກວດກາ ກ່ຽວກັບຢູ່ຕາມສັນຍາ ແຜນນໍາເຂົ້າແຮງງານ ຕ່າງປະເທດ ເຮົາກະຄຸ້ມຄອງ ຕາມນະໂຍບາຍລວມ ຕາມນະໂຍບາຍ ຂອງສອງຣັຖບານ ໄດ້ຕົກລົງກັນ ແຫຼະເນາະ ໂດຍສະເພາະ ກະແມ່ນທາງບັດ ແຮງງານວ່າ ວິຊາຊີບ ຫຍັງແທ້ ຢູ່ໃນວິຊານຳເຂົ້າຫັ້ນ".

ທ່ານກ່າວອີກວ່າ ສ່ວນເລື້ອງການກວດກາ ບ່ອນພັກເຊົາ ຂອງຄົນງານຈີນ ລວມທັງການ ກວດປະຫວັດຕ່າງໆ ວ່າເຂົາເຈົ້າ ເຄີຍມີຄະດີຢູ່ ຈີນ ມາຫລືບໍ່ນັ້ນ ເປັນຄວາມຮັບ ຜິດຊອບ ຂອງເຈົ້າໜ້າທີ່ ຕ.ມ ແລະ ເຈົ້າໜ້າທີ່ ປ້ອງກັນຄວາມສະຫງົບ ຊຶ່ງຖ້າພົບວ່າ ຄົນງານຈີນ ຄົນໃດ ມີໝາຍຈັບ ຂອງທາງການຈີນ ກໍຈະຖືກສົ່ງກັບ ທັນທີ.

ທີ່ຜ່ານມາ ເຈົ້າໜ້າທີ່ແຂວງ ເຄີຍໃຫ້ຂໍ້ມູນວ່າ ຄົນງານຈີນ ຈະມີຈຳນວນ ຫລາຍກວ່າ 1 ພັນຄົນ ທີ່ຈະເຂົ້າມາ ເຮັດວຽກຢູ່ ແຂວງອຸດົມໄຊ ນັບແຕ່ເດືອນຕຸລາ ຈະມາເຖີງນີ້ ແລະ ຈະເຮັດວຽກ ທັງກາງຄືນ ແລະກາງເວັນ ໂດຍຈະມີການ ຜັດປ່ຽນກະກັນ ໃນການເຮັດວຽກ.

ປະຊາຊົນເມືອງໄຊ ແຂວງອຸດົມໄຊ ກ່າວຕໍ່ເອເຊັຽເສຣີວ່າ ປະຊາຊົນ ຕ້ອງການຢາກໃຫ້ ທາງການ ຄຸ້ມຄອງ ຄົນງານຈີນ ຢ່າງເຂັ້ມງວດ ທີ່ສຸດຍ້ອນວ່າ ທີ່ຜ່ານມາ ເຄີຍມີຄົນ ຈີນ ທີ່ເຂົ້າມາ ຢູ່ແຂວງອຸດົມໄຊ ແລ້ວກໍເຫດ ຂົ່ມຂືນ.

ຄໍາເຫັນ (0)
  • ພິມ
  • ໃຊ້ຮ່ວມກັນ
  • ອີແມວລ໌
ເຕັມຫນ້າ